¹ Karono tu, campakkanlah samuo kaboncian, samo tipu dayo, samuo kamunafikan, dongki dan sagalo macam fitnah. ² Macam bayi nang baru lahir, ondaklah kamu manginginkan susu Rohani nang murni, supayo bosar kasalamatan mu. ³ Jiko kamu sudoh botul-botul marasokan bahwa Tuhan tu baek. ⁴ Waktu kamu balek kapado Kristus, batu hidup nang di tolah manusio, tatapi nang di tunjuk oleh Allah dan dianggap sangat barhargo bagin-Nyo. ⁵ Kamu jugo macam batu-batu hidup, nang didirikan manjadi rumoh Rohani, imamat nang kudus tuk mamparsombahkan kurban-kurban rohani nang layak kapado Allah malalui Yesus Kristus. ⁶ Karono Kitab Suci barkato, "Tengoklah, awak malotakkan sabuoh batu di sion, sabuah batu panjuru nang tapilih dan nang mulio, dan siapopun pacayo kapado-Nyo tak di parmalukan. ⁷ Jadi, batu tuh mulio buek kamu nang tapilih, tapi buek nang tak pacayo, "Batu nang tak di tarimo oleh tukang-tukang bangunan, sudoh manjadi batu panjuru. ⁸ Manjadi, "sabuah batu sandungan, dan karang nang mambikin orang campak," orangtu tasandung karono tak patuh pado Firman. Itulah jalan nang sudoh di tontukan buek orang tu. ⁹ Kamu adolah bangso nang tapilih, imamat nang rajani, bangso nang kudus, umat kapunyoan Allah sandiri, supayo kamu boleh mambaritokan kabaikan-kabaikan-Nyo, nang sudoh mamanggil kamu kaluar dari kagolapan manuju kapado torang-Nyo nang ajaib. ¹⁰ "Dulu, kamu tak umat Allah, tapi sakarang kamu sudoh umat Allah. Dulu, kamu tak tarimo bolas kasihan, tapi sakarang kamu sudoh tarimo bolas kasihan Allah." ¹¹ Sodaro-sodaro nang awak kasihi, awak ondak manasehati kamu sabagai pandatang dan orang asing di dunio ni, tuk mangelakkan diri ko dari kainginan hawa nafsu duniowi nang baporang malawan jiwo ko. ¹² Jagolah tingkoh laku ko nang elok, di antaro orang-orang nang bolum pacayo, supayo, apo bilo orang tu mamfitnah ko sobagai palaku kajahatan, orang tu biso manengok parbuatan nang elok, dan mamuliokan Allah pada hari pelawatan. ¹³ Domi namo Tuhan, tunduklah kapado satiap lombago pamarintah nang di totapkan manusio, elok kapado rajo sabagai panguaso tartinggi, ¹⁴ Kapado paro gubernur nang dikirim rajo tuk manghukum palaku kajahatan dan mambori pujian kapado orang-orang nang elok. ¹⁵ Sobab, macam tu lah kahondak Allah, dongan babuat elok, kamu mambungkam katidaktahuan orang-orang caodah [bodoh]. ¹⁶ Hiduplah sobagai orang-orang nang mardeko, tapi usoh gunokan kamardekaan ko tu sabage kedok buek kajahatan, sabaliknyo, hiduplah sabage hamba-hamba Allah. ¹⁷ Hormatilah samuo orang, kasihilah sodaro-sodaro saiman, takutlah akan Allah dan hormatilah rajo ¹⁸ Hamba-hamba, manurutlah kapado tuan ko, dongan sagalo hormat. tak hanyo kapado orang tu nang baik dan lomah lombut, tapi jugo kapado orang tu nang tak adil. ¹⁹ Sobab marupakan kasih karunio, jiko domi kasadarannyo akan Allah, sasaorang ondak batahan dalam pandaritoan karono katidak adilan. ²⁰ Sobab, apokah upah ko, dongan tabah kamu manarimo pukulan karono parbuatan ko nang badoso? Bilo kamu mandarito karono babuat elok dan kamu manarimonyo dongan tabah, tindakan ko tu lah bakonan di hadapan Allah. ²¹ Sobab, tuk tu lah, ko dipanggil, karono Kristus jugo sudoh mandarito buek kamu, dan maninggalkan toladan buek ko, supayo kamu mangikuti jojak-Nyo. ²² Dio tak babuat doso, dan tipu dayo tak ado di mulut-Nyo. ²³ Waktu Dio di ejek, Dio tak mambalas dongan ejekan, waktu Dio mandarito, Dio tak mangancam, tapi manyorahkan diri-Nyo kapado Allah nang ondak manghakimi donga adil. ²⁴ Dio sandiri sudoh mananggung doso kito pada tubuh-Nyo di Kayu salib supayo, kito mati tarhadap doso, hidup tuk kabonaran, oleh bilur-bilur-Nyo, kamu di sombuhkan. ²⁵ Dulu, kamu macam domba-domba nang torus-manorus tasosat, tapi sakarang kamu sudoh balek kapado sang gembalo dan palindung jiwo ko