LAZARUS MIN ¹ Betania o'name lotenu a'ni Lazarusho, mode eh, Betaniaho,Maria med o'di'ail Martaho o'bang o'pali'. ² Maria horo sei manem med Yesus e'fa ta u'huin no'hee, selafung a'ri'nemang puin luh, sari horo o' u'ding lote Lazarusho mode. ³ Horofe,o'u'ding ob piralo hoo,samang tahow sam Yesus a'ramateng ubang; Tuhan, onameba, Aona ukarang bi'ho mode eh. ⁴ Sobo Yesus matengho ma'eh Sa ubangho; Modeho sa e' umin nene,sobo honi puin Lahtal o'mate o'lafining a'no'lel,honie sanahoo sano' se'bur,puin Lahtal ai a'no' mate lafining. ⁵ Yesusho, Sa Marta med o'diail ob, med Lazarusho,Sa ukarang empir. ⁶ Horo Yesus ma'eh hee Lazarus mode eh horo hee,Sa kakalufe dai seleme homi tareng alo om mi. ⁷ Noamfe,Yesus sosakola aibar aramateng; Ma pifoil sam Yudea leam. ⁸ Sakola aibar a'ramateng; Guru,Yahudi hinung foi puin od e'lufang dai A foil holeam? ⁹ Yesus ubang, od ernu faling alo e'a'ra hairnu om mi nene? Mang fede' namenu dil lel puin lame sa u'fit nene, fede' sa pali' mate o'lel a'hol. ¹⁰ Sobo namenu dil paka puin lame, honi hee sa u'fit fede'lel e'a'ra tohuil nene. ¹¹ Yesus mateng honi no', Sa supi a'ra mateng; Pi tenang el Lazarus taram,sobo Na sam a'how toh. ¹² O' Sakola aibar ara mateng; Tuhan, sa taram hee, sa birangso. ¹³ O'a'bultaho, Yesus sa Lazarus o'min bit,sobo sakola aibar ei om hee', Lazarus tar nopso honi. ¹⁴ Horo Yesus supi a'ra mateng lel ubangho; Lazarus minam. ¹⁵ med Napano' fede' sari na hoo, iere eng. Na haai ara hemomi nene,honie i No a'tino'bit. Honife ma, pi o'lap sam. ¹⁶ Tomasba o'ubang Didimusho,sakola aibar beng sa a'ra mateng, Ma, piridi sam, honie pi ara ham ham min. ¹⁷ Yesus sam bangmi hee,Lazarus name a'pot tareng utam. ¹⁸ Pi Yerusalem mi lamw Betania leamho,o'let kilo kilo ernu faling ifihing. ¹⁹ Yahudi hinung tofang ho' Maria med Marta om ano' no',fede' supi o'u'ding loteho ei a'raham. ²⁰ Ma'eh hee Yeaua ho'am horo hee, Marta sam A'ri med,sobo Maria so mong bangmi. ²¹ Marta sa Yesus a'ra mateng, Tuhan,mang fede'selho a'raham A a'ra hoomi honi hee,no u'ding lote e' min nene. ²² Honi sobo fed Na a'hol, A nabafe u Lahtal a'bang honi hee, Lahtal med En. ²³ Yesus a'ra maten ubangho ; O u'ding u'il sofetang. ²⁴ Marta a'ra maten,Na a'hol saiho,mong zamang o'a'mujmi,name min sofetang hee,saridi sofetang. ²⁵ Yesus a'ra mateng ; Nari horo fetang asel,ano so No a'tino' bit honi hee, sa minamdi sa uil sofetang. ²⁶ med anoso fetangta No a'tino'bit,sa minho e'a'hol nene. I sari na hoo o'a'tino' bit eme aai? ²⁷ Marta A'ra mateng ; iya, Tuhan,na o a'tino'bit,Ari horo Kristus. YESUS A'HAIN ²⁸ Sa naho ubang no' Marta sam Maria o'lofe ubang, Guru a'ra hoomi,Sa olofe. ²⁹ Mang ma'eh horo hee,Maria sahir toh sam Yesus ahol. ³⁰ Ho a'raham, Yesus dai seham,Sa dai mong elemeba Marta sam a'hol homi. ³¹ Yahudi hinungba mong bangmi Maria om a'no no' eh ho dun hee,Maria tabubul toh sam luling lehelam horo supi a'ta ain. Supi ei om hee, Maria maa sam dere leam a'hainso honi. ³² Maria sam Yesus e'leme homi, sadun Yesus a'hol horo hee,sa hel Yesus e'fa selmi fa'ur muding,sa ubangho; Tuhan, mang fede' selho a'raham A a'ra hoomi honi hee,no u'ding lote e'min nene. ³³ Yesus dun hee,Maria a'hain med Yahudi hinungdi barpi a'ra a'hain am horo hee, Yesusdi Roh mi a'hain a'fe' sobo malang mate ara' tafah ualoil. ³⁴ Yesus ta'ain; Lazarus itaromi a'pot? Supi ubang; Tuhan,ma nita ain honie,e'dun. ³⁵ Yesusdi a'hain. ³⁶ . Horo Yahudi hinung ubang ; Idai e'dun ! Sa Lazarus hoo,sona ukarang empir. ³⁷ . Sobo supi a'nai homi name pirnu alo ubangho ; Ai hooroba,name engsah a'no' lelam, honie Sa Lazarus hoo a'no' fetang sah? LAZARUS MINAM SOBO SOFETANG. ³⁸ Yesus a'hain a'fe' puin sam dere leam. Dereho,leng omnu,name foi puin utel. ³⁹ . Yesus ubang ; Foiho agolong a'hal sam! Ai minho o'u'ding ob ani Marta ubangho ; Tuhan,fed hoo,sa bone maningam so,fede'samin tareng utam. ⁴⁰ . Yesus a'ramaten ubang ; Mangfde' a o'a'tino' bit honi hee,a dun Lahtal o'tutung kufa' a'hol.mateng hoo Na e'uara mateng dai? ⁴¹ . Horo supi foiho med. No' Yesus sapongfa' bakung burang en,Sa ubangho ; Nimang,Na mahen no' bit ArHm fede'A,Nei alepang,. ⁴² . Na a'hol A Nei ma'eh sei masing,sobo name tofang Nari fading toh pir,honife Na na hoo ubang,honie supi O A'tino' bit,sariho Ariso Nahow ho'. ⁴³ . Matengho ubang honi no'horo hee,Yesus lofe beat ubangho ; Lazarus! hel!. ⁴⁴ . Horo hee,ai minho,leng om homi hel sobo,e'fa med a'tangho dai apec meng,a'pongfa'di napah dai baloil pir. Yesus supi a'ramateng ; napahba a'ri baloil mengho balel few Sa sam. YESUS A'MINE UGAHAIN. ⁴⁵ Yahudi hinug ho' Maria e'dunho'nabafe Yesus panen supi a'hol horo hee,supi Yesus o'a'tino' bit. ⁴⁶ Honi sobo supi a'nai homi pirnu alo nabafe Yesus panenho,bit Farisi hinung e'maring. ⁴⁷ . Horo hee,imam hinung o'kapal med Farisi hinung sari ta'unung gahain ubang ; Nabafe maa pi panen? Fede' Ai hoo,na utahoir tofang Sa panen. ⁴⁸ . mang fede' pi mang e'dun eh honi hee,name tofang o'a'tino'bit,no'honi hee,Roma hinung ho'teleme,med pi bang pi pali' utot med oh. ⁴⁹ . Honi sobo,supi o'a'nai homi ainu a'ni Kayafas,tun om homi sariho imam mate,sa supi a'ra mateng ; i barpi e'na'hol nene, ⁵⁰ . eme,i e'utanut ubangho ; name pirnu min med bang ernu e're eng somino' eme, bang ernu barpi min tabang a'hol. ⁵¹ . Sa e'so bo' mate ei a'lol mateng hoo bit nene,sobo tun homi sari imam mate sa mateng tafuninf bit,fede'sel ma eh hee, Yesus min med bang ernu ere eng. ⁵² . E'med Yahudi hinung solo e're eng nene sobo,puin Lahtal o'aibar tofangba tabite pali'mateho abuil ta'unung ano'nu. ⁵³ . Horo sel homi supi somnu honie Yesus a'mine. ⁵⁴ . Horo sel homi Yesus sa Yahudi hinung a'nai homi petang lame nene sobo,Sa hole mong pali'nu lamate lalai abung homi ani Efraimho leam,sa hemomi Sosakola aibar a'ra mih a'ra tar. ⁵⁵ . Selho a'raham,Yahudi hinung o' hair mate Paskah fanang,honife pali'ho o'name tofang sam Yerusalem leam honie,hair mateho e'lefa dai honi hee,supi safah sahir ano' bolang. ⁵⁶ Horo supi Yesus lap,supi Yerusalem bang om homi toh satan,nufa nu a'tan,numa nu a'tan ; ei omho taro'ni? Sa maa e hair mate hoo leho'neneso? ⁵⁷ Imam hinung o'kapal,med Farisi hinung parenta a'ra hel ubangho,sari Aiho a'ra taromi eh ano a'hol honi hee,sari nameho ho'ubang honie supi a'puin.