¹ Noko penatua ntom neu Gayus, He au nek ko nbi ao mina ma ao reko. ² Aok bian-aok bian sin, he au nek ki ma sembaen he hi ao mina ma ao reko. ³ Natuina, au mairin ma u'kak he au aokbiansin koenom im mamsi ma beona rasi knino nan, moe on me he es eti ia himmoin ek ao mina ma ao reko. ⁴ Au ka muik an rais mairin jes he ko'un nes natuina au anah-anah sin moingki ni nbi rais reko. ⁵ Aok bian manekat arkit, hi mitenbe nok an sao mese nbi hi mepu reot neu aok bian sin. ⁶ Ar sin sak'si man nbot beo natuina ho manek mi na ton neu ho ate sin. Hi mi naob me up reko naima him turun sin he mi naoba rasik kino neu Ama Uisneno. ⁷ Natuina, arsin nao natuina Kanaf he nan, mese kan ntop sa sa noko tuaf-tuaf ka apir sait. ⁸ Et tuna, hit turun tuaf-tuaf he nan he arkit jair a na mepu ma reot rais reko. Diotrefes nok Demetrius ⁹ Au tui surat neu to srani, mes Diotrefes, namonjon ek in moin ni ek rais be'o ek arsin, fun in kan roim hen top sin fa. ¹⁰ Etu na, karu au um, au um naube ek in moin ma in taos hek nan, in na ota kai nok uab reuf! Ka he nana ha fa, innim sa kan roim fa hen ntop in aok bian sin fin in eka tuaf-tuaf hen top he tuaf fin nan ¹¹ Au aok bian sin he au ne'ki, kaisa mtae mituina moe reuf nan, mese mituin rais reko. Tuaf hen nmoe rais reko mnem ni noko Ama Uisneno, mese tuaf he amoe reuf in ka nit fa fe Ama Uisneno. ¹² Tom fauni saksi man nbot beo rais reko ntom neu Demetrius, mese rais rekkui saksi man nbot beo on he nan. Haim sa saksi ma mbot beo, fin him mihinim sa et saksi ma mbot beo ia ntom. To Be Maneket He Nam sop ¹³ Anmui uaba mfau he au tui ko sin, mese au ka roim fa he tui kosin nok tu'i. ¹⁴ Au mui nek runtes he u'tef ok ko es he ia he hit ta uaba humaf nok humaf. ¹⁵ Au mina au reko tom neuko aokbiansin hen nfe hori neukit. He muteaba hai hen man basan la tom neu aok biansin.