¹ Karang ni tibolah Tuhan kito, Yesus Kristus, dan saat disatukannyo kito basamo Dio, kami maminto ko, Sudaro-sudaro. ² Supayo kamu tak poning dalam pikiran ko atau galisah waktu mandongar bahwa hari Tuhan tolah tibo, baek dari roh atau posan, surat nang saolah-olah dari kami. ³ Tak usah ko biarkan saorang pun manyosatkan ko dongan caro apo pun. Sobab hari tu tak akan tibo sabolum kamurtatan tibo dan manusio nang jahat dinyatokan si anak kabinasaan. ⁴ Nang malawan lalu maninggikan dirinyo kapado samuo nang disobut Allah dan nang di sombah orang, Dio mangambil tompat duduk di bait Allah dan manyatokan diriNyo sabagai Allah. ⁵ Ko ingatnyo saat awak samo ko, awak mamboritahu samo ko?. ⁶ Saat ni kamu tau apo nang manahan Dio manjadi baru tibo saatnyo karang, Dio akan dinyatokan. ⁷ Sobab, misteri kadurhakaan sodang karojo, sobab Dio nang manahanNyo totap akan manahanNyo sampek Dio di buang. ⁸ Sobab manusio nang jahat akan dinyatokan Tuhan akan mambunuhNyo dongan napas mulutNyo dan malonyapkanNyo dongan kadatangan-Nyo. ⁹ Satibo nyo manusio nang jahat tu akan sajalan dongan karojoan Ta'un, dan disortai dongan macam kuaso, tando-tando ajaib, dan mujizat nang palsu; ¹⁰ Samuo muslihat jahat bagi orangtu nang binaso sobab orangtu tak tarimo untuk manyayangi nang botul supayo disalamatkan. ¹¹ Sobab tu Allah mangirim kasosatan nang jagok atas orangtu supayo orangtu parcayo samo kabongakan, ¹² Lalu samuo orangtu dihakimi, sobab orang nang tak parcayo samo nang botul dan mogah dongan nang jahat. ¹³ Sodaro-sodaro nang disayangi Tuhan, kito harus torus basyukur samo Allah karono Allah tolah mamilih kamu dari sojak awal untuk disalamatkan malalui pangudusan roh iman kabotulan. ¹⁴ Sobab tu lah Allah mamanggil kamu lewat Injil, nang kami sampekkan supayo kamu mandapat kamulioan Tuhan kito, Yesus Kristus. ¹⁵ Jadi, sodaro-sodaro togaklah toguh dan pogang lah ajaran nang di ajarkan samo ko, baek malalui kato-kato ato pun malalui surat kami. ¹⁶ Saat ni, kironyo Tuhan kito, Yesus Kristus dan Allah Ayah kito, nang manyayangi kito dan mangkasih kito panghiburan nang kokal pangharapan nang indah malalui anugrah. ¹⁷ Manghibur dan manguatkan hati ko dalam karojo dan ucapan nang elok.