Surek kapado Jemaat di Efesus ¹ "Kapado malaikat jemaat di Efesus tuliskanlah: Ikkolah pakatoan Inyo na mamaccik tujuh bintang di tangan kanan-Nyo jongon na bajalan di antaro tujuh kaki diam ame tu: ² Ambo tau sadonyo pakarajoan kau jongon susah payahkau jongon katekunan, baapo kau indak tahan tahadok na jahek, dan kau manguji urang-urang na manyabut dirinyo rasul, tatapi sabananyo sidak indaklah rasul, dan mandapeki sidak palsu. ³ Kau mampunyoi katekunan jongon batahan demi namo-Ambo jongon indak manando litak. ⁴ Akan tatapi, Ambo manyapokau karano kau ala maninggakan kasihkau na samulo. ⁵ Karano itu, ingeklah dari mano kau jatuh dan batobat serta pabuek apo na ala kau karajokan samulo. Jiko indak, Ambo akan datang kapado kau jongon mangambik kaki diankau dari tampeknyo, kacuali kau batobat. ⁶ Akkan tatapi, ikko nan kau miliki: kau mambanci pabuean-pabuean para pangikut Nikolaus, nan juo ambo banci. ⁷ Inyo nan mamiliki talingo padialah mandanga apo nan dikatokan Roh* kapado jemaat-jemaat. kapado inyo nan manang, ambo akkan mambarikan makkanan dari pohon kahidupan nan ado di Taman Allah. Surek Kapado Jemaat Smirna ⁸ "Dan, kapado malaikat jemaat di Smirna tuliskanlah: Ikkolah pakatoan dari Na Mulo jongon Na Akhir, na ala mati jongon hidup kambali: ⁹ Ambo tau kasusahan jongon kamiskinan kau, tatapi sabananyo kau kayo! Ambo tau fitnah na ditunjukkan kapado kau samo sidak na manyabut diri urang Yahudi, tatapi sabananyo indak, malainkan sinagoge Iblis. ¹⁰ Jangan takkut tahadok apo na akan kau darito. Lieklah , setan akan malantingkan babarapo diri kau ka panjaro supayo kau di uji, dan kau akan mangalami panganiayoan salamo 10 hari. Satiolah sampe mati, dan Ambo akan mnagagikan kapado kau mahkota kahidupan. ¹¹ Inyo na mampunyoi talingo padialah mandanga apo na dikatokan Roh kapado jemaat-jemaat. Urang na manang indak akan mandarito samo kamatian na kaduo." Surek kapado Jemaat di Pargamus ¹² "Dan, kapado malaikat jemaat di Pergamus tuliskanlah: Ikkolah pakatoan Inyo na mampunyoi lading tajam bamato duo: ¹³ Ambo tau di mano kau tingga, di tampek tahta Iblis barado; tatapi kau bapaccik pado namo-Ambo jongon indak manyangkal iman-Ambo bahkan pado zaman Antipas, saksi-Ambo na satio na dibunuh di antarokau, tampek Iblis tinggal. ¹⁴ Namun, Ambo manyapokau karano ado babarapo di antarokau na mangikkuti ajaran Bileam, na mangaja Balak untuk malatak sandungan di mukko anak-anak Israel, untuk makkan makkanan na dipasembahkan kapado berhala jongon malakukan doso-doso seksual. ¹⁵ Damikian pulo, ado babarapo di antarokau na bapaccik pado ajaran Nikolaus. ¹⁶ Karano itu, batobatlah1 Jiko indak, Ambo akan lakke datang kapadokau jongon mamarangi sidak jongon lading dari mulut-Ambo. ¹⁷ Inyo na mampunyoi talingo padialah mandanga apo na dikatokan Roh kapado jemaat-jemaat. Kapado inyo na manang, Ambo akan mangagikan manna na tasondok; dan Ambo akan mangagikan kapadonyo saincek batu putih, jongon sabuah namo baru tatulis pado batu tu, na indak saurang pun mangatahuinyo kacuali urang na na manarimonyo." Surek kapado Jemaat di Tiatira ¹⁸ "Dan, kapado malaikat jemaat di Tiatira tuliskanlah: Ikkolah pangeccean anak Allah,na mato-Nyo sakiro nyala api jongon na kakki-Nyo manyala sakiro tembaga dalam parapian: ¹⁹ Ambo tau pabuean-pabuean kau,kasih jongon iman kau,palyanan kau jongon kasabaran kau,samo bahwa pakarejoan-pakarejoan kkau na tarakhir malampaui na diluan. ²⁰ Namun,Ambo manyapo kau karano kau mampadiakan padusi Izebel tu,na mangaku sabage saurang nabiah,mangajar jongon manyasekkan palayan-palayan-Ambo supayo bazino jongon makkan makkanan na ala doiparsembahan kapado berhala. ²¹ Ambo ala mangagi nyo waktu untuk batobat,tatapi inyo indak mau batobat dari zino nyo. ²² Lieklah,Ambo akan malantingkan inyo ka ate tampek tidu pandaritoan dan sidak na bazino jongon nyo akan ambo lantingkan ka dalam kasusahan gadang,kacuali sidak batobat dari pabuatan-pabuatan padusi tu. ²³ Dan,Ambo akan mambunuh anak-anaknyo jongon kamatian;jongon sadonyo jemaat akan mangatahui bahwa Ambolah na manguji pikkiran dan hati urang,jongon ambo akan mangagikan kapado kau masing-masing manurut parbuatan kau. ²⁴ Namun,kapado kau na lain di Tiatira,na indak mangikuti ajaran ko,na balum mangatahui rahasio-rahasio Iblis,Ambo mangatokan:ambo iindak akan malatakkan beban lain ka ate kau. ²⁵ Akan tatapi,bapaccilah tarus pado apo na ala kau punyo sampe Ambo datang. ²⁶ Dan,kapado urang na manang jongon malakkukan pakarejoan-pakarejoan-Ambo sampe akhir,Ambo akan mangagikan kuasa ate sidak akan mamarintah bangsa-bangsa, ²⁷ jongon sidak akan mamarinto bangsa-bangsa tu jongon tongkat basi,dihncurkan bakaping-kaping sakiro tembikar tukang pariuk,karano Ambo juo ala manarimo kuaso dari Ayah-Ambo. ²⁸ Dan,Ambo akan mangagikan bintang kapadonyo bintang timur. ²⁹ Inyo na mampunyoi talingo padialah mandanga apo na dikatokan Roh kapado jemaat-jemaat."