¹ Aku manyorahkan sudaro kito Febe, nang adolah palayan jamaat di Kangkrea. ² Tarimolah dio di dalam Tuhan salayaknyo orang-orang kudus, dan tolonglah dio dalam sagalo sasuatu nang dio porlukan dari kamu korno dio sandiri udah mambagikan bantuan kepado banyak orang dan jugo kepado diri aku. ³ Sampekan salamku samo Priskila dan Akwila, kawan-kawan sapalayananku dalam Yesus Kristus. ⁴ nang udah mampartaruhkan nyawo mareko domi hidupku. Kepado mareko, bukan hanyo aku nang mangucap syukur tapi jugo saluruh jamaat bukan Yahudi mangucap syukur. ⁵ Sampekan jugo salamku kepado jamaat di rumah mareko. Sampekan jugo salam kepado Epunetus nang kukasihi, buah sulung buek Kristus di Asia. ⁶ Salam kepado Maria nang udah korjo koras buek kamu. ⁷ Salam kepado Andtonikus dan Yunias, sudaro-sudaro sabangsoku sakaligus sasamo tahanan nang jugo tarkonal di antaro para rasul, dan sudah ado di dalam Kristus sabolum aku. ⁸ Salam kepado Ampliatus, nang kukasihi dalam Tuhan. ⁹ Salam kepado Urbanus, kawan sapalayanan kito dalam Kristus, dan kepado Stakhis nang kukasihi. ¹⁰ Salam kepado Apeles, nang tarbukti tahan uji dalam Kristus. Sampekan jugo salamku kepado para anggota kaluargo Aristobulus. ¹¹ Salam kepado Herodion, sudaro sabangsoku. Salam kepadio para anggota kaluargo Narkisus, maeko ado dalam Tuhan. ¹² Sampekan salamku kepado Trifena dan Trifosa, pakorjo dalam Tuhan. Salam kepado Persis nang kukasihi, nang jugo uadah bakorjo koras dalam Tuhan. ¹³ Salam, jugo kepado Rufus, orang pilihan dalam Tuhan, dan kepado omaknyo nang jugo manjadi omak nuekku. ¹⁴ Salam kepado Asinkritus, Flegon,Hermes, Patrobas, Hermas, dan sudaro-sudaro nang basamo mareko. ¹⁵ Salam kepado Filologus dan Yulia, Nereus dan sudarinyo, jugo kepado Olimpas, dan samuo orang kudus nang basamo mareko. ¹⁶ Bagikanlah salam satu kepado nang laennyo dongan cium kudus. Saluruh jamaat Kristus manyampekkan salam kepadomu. ¹⁷ Kinin, aku mandorong kamu, sudaro-sudaro, awasilah mareko nang manimbulkan parpocahan dan panyosatan, jugo nang bataontangan samo pangajaran nang udah kamu tarimo, jauhilah mareko. ¹⁸ Karono, orang-orang macam tu tidak malayani Tuhan kito Yesus Kristus, malainkan malayani nafsu mareko sandiri; dan dongan parkataan nang halus jugo kato-kato sanjungan, mareko manipu hati orang-oranmg nang tak mangiro curiga. ¹⁹ Kataatanmu udah dikatahui samuo orang, buek tu aku basuko cito korno kamu. Akan tatapi aku ondak bak supayo kamu bijaksano dalam hal nang baek dan polos dalam hal nang jahat. ²⁰ Allah sumber dane sojahtorah akan langsung maromukkan iblis di bawah kakimu. Anugrah Yesus, Tuhan kito, manyortaimu. ²¹ Timotius, kawanku sapalayananku, manyampekan salam buekmu, dan jugo Lukius, Yason, dan Sosipater, sudaro-sudaro sabangsoku. ²² Aku Tertius, nang manulis surat ni, manyampekan salam kepadomu dalam Tuhan. ²³ Gayus, nang mambagikan tompangan samo aku dan kepado saluruh jamaat, manyampekan salam kepadomu. Erastus bendaharo kota, dan Kwartus sudaro kito, manyampekan salam kepadomu. ²⁴ (Anugrah Yesus Kristus, Tuhan kito, manyortai kamu samuo! Amin.) ²⁵ Buek Dio nang sanggup manoguhkan kamu sasuai dongan Injil nang kubawak dan pambaritoanku tontang Kristus Yesus, dan nang sasuai samo panyingkapan rahasio nang tasuruk salamo barabad-abad, ²⁶ tapi nang kinin udah dinyatokan dan malalui kitab-kitab para nabi, nang udah dibaritokan kepado sagalo bangso sasuai dongan parentah Allah nang kokal buek mamimpin kepado kataatan iman, ²⁷ kepado satu-satunyo Allah nang ponuh hikmat malalui Kristus Yesus; kamuliaan sampe salamo-lamonyo! Amin.