¹ Katiko awak tibo samo kau, sodaro - sodaro, awak tak tibo dengan kehebatan kato-kato ato hikmat ondak mambaritokan rahasio Allah samo kau. ² Sobab awak mamutuskan ondak tidak mangatahui apopun diantaro kalian samuo, mangonoi Kristus Yesus, adolah Dio nang disalibkan. ³ Awak basamo dengan kau dalam kalomahan, dalam katakutan dan sangat gontar. ⁴ Cakapku maupun pambaritoan aku bukan dalam kato-kato hikmat nang mayakinkan, tapi dengan bukti roh dan kuaso. ⁵ Bak supayo iman kau tak berdasarkan pado hikmat manusio, melainkan pado kuaso Allah. ⁶ Kami mangatokan hikma diantaro orang tu nang dewasa, tapi bukan hikmat zaman ni, ato dari panguaso - panguaso zaman ni nang akan di lonyapkan. ⁷ Melainkan kami mangatokan hikmat Allah dalam rahasio, hikmat nang tarondok, nang Allah totapkan sabolum parmuloan jaman bagi kamulioan kito. ⁸ Tak ado panguaso-panguaso jaman ni nang mangonalnyo. Karono, kalok orang tu sudah mangonalnyo, orang tu tak akan paronah manyalibkan Tuhan nang mulio. ⁹ Jadi, pas macam nang tatulis, "Apo nang bolum paronah di tengok samo mato, dan talinga ni bolum paronah mandongar, dan bolum paronah muncul dalam hati manusio, samuonyo sudoh di siapkan Allah ka satiap orang nang mangasihi-Nyo." ¹⁰ Tapi Allah sudoh manyatokan hal-hal ni ka kito malalui Roh, karono Roh manyalidiki samuo hal, bahkan kedalaman Allah. ¹¹ Korno tu, siapokah diantarao manusio nang mangatahui hal-hal dari manusio, salain roh nang ado didalamnyo? Korno tu jugolah, tak ado saorangpun nang mangatahui hal-hal dari Allah, salain Roh Allah. ¹² Saat ni kito tolah manarimo, bukan roh dari dunio, malainkan roh nang dari Allah, supayo kito dapat mangatahui hal-hal nang di anugrahkan Allah samo kito. ¹³ Hal-hal nang kami cakapkan ni, bukan dalam kato-kato nang di ajarkan oleh hikmat manusio, malainkan nang di ajarkan oleh roh dengan mambandingkan hal-hal nang rohani, dengan nang rohani. ¹⁴ Tapi, manusio nang tak rohani, tak manarimo hal-hal nang barasal dari roh Allah, sobab hal-hal tu kayak kabodohan samonyo. Dio tak biso memahaminyo, sobab hal-hal tu tak dapat dinilei sacaro rohani. ¹⁵ Manusio nang rohani manilei samuo hal, tapi dio sandiri tak di nilei oleh siapopun. ¹⁶ Sobab tu, "siapokah nang tak mangatahui pikiran Tuhan, sahinggo biso manasehati-Nyo?" namun, kami memiliki pikiran Kristus.