Salam dumanai Titus ¹ Walung lai Paulus wihi nai Mauri dangka da Rasul Mauri Yehu Karitu, napa palewa waingi manung da Tau dapa peli nai Maraba Allah dangka nama pengu nama padenungu nama iruda tama patubang. ² Kada peku kolukung mapa tubang ta moruku palupang. napajajina ba dadipa nawoli na awang kawungana ba yiaya duna Maraba Allah dana wolumaya nama dakalungu. ³ Bana toma kayaka na rahina, bana pataka tomanya na Pulungu napa langa laikuna lai nyuwa merana napa pareta nai Maraba Allah, pumgi morukuda dutta. ⁴ Duma nai Titus, na anawikina tadalu manung da dutta. Na maimaringu dangka na waimalala nama walung lai Allah Ama pungi moruku. Da doku naitu nai Titus bana piliha dama mabokulu gareja ta Kreta ⁵ Langa yiakadiyaka nau duku pa engagu ta Kreta, dang kam peku keraja ganaha dapa dadi pamangamu dangkam peku pangadangu mabokul gareja ta haingi padaungu- haingi padaungu, merana napa langa patomagu lai au. ⁶ Harus tau mada aingu pajalane, nama kahaigi ihi umana, ma aingu anana mapamanung, dang dapa newi waimang bada moruku tama dama kalungu. ⁷ Dama bokul garejakaka harus tau mada iangu pajane nama patomaya na pulungu nai Mauri Allah, dana hobbungma, dana geha banima, dana buhang ma pamauk, dana buhangma papatadang, dangka dana jurrak atima. ⁸ Taka tahabalina nau, na buhang bana wong marak, na buhanya nama kalung, napengu, napamerang, naloruhu, dangka na pattu wikina. ⁹ Napa manuduakapapanya na hilu napa langa kolinya dina maninya, napalanga panau papekadeya namakalungu dangka kana papekanyaduda dama tau ja gabana. ¹⁰ Duku dangya na tau nama bani doku, na buhang pakapoluk, dangka napalapung, taka da tau dama walung ta kalebu tau na waras atina. ¹¹ Padau memmaneka ba tonihabada da abada dama paha dukaha boludaba da olidadi bana papekanya napata morukku dama kalung, napa pama kayawaingu. ¹² Na hatau walung dai duda, na pamatua da, malangi kimika yiami nanni tau Kreta ma duku kabohuk, merataung bada majurakkuha, duku rakuh dangu duku jawu atiha. ¹³ Mapa denungi yai napa winang. ba ta naunyaka, peka waingu hawatuk ja kada peku tadji ta lara makalung. ¹⁴ Abu rangu nau diya na dedaku tau Yahudi dangka na tau nama da buhanya nama kalungu. ¹⁵ Na ngera na nama waraskaka, warash memamne. takka, lai duda da aimemma maka mapadenungu, ba mula naka bada da manninya mayai Mauri, da ai pingu mangka ma kalung lai duda mulana ba walung ta atida da ai memmanyaka nama kalung. ¹⁶ Ma penya nama Wollu Tau widakaka, taka napa wolluda ma kabalukki lai Allah. Duku palabu atiha, da dapakerima, da dapawali atimanya bada pahalakuya nama kalungu.