PAULUS O' SURA' AAINANG TAHOW JUMAAT KORINTUS EN ASEL MATE NU.
BAANG KAAI NU SAM ERTOLO FALING NU MIMENG.
1
Paulus lofe pa'med sano' Yesus Kristus o'sakola, sariho Lahtal ei inung, med pi di ail Sostenes.
2
Lahtal o' jumaat mong korintus miho ei araham, supi ba Yesus kristus om mi bolangam ho,lofe pa'med sano' name om a'bul, med nameno'ernu mong eleme arian ba pi Tuhan yesus ani ulofe he ho so barpi, sariho supi seleme a'rian ho med piri.
3
untu ada, no'ham pimang Lahtal med Tuhan Yesus Kristus,supi a'lorang med ien.
Paulus Lahtal o'no'bit
4
Na no'ham bit no Lahtal araham sei masing mmed i e re'eng' fede' Lahtalo'no 'ham Yesus kristus med i en'
5
honie, na tofang om mi i a'rimi kafac, mateng lurung mi, na a'hol dil ma eh mi,
6
mang fede' Kristus umateng u lurung eh ho a'ra iri mi dume am honi.
7
Honie, Tuhan Yesus Kristus a'danang eh om homiho, nanudi e i kurang i bo' nene,
8
sariho puin ino' dume sam o' a'muj mi, honie, i haai pi Tuhan Yesus Kristus o' hair om homi kome karo' nene.
9
Lahtal om no' horoba, sa io lofe ma o' ai o' lubung ta' unung om ho lema.
Jumaat Tabite
10
Fed ho'o, na ifom no di ailbar, pi Tuhan Yesus Kristus a'ni puin, honi i na o'ha,fe ubang honie sa, tari' tabite ara inai homi e' sobo, iri utaro' alapho tanut ham med inung ham fe mi.
11
Fede', Kloe u name mateng ubangho, i ie' riing ie fail eh, no diailbar.
12
No tanut fed ho, i iri an mateng ubangho, "Nari ho' Paulus mi," med, "Nari ho' Apolos mi," med "Nari ho' Kefas mi," med "Nari ho' Kristus mi."
13
Kristus Sa saba'ang? Paulus helti tahil ie re'eng? Eme, i sei tuling tow medho Paulus ani puin?
14
Na mahen bit Lahtal a'raham fede', inaihomi na e' namenudi a'foil nene, seilalho Krispus med Gayus,
15
honie sa, namenudi ha'ai ubangho, i sei tuling tow med ho nei nanife mi med honi e'.
16
Na Stefanus med o'bang om horo na a'foil; sobo o' a'taain ho name beng dina a'foil soem a'aiho na a'hol nene am.
17
Fede', Krsitus e' nahow name a'foil nene, sobo nahow fom pa'fe umateng, e' na ahol dil ma'eh mateng lurungmi nene, honisa Kristus o' heltiho a'no' na mang tanai e'.
LAHTAL O' TUTUNG KUFA' MED NA AHOL DIL MA'EH
18
Fede', helti ho umatengho, sano' na bodo kamuke med nameba suhuin a'ai o' se utufeh ho e're'eng, sobo piriba il luling med feho, sari ho' sano' Lahtal o' kufa' med tere'eng.
19
Fede' a'ra hul olmeng,
"Name na ahol dil ma'eh Na a'butung a'sele,
med name tanut huding om hulho, Na a'dodo a'lil."
20
Name omhul a'ra taromi? Taurat o'name omhul a'ra taromi? Zamang u sara mid sara hel o'name omhul a'ra taromi? Lahtal Sa pali' mate o' dil ma'eh ho a'no' bodoam eme a'ai?
21
Fede' Lahtal o' na ahol dil ma'eh, pali' mate di sona ahol puin honie Lahtal supi e' a'hol nene am, sobo Lahtal u inung honie, bodo kamuke om mi sura' bolangho umateng, puin nameba o' a'tino' bitam ho a'no' il ano' luling.
22
Fede' Yahudi hinung o' utub udam bang, med Yunani hinung na ahol dil ma'eh lap.
23
Sobo ni Kristus ba name helti ta haleng horo ni umateng, sariho Yahudi hinung a'raham he'e sano' foi u u'fit, med nameba e' Yahudi nene honi hee' sano'na bodo kamuke.
24
Sobo, supiba lofe pa' med, sariho name Yahudi eme name Yunani, Kristus horofe Lahtal o' kufa', Lahtal o'dil ma'eh.
25
Fede' bodo Lahtal miho' horofe na a'hol nameno' ei nemota, moleng malaj Lahtal miho' horofe mi kufa' nameno' ei e'mota.
26
Mang lofe pa' medho i iedun Di'ailbar, bo' mate lol tofang e' na ahol nene, tofang e' aneng nene, tofang e' ada a'hol nene,
27
sobo Lahtal pali' mate ta o' bodoho u tara' puin o' om araho a'no' mala, Lahtal pali' mate ta o' moleng u tara' puin o' kufa'ho a'no' mala maniang.
28
Med, Lahtal nabafe u ada ahol nene, pali' mate taho nabaso sah lamang med na an anba no' ham nene horo sa u tara' honi puin nano' naham pali' mate eiho ano' suhuin,
29
honie sa nameno' ernu haai Lahtal a'raham homi sadel ba' nene.
30
Fede' Sari mi, i ara Yesus Kristus om mi, Sa tano' dil ma'eh, na'abul, ombul, med Lahtal piri u ampo,
31
Honiesa ara hul honi, "Name sarida, Tuhan om mi bad."