YOHANES O SURA' ASEL ( 16 ) ERNU FALING TALANG
1
Barpi ho'o Nau aramatengam honie iyom ha'aiy od e.
V 2 Supi musti a'ome bang mi a' te'tel feso, osel mi honi he'e name nun ba amine ho ma' tanut bite supi Lahtal o baleta eh.
3
Na honin ho supi panen asel supi Nimang emed Nari nihol nene.
4
Honi sobo, barpi ho Nauira matengam hunie, mangfede' osel ho' ma am, i umang bite Na u ira mateng am. Fe sari na ho'o a'aiynang ta Na e u aramateng nene asel na daiy ara ira eh. ROH BOLANG O KARESANG
5
Honi sobo, fed Na sam Aiy ba Nari tahow ho' ho olap sam, inaiy homi namenu di enatan bite, 'A taro fe leam so?'
6
Sobo, asel Na na nun ho u ara hu'tang am horo fe,susa lala om afeng.
7
Honi sobo, Na na o abul fe u ara hu'tang: Mino' he'e ere'eng ey Na sam, bite Na e sam nene, o iri muling eiy e ho' abung nene; honi sobo mangfede' Na sam, Na u ahow ho olap ho.
8
Fe mangfede' omuling eiy ho'am, Sa pali'mate ano' uma fa doc, na o abul, med abul ahal eiy araham ho ahol;
9
fa doc araham, asel supi e no atino' bit nene;
10
fa na oabul eiy araham, asel Na sam Nimang olap honie i ma' e dun Nahol nene am,
11
Med fa abul ahal eiy araham, asel pali' mate o aneng nun o kufa' ho abul ahal medam.
12
Na o milafoh Nom ara hu'tang uma, sobo fed ho o i med panen sah.
13
Sobo, ho'araham Sari, Roh abul ho ho'ma, Sa epuin atang apuin na o abul ernu fe lefa. asel, Sa e som ata'ayin hu'tang nene, honin sobo barpi ba Sa ma'eh ham horo sa u hu'tang; med naernu ba ara eiham horo Sa u aramateng.
14
Sa Nafoh Natel asel na ba Na medam horo sa foiy med, honie sa u aramateng.
15
Ernu turlo ba Nimang eiy ho na Nona. Hoife Naubang ho, Roh abulta ho naba fe Sa nabung med horo sa u iramateng."
AHAIN AFE' SANO LOIL ASAL
16
"Mi pane'le ta he'e, i'e' dun Nahol nene am; sobo Mi pane'le ta honi he'e i dun Naholam."
17
Yesus o sakola aiybar satan, "Eiy om taro'ni fe Sa taramateng bite, 'Mi pane'le ta, he'e i e dun Nahol nene am; foiy minuta, mi pane'le ta, he'e i ma' dun Naholam?' Asel' 'Na musti sam Nimang olap'?"
18
Horo, supi uta'ain, "Eiy om taro'ni fe bite, 'mi pane'le ta'? Na ba Sa ubang eh ho pi e ahol nene."
19
Yesus ahol bite O sakola aibar om Atan uma, horo Sa supi atan, "Ahal Neiy Nom madong eh ho'o i ibo-bom u itan eh, asel Na ubang bite, mi pane'ale ta i e dun naho nene am; foiy minuta, mi pane'le ta he'e i dun nahol am'?
20
Na na o abul fe puin ira hu'tang, i ma' ahain afe' med ahain pa' ta'an, sobo pali' mate bad herang; i ahain afe' om mi, sobo o ahain afe' ho sano' bad herang.
21
Ho araham name ob nu safain, sa ma'ar mahip med asel safain osel mi am; sobo sa mang aiy ho afain no', sa ma'ar mahip o tarofe ho u sibung oh, asel apano' ho, sa nameno' nu afain pali' mate ta am.
22
Horo eiy fe iridi fed ho'omi ma'ar mahip ahol, sobo Na foiy olap ho' honi sa om ho bad herang med, fe nameno' nu di bad herang ho abung med sah.
23
Sel ho araham, mang naba horo di i eu Natan nene am. Na na'o abul puin ara hu'tang, mang naba horo di, i Nani puin u Nimang abang, Sa musti med ien.
24
Sam fed ho'o mi, mang naba horo di i e Nani puin nimang abang daiy. Abang ema, i musti med honie o loiy asal ho sa sano' afeng." PALI' MATE ANO' BOL
25
na afangrat nun ho Na o upapain puin u ira mateng am oh ham; osel mi am he'e, Na e o upapain puin ira hu'tang nene am, sobo Nimang eiy araham Na u iramateng ano' lele.
26
Sel ho araham, i Nani puin na bang, sobo Na e u aramateng nene bite Na naho u aome Nimang abang u araham eh.
27
Asel, Nimang uro iri ukarang fede' ba i nari ukarang med No' atino' bit bite na Nimang mi ho'.
28
Nariho Nimang fe mi ho', honie Na ho' pali' mate ta am; fed ho'o Na pali' mate ho'o atayin e nabor Nimang olap."
29
O sakola aiybar ubang ho, "Hepo, fed a mateg a'lelam, e ano' upapain nene am.
30
Fed ho oro, ni ahol bite ernu turlo ho a ahol, namenu di foiy u Atan nene am. Honin fe, Ni O atino' bit bite ariho Imang mi ho."
31
Yesus supi o mateng abor, "Fed ho'o, i o atino' bitam?
32
Edun ema! Osel ho' ma eh ham, sobo ho' ibung am, hunie ino' tari' tabite, iri'an ibor ieleme ielafeng arian Nolo nad Natain. Honi sobo, na e Nolo nene asel nimang ara Nara.
33
Barpi ho'o Na u ira hu'tang honie ma Narimi, i il luling no' ham med. Pali' mate ta i ma'ar mahip arupa', sobo om ho ano' dume! Na pali' mate ano bol am!"