¹ Parnyatoan dari Yesus Kristus nang di borikan Allah samo-Nyo, supayo dinampakkan ka hamba-Nyo, tontang hal nang sacopatnyo harus tajadi, Yesus Kristus mangasihi parnyatoan ni lewat malaikat-Nyo, supayo disampekkan ka hamba-Nyo Yohanes. ² Yohanes sudoh manjadi saksi Firman Allah dan Jugo Yesus Kristus, atas sagalo apo nang di tengoknyo. ³ Diborkatilah orang nang mambaco pakek suaro koras Firman nubuatan ni, dan diborkatilah jugo orang tu nang mandongarnyo, dan mangorjokan apo nang di tulis didalamnyo, korno masonyo sudah dokat. ⁴ Salam Yohanes, buek katujuh jemaat nang ado di Asia. Anugrah dan dame sojahtro buekmu dari Dio nang ado, nang sudoh ado, dan nang akan tibo, dan dari katujuh Roh nang ado di dopan Takhta-Nyo. ⁵ Dan Yesus Kristus, saksi nang satio, nang mulo-mulo hidup dari antaro orang mati dan bakuaso samo rajo-rajo di bumi. Buek Dio, nang mangasihi dan mangampuni kito dari doso-doso kito pakek darah-Nyo. ⁶ Korno manjadikan kito manjadi satu karajaan, Imam-imam buek Allah dan Ayah-Nyo, buek Diolah Kamulioan dan kuaso sampek salamo-lamonyo!. Amin. ⁷ Tengkolah, Yesus datang samo awan-awan, dan satiap mato akan manengok Dio, bahkan orang tu nang sudoh mancucuk-Nyo, dan samuo bangso di bumi akan manangis korno Dio. Yo, ni samuo akan tajadi! Amin. ⁸ "AKu adolah Alfa dan Omega, Firman Tuhan Allah, nang ado, nang sudoh ado, dan nang akan tibo, nang Mahokuaso ⁹ Aku, Yohanes, sodaro sasamamu nang jugo ambil bagian dalam kasusohan, dalam karajaan di dalam Yesus, barado di pulo nang di bilang Patmos, karono Firman Allah dan kasaksian Yesus. ¹⁰ Aku di kuasoi Roh pas hari Tuhan, torus aku mandongar suaro nyaring dari balakangku macam bunyi tarompet. ¹¹ Nang Bacakap, "Catatkanlah ka buku, samuo nang kamu tengok, torus kirimkanlah katujuh jamaat, di Efesus, Smirna, Pergamus, Tiatira, Sardis, Filadelfia dan Laodikia." ¹² Torus, aku manoleh buek manengok suaro nang bacakap ka aku, Maso aku barpaling, aku manengok Tujuh kaki Lampu Omas, ¹³ Dan diantaro kaki lampu tu, aku manengok saorang macam Anak Manusio, mamakek Jubah sampek ka kaki nyo dan sabuah salendang omas di dado-Nyo ¹⁴ Kapalo dan rambut-Nyo baruban macam bulu domba, saputih salju; dan mato-Nyo macam kobaran api ¹⁵ Kaki-Nyo bakilat macam tambago nang mambaro dalam parapian, dan suaro-Nyo bak air bah mandoru. ¹⁶ Ditangan kanan-Nyo, Dio manggonggam tujuh bintang dan dari mulut-Nyo kaluar sabilah podang tajam bamato duo, dan muko-Nyo basinar macam toriknyo matahari. ¹⁷ Pas aku manengok Dio, aku tasungkur di kaki-Nyo macam orang mati, Torus, Dio malotakkan tangan kanan-Nyo di atasku dan bacakap, 'Usah ko takut; Akulah nang Mulo-mulo dan nang Pangabisan tu' ¹⁸ dan Nang Hidup, Aku dah mati, tapi tengoklah, Aku hidup, sampek salamo-lamonyo, dan mamegang kunci maut dan kunci Hades. ¹⁹ Korno tu, catatkanlah hal-hal nang udah kau tengok ni, dan hal-hal nang tajadi kinin dan hal-hal nang akan tajadi karang [sasudohnyo]. ²⁰ Inilah rahasio tontang tujuh bintang nang kamu tengok di tangan kanan-Ku dan tujuh kaki lampu omas tu, Tujuh bintang tu adolah paro malaikat dari tujuh Jamaat; dan tujuh kaki lampu tu adolah tujuh jamaat.