BAANG KAAI NU SAM ERALO FALING NU
1
Simon Petrus, sariho, Yesus Kristus a'mang hamow o'name, sa ada mahen tahow med nameba udume medam ho en, sari udumeba sipi med ho, niei udumeho a'raham, sipi Lahtal med Yesus Kristus tano' il luling horo o'lang a'bul om mi udume ho med.
2
I Lahtal a'hol, med pi Tuhan Yesus a'hol om homi; untu ada, bad horang a'ra a'lihing a'ban iraham.
NAMEBA LAHTAL O'LOFE MED U TARO'
3
O' tutung kufa' pi tep sah, o' om homi an tofang fa fetang med om bolang ei a'raham Sa med ten, a'hol fa a'raham, u tolofe fa o'lel o'madal, o'no' o'ham om lefa.
4
Sariho om mi, Sa so paha' mate ernuba o'fali araho med ten, honie o'paha' ei a'taain, iridi o'bolang manepho a'pite' habuden med i ei ano', honie panen a'ten sah pali' mate ei ho, i e'let.
5
Ho'o ei a'raham ho, lap atino' puin iudume ho uta. Sariho panen a'ten med na a'hol dil ma'eh o'no'fe panen,
6
na a'hol dil ma'eh puin bo' ubu'ang, bo ubu'ang puin a'lol a'taain ugariang, a'lol a'taain puin om bolang ho ualang,
7
om bolang puin diail tenang el ukarang, diail tenang el ukarangho, tei bo' mate solo e'dun e'fal nene.
8
Mang fede' sari ho'o barpi a'ra iafah mi, no' he'e uta upot sei masing, honi he'e pi Tuhan Yesus Kristus a'hol om miho i e'oh e' a'ai nene sobo, i bungta pir ta.
9
Honi sobo, nameba sarina ho'o e' a'ra a'fah mi nene, honi he'e sari nameho eng maru sa dun marupir, fede' o'doc mong turmiho ano' bolangam honiho sa usibung am.
10
Honife no diailbar, lap te'eng a'tino' puin o' otabi ahol ubangho, iriho name iolofe med iri tara'am, fede' i sariho' panen honi he'e i e' o'l nene.
11
Honi he'e, se'ar mateba mid Tuhan Yesus Kristus il luling asel o'bang bolang lemid eiho, sari during somate med ie re'eng.
12
No tanut, honie sa an tofang ho i haai sibung e', i uma sei masing masiki i a'holam, no' honi he'e i a'ten dume med udumeba a'ra ibung ho ta a'tuhuin am.
13
Na dai pali' mate o'dup arah om mi fetang eh ho, na tanutho, na imot mitoh, iramateng iralurung honie i ha'ai sibung e',
14
fede' dup arah pali' mate ei ho'o na ad a'tain eham, mang fede' pi Tuhan Yesus Kristus u netub honi.
15
Med, na se'bur ernu panen honie, na samam di, an tofang ho'o i so uma eh.
NAMEBA YESUS O' MATE LAFININGHO DUN TA A'HOL
16
Hul ladimang labor med Tuhan Yesus Kristus o' tutung kufa' med o'ho' o'ma ho a'raham ba ien a'hol ien ma'eh, ni e'ho a'taain nene, sobo niri ho'o, Yesus o'tutung o'kufa' ho, niri ho'o nie'fail puin dun ta a'hol.
17
Fede' sariho a'raham Yesus ada a'hol med mate lafining Somang Lahtal a'bung medho, Omang mi Mate mi Lafining ubang ho, "Ho'oro No Ai lote Na ukarang, Sari ho'oro Na u i'nung,"
18
niridi mateng pa' ho ma'eh, mateng pa'ho tong sorga bang bolang mihel, fede' selho a'raham, niridi a'ra ham-ham doi bolang ho ta.
19
Niridi mateng pa' turmi eiho ni o' a'tino' ubang, honife mino' he'e iridi e'dun no' no', mang fede' lampu ka'ai panami lel eh e'dun honi, sam lalami so a'ra, sam ibing dilel so iomho mi madong.
20
Honi sobo, naba i a'hol sotur feho, mateng lurung a ainang, hul sura' bolang mi o'l mengho, e' nameno' ei tanut nene,
21
fede' mateng lurung turmiho pa' nudi e' nameno' ei tanut nene; sobo, name tofang Lahtal a'mang puin mateng ho, Roh Bolang so sano' asel nameho e'puin a'tang puin.