¹ Salam noko Paulus, tuafes ek bui peonatuin Yesus Kristus, fun noko Tiomotius, pirsait mese nok kit, neu Filemon, aokbian fun atuta amanekat, ² fun neu Apfia, hit aokbian, fun tomneu Arkhipus, aokbian bi mepumese, fun neu to srani he namesok et ho umi. ³ Ao mina ma ao reko mamut neu ko noko Uis Neno, hit Ama, fun noko Usi Yesus Kristus. Tobe Menekat neu Ptrsait fun Manekat Filemon ⁴ Au toeb manekat piut-piut neu au Uis neno eti au um nauki bi au onen-onen sin, ⁵ peo na tuina aunen hi pirsait fun hi manekat noko ki neu usi Yesus fun tom neu tuaf alenino. ⁶ Au onen henati ho pirsaiman jair reko neu mahinit na heun nok rais reko ek hit tuaki tom neu Kristus. ⁷ Au mairin ma sakan peo na tuina homanekan fun peonatuinaki, aokbian, nekaf tuaf-tuaf alenino hataen na fanisin. Mantotis Paulus tom neu Onesimus ⁸ Etuna, maski au pirsaiti kou nikah anbi Kristus he nati naprenatki he minaoba hi biru hi reot, ⁹ peo natuina manekat, rekones au totje neuki. Au Paulus -- um nasjen, fun eti ia au moin et bui peo natuina Kristus Yesus -- ¹⁰ mantotis neuko tom neu au anah, onesimas, he au upenje bi eti au bi bui, ¹¹ he unu fe kama teka neu ko, mese muni ia in mateka, reko neuko, reko neu kau. ¹² Au reke net, au an neka, fain net neu ko, ¹³ bait au he utaugoe nabar nok kau he nati in senu ko atuta neu kau eti au bi bui peonatuina Injil. ¹⁴ Mese, ho kam roinfa, au ka moe sa sa fa he nati rais reko nan hi minaobe ka noka seke, mese nok nek mairini. ¹⁵ Nek tenab he betis onesimus noko ko bi eti-eti ia he nati ho bisa top mufaine taran tea natar bar, ¹⁶ kan tam ate fahen, mese nes noko nan, esan teke nak aok bian manekat, ka nea kau mes fa, nes-nes neuko, reka et sisif reko et Usi. ¹⁷ Etu na, karu hi mangkau neu aokbian ek hi mepu reut, top onesimus en he him top kau. ¹⁸ Karu in moe sanat neu ko, ai natus sa' sa noko ko, baen he au senu ko he. ¹⁹ Au, Paulus, tui he ia nok au nimki kuk: Au he baen tusa mese au ka tek sa' sa ho mutus nako au, ese ho moun man. ²⁰ Neu aokbian, bain he bi usi in kanan au upen arekot noko ko mu' fau au nekak anbi Kristus. ²¹ Peo natuin au pirsai ho makoem, au tui surat ia neu ko, peo natuin au uhim hom meup nes nako au mentotis neu ko. ²² Eti ia, mi barab mankau keanes natuin au sinmak bi au onen totis sin, au of upen manuan he fain et neuko. Salam Msoput ²³ Epafras, aokbian bui mese anbi Yesus Kristus, sono salam neu ko, ²⁴ tom neu Markus, Aristarkhus, Demas, nok Lokas, aokbian bi mepu mese. ²⁵ Ao mina ao reko, noko hit Usi, Yesus Kristus, pao man panat'ko.