¹ Lantas kamu, haruslah mangajarkan sasuai dongan pangajaran nang sehat. ² Bujang-bujang nang lobih tuo harus dapat manahan dirinyo, sorta sehat dalam imannyo, dalam kasih, lalu dalam katokunannyo. ³ Jugo, parawan-parawan nang lobih tuo harus manunjukakan kalakuan nang elok, nang saleh, bukan pangosip ato hamba anggur, tatapi harus mangajar nang baek. ⁴ Dongan demikian, orang tu mdapat manasehati parawan-parawan mudo itu, untuk mancintoi suaminyo, mangasihi budak-budak kociknyo ⁵ Manguasai dirinyo, saleh mangurus urusan rumah tangganyo, ramah, dan tunduk pado suaminyo, supayo firman Allah tidak di ejek. ⁶ Bagitu jugo, manasehati orang-orang mudo agar dapat manguasoi dirinyo. ⁷ Dalam samuo hal, jadikan diri kau tu, talenta dalam parbuatan-parbuatan baek. Dalam pangajaran, tunjukkanlah integritas, kahormatan, ⁸ Cakap nang bonar tidak bacolah sahinggo para lawan akan manjadi malu korno tidak dapat mangatakan nang buruk tontang kito. ⁹ Hamba-hamba harus tunduk kapado tuan-tuan orang tu, dalam sagalo hal, jadi kau usahokan lah mambuat orang tu sonang, lalu jangan mambantah. ¹⁰ Jangan kau mancuri, totapi kau tengokkan lah bahwa kau dapat dipacayo supayo dalam sagalo hal orang tu mamuliahkan ajoran Allah, Juru Slamat kito. ¹¹ Sobab, anugerah Allah tu nang mambawak kasalamatan, sudoh nyato bagi samuo orang, ¹² Untuk mamampukan kito manolak hal hal nang tak elok, atopun hawa nafsu dunio ni sahinggo kito dapat hidup mangguasai diri, adil, dan saleh di zaman sakarang ni, ¹³ Samantaro kito, manantikan pangharapan nang ponuh kamuliaan dari Allah Nang Mahabosar, dan Juru Slamat kito, Kristus Yesus. ¹⁴ Dio tolah mamborikan diri Dio, sabagai panobusan bagi kito samuo, dari samuo parbuatan kito nang jahat tu, dan untuk manyucikan bagi diri-Nyo, suatu pangikut pilihannyo nang giat malakukan parbuatan baek. ¹⁵ Ajarkanlah samuonyo ni. Nasehatilah lalu togurlah dongan sagalo kawibawaan. Jangan ado orang nang manjatuhkan kamu.