² (Silsilah Yesus Kristus) ¹ Kitab silsilah Yesus Kristus, anak Daud anak Abraham. v 2 Abraham adolah ayah si Ishak, Ishak adolah ayah Yakub. Yakub adolah ayah si Yehuda dan sodaro-sodaronyo. ³ Yehuda adolah ayah Peres dan Zerah, dari Tamar. Peres adolah ayah Hezron. Hezron adolah ayah Ram. ⁴ Ram adolah ayah Aminadab. Aminadab adolah ayah Nahason. Nahason adolah ayah Salmon. ⁵ Salmon adolah ayah Boas, dari Rahab. Boas adolah ayah Obed, dari Rut. Obed adolah ayah Isai. ⁶ Isai adolah ayah dari Rajo Daud. Daud adolah ayah Salomo, dari bokas istri Uria. ⁷ Salomo adolah ayah Rehabeam. Rehabeam adolah ayah Abia. Abia adolah ayah Asa. ⁸ Asa adolah ayah Yosafat. Yosafat adolah ayah Yoram. Yoram adolah ayah Uzia. ⁹ Uzia adolah ayah Yotam. Yotam adolah ayah Ahas. Ahas adolah ayah Hizkia. ¹⁰ Hizkia adolah ayah Manasye. Manasye adolah ayah Amon. Amon adolah ayah Yosia. ¹¹ Yosia adolah ayah Yekhonya dan sodaro-sodaronyo, pas maso pambuangan ka Babel. ¹² Sasudah pambuangan ka Babel, Yekhonya adolah ayah Sealtiel, Sealtiel adolah ayah Zerubabel. ¹³ Zerubabel adolah ayah Abihud. Abihud adolah ayah Elyakim. Elyakim adolah ayah Azor. ¹⁴ Azor adolah ayah Zadok. Zadok adolah ayah Akhim. Akhim adolah ayah Eliud. ¹⁵ Eliud adolah ayah Eleazar. Eleazar adolah ayah Matan Matan adolah ayah Yakub. ¹⁶ Yakub adolah ayah Yusuf, suami Maria. Maria malahirkan Yesus, nan di bilang jugo Kristus. ¹⁷ Jadi, samuo katurunan dari Abraham sampe ka si Daud, samuonyo adolah Ompat Bolas Katurunan, dan dari Daud sampe ka pambuangan ka Babel, banyaknyo same ompat bolas katurunan, dan sojak pambuangan ka Babel sampe Ka Kristus, banyaknyo sampe ompat bolas katurunan. ¹⁸ Kinin, kalahiran Kristus Yesus adolah macam gini. Pas Maria, omak-Nyo dah batunangan samo si Yusuf, bolum lagi orang tu hidup basamo, ruponyo dio mangandung dari Roh Kudus. ¹⁹ Untungnyo, Yusuf, lakik nyo, adolah orang elok dan tak ondak mamalukan Maria di mukak umum, sahinggo dio baniat ondak mancorekan Maria sacaro diam-diam. ²⁰ Tak taunyo, pas Yusuf tongah mamikirkan hal tu, Tengoklah, manampakkan diri lah Malaikat Tuhan samo dio dalam mimpinyo dan bacakap, "Yusuf, anak Daud, tak usah ko takut ondak mangawini Maria jadi istri kau, korno, Anak nan dikandungnyo tu, adolah dari Roh Kudus. ²¹ Dio akan malahirkan saorang Anak Laki-laki dan kau buatlah namo-Nyo Yesus, korno Dio akan manyalamatkan umat-Nyo dari doso-doso orang tu. ²² Samuo hal ni tajadi ondak manggonapi nan difirmankan samo Tuhan malalui nabi-nyo. ²³ "Tengoklah, saorang parawan akan mangandung dan akan malahirkan saorang Anak laki-laki. Orang tu akan manyobut namo-Nyo Imanuel," nan artinyo: "Allah basamo kito". ²⁴ Pas Yusuf tabangun dari tidurnyo, dio malakukan, macam nan di katokan samo Malaikat Tuhan perintahkan samo dio, dan dio mangambil Maria jadi Istrinyo. ²⁵ Tatapi tak basatubuh samo maria, sampe dio malahirkan Anak laki-lakinyo. Dan, Yusuf manami-Nyo Yesus.