¹ Satiap orang nang pacayo samo Yesus Kristus, talahir dari Allah, dan satiap orang nang mancintoi Ayah, jugo mancintoi anak nang talahir dari Ayah. ² Donagn ni, kito tau kalo kito mangasihi Allah dan manuruti samuo parintah-parintah-Nyo. ³ Karono baginilah cinto Allah, kalo kito manuruti parintah-parintah-Nyo, dan parintah-parintah-Myo tidaklah borat. ⁴ Karono apa pun nag talahir dari Allah, manaklukkan dunio, dan inilah kamonangan nang tolah manaklukkan dunio, yakni iman kituo. ⁵ Siapokah nang manaklukkan dunio kalo bukan dio nang porcayo kalo Yesus adalah Anak Allah? ⁶ Dio ni lah nang datang dongan aer dan darah, yakni Yesus Kristus, tidak cumo dongan aer, malainkan dongan aer dan darah nang basaksi karono Roh itulah kabonaran. ⁷ Karono ado tigo saksi. ⁸ Roh, aer, dan darah; dan katigonyo adalah satu. ⁹ Bilo kito manarimo kasaksian manusio, kasaksian Allah lobih kuat. Karono, kasaksian nang Allah bagikan iolah tontang Anak-Nyo. ¹⁰ Orang nang porcayo kepado Anak Allah mampunyoi kasaksian itu sandiri didalam dirinyo. Orang nang tak porcayo sama Allah udah mambuek dirinyo sandiri panipu karono orang tu takporcayo pado kasaksian nang Allah bagikan tontang anak-Nyo. ¹¹ Dan, ni lah kasaksian tu, kalo Allah udah mambagikan kepado kito hidup nang abadi, dan hidup tu ado dalam Anak-Nyo. ¹² Satiap orang nang mampunyoi Sang Anak mampuyai hidup; satiap orang nang tidak mampunyai Anak Allah tidak mampunyoi hidup. ¹³ Awak udah manuliskan hal-hal ni samo kau nang porcayo dalam namo Anak Allah bak tau kau kalo kamu mamiliki hidup nang kokal. ¹⁴ Dan, inilh kayakinan nang kito punyoi di dalam Dio, yakni bilo kito mamintak apopun sasuai samo kahondak-Nyo, Dio mandongar kito. Dan, bilo kito tau Dio mandongarkan kito, apapun nang kita mintak, kito tau kalo kito udah mampunyoi parmohonan nang udah kita mintak dari Dio. ¹⁶ Kalo ada orang nang manengok sudaronyo babuat doso nang tidak mangarahkan kapado kamtian, eloklah orang tu mamintak, dan Allah akan mambagikan hidup kepado orang nang babuat doso nang tak mandatangkan maut tu. Tapi, ada satu doso nang mangarahkan ka kamatian, aku tidak cakapkan bahawa dio musti batanya untuk doso tu. ¹⁷ Samuo katidakbonaran adalah doso, tapi ado doso nang tidak mangarahkan kapado maut. ¹⁸ Kito tau bahawa satiap orang nang talahir dari Allah tidak manorjokan doso, tapi dio nang lahir dari Allah malindunginyo dan si jahat tak biso manyontuhnyo. ¹⁹ Kito tau bahawa kito barasal dari Allah,dan saluruh dunio barado dalam kuaso si jahat. ²⁰ Dan, kito tau kalo Anak Allah udah datang dan udah mambagikan pangotian kapado kito bak supayo kito dapat mangonal Dio nang botul, dan kito ado dalam Dio nang botul tu, dalam Anak-Nyo Yesus Kristus. Dio lah Allah nang botul dan hidup nang kokal. ²¹ Anak-anak-Ku, elakkanlah diri ko dari barhalo-barhalo.