YOHANES O SURA' ASEL ( 17 ) ERNU FALING ITITO
1
Horo Yesus o matengpa' nun, horo he'e Sa sapogfa' bakung burang edun no' ubang ho, "Nimang, osel miam, O'aiy ho afoh atel honie O'aiy di Afoh atel.
2
Mangfede' nameno' barpi eiy araham A kufa' med Enam, honie fa barpi barpi ba A med Enam ho, Sa fetang so em med en no'.
3
Ho'oro fetang soem ho, honie sa supi ahol, ari horo fe abul Lahtal nu'le, med ahol bite Kristus yesus horo fe A ahow ho.
4
Na afoh Atel pali'mate ho'o ta am, sari horo karasang ba A med Nen ho Na u karasang am.
5
Fe fed ho'o, o Nimang, Nafoh Natel Araham ara Pi lel madal ba pali' mate e ara daiy ho ta.
6
Na Aniho u hu'tang am, fa nameno' nun ba pali' mate ta a med Nen ho araham. Supi ho Ona bo A supi med nenam, fe supi di O fompa' ho alol ata'ain am.
7
Fed ho, supi ahol bite barpi ba A med Nen ho Ari mi ho.
8
Asel, fompa' ba A nen ho Na med supi en am, honie supi di medam, horo supi abul-abul ahol bite Nari ho Ari mi ho', fe supi o atino' bit bite Ari so u Nahow .
9
Na a'ome fa supi araham, Na e pali' mate u a'ome nene, sobo fa supi ba a med Nenam ho araham; asel, supi ho Ona.
10
Barpi ba ara Nabung ho na Ona, med barpi ba ara Abung ho na Nona; honife fa Nafoh Natel mi ho, so barpi horo om mi.
11
Na e pali' mate ho'o ta nene am, sobo supi daiy ara pali' mate ho'o ta eh, bo na ho' olap ho'. Nimang Bolang, Anife om mi supi buang, Ani ba A med nenam ho, honie supi sano' nu Piri honi.
12
Na daiy supi ara eh ho, Na Ani ba a med nenam horo Na puin supi buang am. Na supi buang am honie supi o'anaiy mi namenu di esu huin nene seiylal ho aiy na osah karang panen, honie sura' bolang ho ano' an.
13
Sobo fed ho'o, Na uil ho olap ho'; fe barpi ho'o, Na pali' mate ho'o ta u hu'tang honie supi no bad herang med ano' seiy, honie supi om mi ano' afeng.
14
Na o fompa' med supi enam, horo pali' mate om bune supi araham asel supi e pali' mate ho'o mi ho' nene, orupa Na e pali' mate ho' o ta ho' nene huni.
15
Na e Abang pali' mate ho'o ta supi med nene, sobo supi u alang muling fa ari'ing feil araham.
16
Supi e pali' mete mi ho' nene, orupa Na e pali' mate mi ho' nene honi.
17
Na o abul puin supi ano' bolang; O fom pa' horo na bolang.
18
Mangfede' A u nahow pali' mate ta am honi, horofe Naridi supi ahow pali' mate om ho'o mi.
19
Fa supi araham, Na Nano' bolang honie supi di na'o abul om femi bolang.
20
Na e mang a'ome horo solo supi araham nene, sobo fa nameno' nun pa No atino' bit fa supi o maring pa' homi,
21
Honie supi barpi sano' nu, mang fede' Ari honi, o Nimang, Ari Nom mi med Nari Om mi; honie supi di sano' nu piri mi, honife pali' mate o abul bit bite Ari so u Nahow am.
22
Bit kafac ba A med Nenam ho, Na med supi en am honie supi sano' nu, orupa Ari e med nari ho he'e nu.
23
b Na supi om mi med A ara Nom mi, honie supi sano' nu barpi. Honin e sa, pali' mate ahol bite Ariso u nahow, med A supi ukarang, mangfede' A Nari ukarang honi.
24
O Nimang, Nom umang ho honie supi, ba A med Nenam ho, so ara Nara eh mang taromi di Na ara, honie supi No Lel Madal be A med Nenam ho dun ahol, asel A Nari ukarang pali' mate oa'aiy nang ta daiy homi.
25
O Nimang abul o aneng, masiki pali' mate e A'hol nene, sobo Na A hol; med supi di ahol bite Ariso Nahow.
26
Na Ani ho puin Supi aramateng am med so u supi ara mateng, u hu'tang seiy masing, honie ukarang ba Na ara supi ara, A Nari ukarang ho ara supi om mi, med Na ara supi om mi