1
No', nadun he'e malaikat kufa' nu sorga mihel, o'fenho tafiing e'lafung haai bo'ta, apongfa' fed honi, e'fa mangfede ludung afail honi.
2
Malaikatho sura' kaai nupuin sobo sari during meng. Sa se'fa tani med tangta atuhuin, se'fa fiing taatta atuhuin,
3
no' sabeat o'amang singa honi, sa amang amuj he'e, burang da'ud mi itito; supi soture da'udho name en maeh.
4
Burang da'ud mi itito, no' nahul bit sobo, na alepang he'e name amangpa' sorga mihel ubangho, "Nabafe burang da'ud ubang am ho apec! Haai hul nene!"
5
No', malaikatba nadun he'e tang med taat tatufeho satang tani atel burang araham,
6
no' sa Aiba fetang em ameng, sariso burang med o'om mi aten, sariso pali' mate med o'om mi aten, sariso tang med o'om mi aten, sa Ani puin soki so arooin min, sa ubangho, sel uta neneam,
7
sobo, malaikat o'mi ititoho sohuling apu honi he'e, Lahtal o'natafuning ano' an, mangfede' Sa bit Soname ahow ei sariho nabi ara matengam honi*."
8
No' he'e, name amangpa' sorga miho'ba fede' nama eh foil nara mateng ubangho, "Sam sura' kol sari during mengba, malaikat tang med taatta tufeh atang mieh ho med."
9
Horo, nasam malaikatho abung, sura' kaai kolba sa puin ehho bang med. Med, malaikatho naramateng ubangho, "Sura' ho' med honie ade, sa ato' ano' maar kio, sobo at miho darefang fain sei honi."
10
No', na malaikat abung sura' kaai homed na ade, nat om mi darefang fain sei; sobo na ade no' he'e, nato' maar kio.
11
No, sa naramateng, "Bang ernu pali' ernu, mateng lurung tofang, med afen ernu eng adang homi afoil apapail umateng."