¹ Kolok aku dapat bacakap dalam bahaso-bahaso manusio dan paro malekat, tatapo tak mampunyoi kasih, aku adolah gong nang babunyi dan canang nang gemerencing. ² Kolok aku mampunyoi karunio banubuat dan mangatahui samuo rahasio dan samuo pangatahuan, dan kolok aku mamiliki samuo iman untuk mamindahkan gunung-gunung, tapi kolok tak punyo kasih, tak ado apo-aponyolah aku. ³ Kolokpun aku mamborikan samuo hartaku ondak mangasih makan samo orang miskin, dan manyorahkan tubuhku ondak dibakar, tapi, kolok tak punyo kasih, sikitpun tak ado gunonyo samoku. ⁴ Kasih tu basabar, dan bamurah hari, kasih tu tak camburu, tak mamogahkan diri, dan tak sombong, ⁵ tak malakukan nang tak elok, tak mancari kapontingan diri sandiri, tak mudah marah, tak mamparhitungkan kasalahan orang lain, ⁶ tak basukocito atas katidakbonaran, malainkan basukocito basamo kabonaran. ⁷ Kasih tu tahan manganggung sagalo sasuatu, mamparcayoi sagalao sasuatu, mangharapkan sagalo sasuatu, dan sabar mananggung sagalo sasuatu. ⁸ Kasih tak pornah barakhir, namun, kolok ado nubuatan-nubuatan, akan ditiadokan, kolok ado bahaso-bahaso, akan di hontikan, dan kolok ado pangatahuan, akan lonyap. ⁹ Korno, kito mangatahui sabagian sajo dan kito banubuat sabagian sajo. ¹⁰ Namun, pas nang sampurno tu tibo, nang sabagian tu akan dilonyapkan. ¹¹ Pas aku budak-budak, aku bacakap kayak budak-budak, aku bapikir macam budak-budak, dan manghitung-hitung macam budak-budak, Pas aku dah bosar, aku maninggalkan hal-hal nang budak-budak tu. ¹² Karono kinin kito manengok dalam kaco sacaro samar-samar, tatapi kamudian muko dengan muko. Kinin, aku hanyo mangonal sabagian, tatapi kamudian aku akan mangonal saponuhnyo, samo macam aku jugo tolah dikonali saponuhnyo. ¹³ Jadi, kinin, katigo hal ni nang totap tinggal, adolah iman, pangharapan dan kasih, tapi nang tarbosar daro katigonyo adolah kasih.