¹ Kojarlah kasih dan inginkanlah dangan sungguh-sungguh karunio-karunio rohani, tarutamo bak supayo kamu dapat banubuat. ² Korno, siapo nang bacakap dalam bahaso lidah, tak bacakap samo manusio, tapi samo Allah, korno tak ado orang nang mangorti, tatapi, dio mangatakan hal-hal nang rahasio dalam roh. ³ Namun, orang nang banubuat bacakap kapado manusio ondak mambangun, nasehat dan panghiburan. ⁴ Orang-orang nang bacakap dalam bahaso lidah mambangun dirinyo sandiri, tatapi orang nang banubuat mambangun jamaah. ⁵ Awak baharap, kamu samuo bacakap dalam bahaso-bahaso lidah, tatapo talobih lagi bak supayo kamu banubuat. Orang nang banubuat lobih bosar dari pado orang nang bacakap dalam bahaso lidah, kacuali kolok dio jugo mangartikannyo sahinggo jamaah dapat manarimo panoguhan. ⁶ Sodaro-sodaro, kolok aku datang ka kamu dan bacakap dalam bahasa-bahasa roh, apolah untungnyo ka kamu, kacuali kolok aku bacakap ka kamu dengan parnyataa, pangatahuan, nubuatan, ato pangajaran? ⁷ Bahkan, bonda-bonda nang tak banyawo, macam suling ato kacapi nang mangaluarkan bunyi, kolok ak mangaluarkan parbedaan dalam bunyinyo, kek mano orang dapat mangatahui alat apo nang sodang dimainkan, suling ato kacapi? ⁸ Ato, kolok tarompet mangaluarkan suaro nang tak jolas siapokah nang akan mamparsiapkan diri ondak baporang? ⁹ Kek gitu jugolah kamu, kolok samo lidahmu, kau mangucapkan kato-kato nang tak dapat dimangorti, kek mano orang tahu apo nang dicakapkan? kau tu bacakap kek samo angin. ¹⁰ Kayaknyo, ado nang banyak'an jonis bahaso di dunio ni dan tak satupun darinyo nang tak bararti, ¹¹ Jadi, kolok aku tak tahu arti bahaso tu, aku pasti jadi orang asing samo dio nang bacakap, dan orang nang bacakap tu manjadi orang asing samo ku. ¹² Kek gitu jugolah kamu, korno kamu sungguh-sungguh barusaho ondak mamiliki karunio-karunio rohani, barusaholah, bak supayo barkalimpahan untuk mambangun jamaah. ¹³ Korno tu, ondaknyo orang nang bacakap dalam bahaso lidah, badoa, bak supayo dio dapat mangartikannyo. ¹⁴ Korno, kolok aku badoa dalam bahaso lidah, rohku badoa, tatapi pikiranku tak barbuah. ¹⁵ Jadi, apolah nang harus aku lakukan? Aku akan badoa denganrohku dan aku jugo akan badoa dengan pikiranku, aku akan manyanyi dengan rohku dan aku jugo akan manyanti dengan pikiranku. ¹⁶ Kolok kamu hanto mangucap syukur dengan rohmu, kek mano dengan orang nang adol dalam posisi tak mampunyoi karunio tu, dan dapat bakato, "Amin," atas ucapan syukurmu tu, karono dio tak mangorti apo nang kamu cakapkan? ¹⁷ Sakalipun kau mangucak syukur dengan elok, tatapi orang lain tak dibangun. ¹⁸ Aku basukur samo Allah, kolok aku bacakap dalam bahaso-bahaso lidah lobih dari kamu samuonyo. ¹⁹ Namun, dalam jamaah, aku lobih elok bacakap limo kato dengan pikiran, bak supayo aku jugo dapat mangajar orang lain, dari pado sapuluh ribu kato dalam bahaso lidah. ²⁰ Sodaro-sodaro, jangan manjadi budak-budak dalam pamikiranmu. Jadilah bayi-bayi dalam kajahatan, tatapi dalam pamikiranmu jadilah dewasa!. ²¹ Macam ado tatulis dalam Hukum Taurat, "Oleh orang-orang nang mampunyoi bahaso asing dan oleh mulut orang-orang asing, Aku akan bacakap kapado bangso ni, tatapi orang ni tak akan mandongarkan Aku, Firman Tuhan. ²² Jadi, bahaso-bahaso lidah adolah tando, bukan untuk orang nang pacayo, tatapi untuk orang nang tak pacayo, sodangkan banubuat adolah tando, bukan untuk orang nang tak pacayo, malainkan untuk orang nang pacayo. ²³ Kolok saluruh jamaah bakumpul basamo dalam suatu tompat, dan samuonyo babicaro dengan bahaso-bahaso lidah, trus, ado orang-orang nang tak mangorti ato orang-orang tak pacayo masuk, bukannyo orang tu pasti mambilang, kolok kamu sudah gilo? ²⁴ Jadi, kolok samuonyo banubuat, kamudian ado orang nang tak paayo ato orang nang tak mangorti masuk, dio akan disadarkan oleh samuonyo dan dinilei oleh samuonyo. ²⁵ Rahasio dalam hatinyo akan nyato, dio akan tersungkur dan manyombah Allah, mangakui kolok sasungguhnyo Allah ado diantaro kamu. ²⁶ Jadi, Satorusnyo kek mano, sodaro-sodaro? pas kamu bakumpul, masing-masing mampunyoi mazmur, pangajaran, panyataan, bahaso lidah atau sabuah penafsiran. Bak biarlah samuoni diparbuek untuk mambangun. ²⁷ Kolok ado nang barbaho lodah, bak biarlah hanyo duo ato paling banyak tigo orang, dan masing-masing sacaro bagantian, dan harus ado orang lain nang mangartikannyo. ²⁸ Tapi, kolok tak ado orang nang mangartikannyo, dio harus diam dalam jamaah dan biarlah dia bacakap kapado doronyo sandiri dan kapado Allah. ²⁹ Biarlah hanyo dup ato tigo nabi nang bacakap dan nang lain mampartimbangkannyo. ³⁰ Jadi, kolok parnyataan dibuat untuk orang lain nang duduk disitu, orang nang partamo harus diam. ³¹ Korno kamu samuo dapat banubuat satu demi satu, bak supayo samuonyo dapat balajar dan samuonyo dapat di kuatkan. ³² Roh-roh para nabi tunduk kapado para nabi. ³³ Korno Allah bukannyo Allah dari kakacoan, malainkan dame sojahtro, samo macam dalam samuo jamaah orang-orang kudus. ³⁴ Parampuan harus total diam dalam jamaah, karono orang tu tak diizinkan untuk bacakap, malainkan harus tunduk sabagemano Hukum Taurat jugo mangatokannyo. ³⁵ Kolok ado sasuatu nang ingin orang tu palajari, bak biarlah orang tu batanyo kapado lakiknyo di rumah, karono adolah hal nang mamalukan samo parampuan untuk bacakap dalam jamaah. ³⁶ Apo Firman Allah barasal dari kamu? ato, apokah hanyo samo kamu sajo firman tu disampekan? ³⁷ Antah ado nang bapikir, kolok dio adolah saorang nabi ato orang nang rohani, biarlah dio mangonali kolok hal-hal nang aku tulis ka kamu adolah parintah Tuhan. ³⁸ Kolok ado orang nang tak mangonali ini, dio tak di konal. ³⁹ Jadi, sodaro-sodaroku, usahokanlah dengan sungguh-sungguh untuk banubuat dan jangan malarang orang bacakap dalam bahasa-bahasa lidah, ⁴⁰ Namun samuonyo harus dilakukan dengan sopan dan taratur.