(Yesus Manampakkan Diri Samo Tujuh Murid-Nyo) ¹ Abistu, Yesus manampakkan diri-Nyo lagi, samo murid-murid-Nyo di dokat danau Tiberias. Dio manampakkan diri-Nyo dengan caro sabage barikut: " ² Simon Petrus, Tomas nan disobut Didimus, Natanael dari Kana di Galilea, anak-anak Zebedeus, dan duo murid nan lain tongah bakumpul. ³ Simon Petrus bacakap samo orang tu, "Aku ondak pogi manangkap ikan." mereka bakato samo Petrus, "Ikut kami samo kau pogi." orang tu pun pogi kaluar dan naik sampan, tatapi malam tu, orang tak manangkap apo-apo. ⁴ Pas subuh manjolang, Yesus badiri di pantai, tatapi murid-murid tak sodar kolok itu adolah Yesus. ⁵ Dio bacakap samo orang tu, "Anak-anak, ado nyo ikan samo kamu?" dijawab orang tu, "Tak ado." ⁶ Dio bakato samo orang tu. bontangkan jalo kau tu ka sabolah kanan parahu, pasti kau dapat ikan." trus di bontangkan orang tu lah jalo orang tu, tatapi tak tolap manariknyo kadalam parahu, karono nan banyak'an ikannyo. ⁷ Korno itulah, murid nan disayangi Yesus bacakap samo Petrus, "Tengok, Itukan Tuhan?!" pas Simon Petrus mandongar kolok itu Tuhan, trus dipakeknyo bajunyo balek, korno dilopasnyo tadi pas korjo, dan malumpat ka danau. ⁸ Murid-murid nan laen datang pakek sampan dan manarik jalo nan ponuh dengan ikan, Korno orang tu tak jauh dari darat, kiro-kiro 200 hasta. ⁹ Pas orang tu sampe didarat, orang tu manengok bara api samo ikan nan talotak di atasnyo dan ado jugo roti. ¹⁰ Yesus bacakap, "Bawaklah babarapo ekor ikan tu nan baru sajo kamu tangkap tu," ¹¹ Simon Petrus naek ka sampan dan manarik jalo nan ponuh ikan bosar tu ka darat, banyaknyo 153 ekor. Walopun ikan tu bagitu banyaknyo, tapi jalonyo tak kuyak. ¹² Yesus bacakap samo orang tu, "Moh lah dan makanlah." Tak ado satupun dari murid-murid tu barani batanyo samo Dio, "Siaponyo Engkau" karono orang tu tau kolok Dio tu adolah Tuhan. ¹³ Yesus datang dan mangambek roti tu, jugo mangasihkannyo samo orang tu. Kek gitu jugo dibuek-Nyo samo ikan tu. ¹⁴ Inilah katigo kalinyo Yesus manampakkan diri-Nyo samo murid-murid-Nyo sasudah Dio dibangkitkan dari antaro orang mati. ¹⁵ Sasudah orang tu salose makan, Yesus bacakap samo Simon Petrus, "Simon, Anak Yohanes, "apo kau mangasihi Aku lobih dari pado samuonyo ni?" Petrus manjawab, "Botul Tuhan, taunyo Kau kolok aku ni mangasihi Engkau. abistu Yesus bakato, "kolok gitu gambalokanlah domba-domba-Ku!" ¹⁶ Ditanyak Yesus lagi untuk nan kaduo kalinyo, "Simon anak Yohanes, apokah kau mangasihi Aku?" dijawab Petrus lagi, botul Tuhan, taunyo Kau kolok aku mangasihi Engkau, Yesus bakato lagi, "gambalokanlah domba-domba-Ku." ¹⁷ Yesus batanyo lagi untuk nan katigo kalinyo, "Simon, anak Yohanes, "apokah kau botul mangasihi Aku?" jadi sodih lah hati Petrus, karono Yesus batanyo sampe tigo kali. "Apokah kau mangasihi Aku?" trus, Petrus pun manjawab, "Tuhan, Kau taunyo sagalo sasuatu, taunyo Engkau kolok aku mangasihi Engkau!" Yesus bacakap, "Gambalokanlah domba-domba-Ku!. ¹⁸ Aku mangasihtaukan nan sabotulnyo samo kamu, pas kamu mudo, kamu sandiri nan mangikat pinggangmu dan bajalan kamanopun kamu ondak, tatapi pas kamu manjadi tuo, kamu akan mambontangkan tangamu dan orang lain akan mangikat pinggangmu, dan mambawakmu ka tompat nan tak kau ingini. ¹⁹ Maksud Yesus mancakapkan ni, ondak mangasitaukan samo Petrus, kek mano dio mati karang, akan mamuliokan Allah. Dan, Satolah mangatokan hal tu, Dio bacakap samo Petrus, "Ikutlah Aku!" ²¹ (Apo Nan Akan Tajadi samo Murid Nan Sangat Dikasihi Yesus?) ²⁰ Petrus manoleh dan manengok murid nan sangat dikasihi Yesus tongah mangikuti orang tu. Dio adolah nan duduk dokat dada Yesus pas parjamuan malam dan batanyo, "Tuhan, siapokah orang nan ondak mangkhianati Engkau tu?" ²² Yesus manjawab, "Saandainyolah Aku ondak dio totap hidup sampe Aku datang balek, apolah urusanmu? Kamu, ikutlah Aku!" ²³ Abistu, parkatoan Yesus ni tasobar diantaro sodaro-sodaro tu, kolok murid tu tak akan mati, padahal Yesus tak mangatokan macam tu samonyo, kolok dio tak akan mati, malainkan hanyo bakato, "saandainyolah Aku ondak, dio totap hidup sampe Aku datang balek, apolah urusanmu?" ²⁴ Diolah murid nan basaksi mangonoi samuonyo ni, dan dah manuliskan samuonyo ni, dan kito tahu, kolok kasaksiannyo tu botul. ²⁵ Masih ado banyak hal laen lagi nan dah Yesus lakukan, nan kolok dituliskan satu per satu, aku raso agaknyo, saluruh dunioni pun tak akan cukup untuk dituliskan samuo kitab tu.