¹ Budak-budakku, aku mancatat tontang ni ka kau agar kau jangan babuat doso. Jiko ado nang babuat doso. Kito mamiliki pambela di muka Ayah, itulah Kristus Yesus Nang Bonar tu. ² Diolah kurban pandamaian buat doso kito, bukan buat doso kito sajo tapi jugo buat doso samuo dunio ni. ³ Bagitulah kito tau bahwa koto mangonal Allah, iolah bilo kito manuruti parintah-parintah-Nyo. ⁴ Orang nang bacakap, " Aku mangonal Allah," tapi tak manuruti parintoh-parintoh-Nyo, dio lobih pambongak dan kabonaran tak ado dalamnyo. ⁵ Tapo siapo nang manuruti firman-Nyo, kasih Allah sudah bonar sampurna dalam dirinyo. Bagitulah kito tau bahwa kito dalam Dio. ⁶ Orang nang mambilangkan dio tinggal dalam Allah, dio harus hidup macam Yesus hidup. ⁷ Sodaro-sodaro nang ku kasihi, aku tak mancatatkan parintah baru ka kau tapi parintah lama nang sudoh kau punyoi dari awal. Parintah lamo tu iolah firman nang sudah kau kau dongar dari awal. ⁸ Namun, aku jugo sodang mancatatkan parintah baru buat kau, nang bonar dalam Dio dan dalam kau korno kagolapan sodang balalu dan torang nang bonar saat ni basinar. ⁹ Orang nang bacakap bahwa dio ado dalam torang, tapi mambonci sodaronyo, maka dio masih ado dalam kagolapan sampe saat ni. ¹⁰ Orang nang mangasih sodaronyo tinggal dalam torang dan tak satu pun nang mambuatnyo tasandung. ¹¹ Tapi, dio nang mambonci sodaronyo ado dalam kagolapan dan bajalan dalam kagolapan. Dio pu tak tau kamano dio pogi korno kagolapan sudoh mambutokan matonyo. ¹² Woi budak-budak, aku mancatat ka kau sobab dosa-dosa kau sudoh di maafkan domi namo-Nyo ¹³ Woi ayah-ayah, aku mancatat ka kau korno kau sudah mangonal Dio dari awal. Woi nang mudo, aku mancatat ka kau korno kau sudah mangonalkan si jahat. Woi budak-budak, aku mancatat ka kau, korno kau sudoh mangonal Ayah. ¹⁴ Woi ayah-ayah, aku mancatat ka kau, korno kau sudah mangonal Dio dari awal. Woi nang mudo, aku mancatat ka kau korno kau kuat dan firman Allah tinggal dalam kau, dan kau sudah mangalahkan sijahat. ¹⁵ Usahlah mancintoi dunio ni ato hal nang ado dalam dunio nih. Bilo saorang mancintoi dunio, kasih Ayah tak ado dalam dio. ¹⁶ Sobab samuo nang ado dalam dunio ni, Iolah kamauan daging, kamauan mato, dan kasombongan hidup tak barasal dari Ayah, malainkan dari dunio ni. ¹⁷ Dunio ni sodang lonyap basamo dongan kamauannyo, tapi orang nang mambuat kainginan Allah akan hidup salamo-lamonyo. ¹⁸ Budak-budakku, saat ni iolah akhir; zaman, dan macam nang sudoh kau dongar bahwa anti-Kristus ondak datang, bahkan saat ini banyak anti-Kristus sudoh datang. Bagitulah kito tau bahwa saat ni iolah akhir zaman. ¹⁹ Orang tu datang dari antara kito. tapi orang tuh bukan bagian dari kito. Sobab, bilo orang tu bagian dari kito, orang tu pun akan totap basamo kito. Namun, orang tu maninggalkan kito sahinggo tabukti bahwa orang tu bukan bagian dari kito. ²⁰ Tapi kau sudah mampunyoi pangurapan dari nang kudus, dan kau manjatuhi sagalonyo. ²¹ Aku mancatat ka kau bukan korno kau bolum mangatahui kabonaran, tapi korno kau mangatahuinyo dan korno kau tak ado kabohongan nang barasal dari kabonaran. ²² Siapolah pambongak tu kalok bukan dio nang manyanggah bahwa Yesus lah sang Kristus? Itulah anti-Kristus tu, orang nang manyanggah Ayah atopun Budak. ²³ Siapo nang manyanggah Budak tak punyo Ayah. Tapi orang nang mangakui Budak, dio punyo Ayah. ²⁴ Bak lah apo nang sudah kau dari awal totap tinggal dalam kau. Jiko apo nang dah kamu dongar dari samula totap tinggal dalam kau, kau jugo akan totap tinggal dalam Budak dan Ayah. ²⁵ Inilah janji nang Dio kasi ka kito, iolah hidup kokal. ²⁶ Sagala hal nang sudoh ku catatkan ka kau, bakaitan dongan orang tu nang barusaha manyosatkan kau . ²⁷ Urapan nang sudoh kau tarimo dari Dio totap tinggal dalam kau, dan kau tak porlu orang laen buat mangajar kau. Tapi korno pangurapan-Nyo, tu mangajar kau tontang sagala sasuatu dan mangonal itu iolah botul, bukan bongak, macam mano Dio sudoh mangajari kamu, totaplah tinggal dalam Dio. ²⁸ Saat ni budak-budak ku, tinggallah dalam Dio, katiko Dio manyatakan diri, kito punyo kayakinan diri dan tak malu di dopan Dio waktu kadatangan-Nyo. ²⁹ Bilo kau tau bahwa Dio iolah botul, kau pun tau jugolah bahwa satiap orang nang mambuat kabonaran, lahir dari Dio.