¹ Jadi, awak tolah mamutusen bogi dewekku sandewek, bahwa awak tidak nak tiba lagi kadapamu dalam kasodihen. ² Kalau awak mambuat kamu basodih, siapakah nan akan mambuatmu bagambia, kacuali ia nan sudah kubuat basodih otou? ³ Awak manulis, sabogeimono nan awak lakuen, sapaya katika awak tiba, awak tidak mandapaten kasodihen dari maeka nan sehausnyeh mambuatku bagambia, sobab awak maasa yakin pada kamu samua, bahwa sukacitaku nak manjadi sukacita kamu samua. ⁴ Dai banyaknyeh pandaitaen dan kapodihen hati, awak manulis padamu dongan banyak linangan aek mata, bukan untuk mambuatmu basodih, malainen agar kamu dapat mangatahui sayang nan aku miliki, khususnyeh tahadap kamu. ⁵ Namun, jika ada nan manyobaben kasodihen, Ia tidak manyobaben kasodihen untuk ku, topi pada batas tatontu, supaya awak tidak malobih-lobihen untuk kamu samua. ⁶ Bagi urang sapaeti otou, togoen oleh sabogien bosa dai kamu cukup baginyeh. ⁷ Kaena otou, kamu sabaliknyeh, lobih baik mangampuni dan manghibonyeh supaya urang nan sapaeti otou tidak tinggolom oleh kasodihen nan balobihen ⁸ Jadi, awak mandoong kamu untuk manugasen kasihmu kapadanyeh. ⁹ Sabab, untuk ikok pula awak manulis kapadamu, supaya awak dapat mangatahui buktinyeh, apakah kamu taat dalam sagalo sasuatu. ¹⁰ Sakarang nan kamu ampuni, awak mangampuninyeh jugo, sebab apa nan sudah awak ampuni, jika ada nan harus awak ampuni, awak malakuennyeh domi kamu dihadapen Kristus. ¹¹ Dongan domikien, babelis tidak nak diuntungen dai kita, kaena kita mangatahui maksud-maksudnyeh. ¹² Kadang awak tiba di Troas untuk mamboitaen Injil Kristus dan kadang pintu tabuka untukku dalam Tuhan. ¹³ Bolum ada kalegaen bagi rohku, kaena tidak manjumpai Titus, duloku, jadi awak bapamiten kapada maeka dan pogi ka Makedonia. ¹⁴ Namun syukur kapada Allah nan salalu mamimpin kami kapada kamenangen didalam Kristus dan manyataen kaharumen pangatahuen akan Dia di satiap tompat malalui kami. ¹⁵ Sobab, kami adalah bau haum Kristus bagi Allah diantaa maeka nan disalamaten dan diantaa maeka nan sodang binasa. ¹⁶ Bagi nan satu, kami adalah bau kamatien untuk kamatien, dan bagi nan lain, bau kehidupan untuk kehidupen. Namun siapakah nan sanggup untuk hal-hal ikok. ¹⁷ Sobab, kami tidak sapaeti banyak urang lain nan manjual firman Allah. sebaliknyeh dalam Kristus kami bacakap dihadapan Allah dengan ketulusen, sabogoimono utusen-utusen Allah.