¹ karamo itu, dusanak-dusanak yang ambo kasihi jongon ambo rindukan, sukocito samo kabanggan ambo, tagak teguh Tuhan. ² Ambo mohon kapado Euodia samo juo kapado Sintikhe untuk hidup rukun dalam Tuhan. ³ Ambo maminta samo kau, sahabat sajati ambo, bantulah padusi-padusi ko karano sidak ala ba karajo kare samo ambo demi pelayanan injil, basamo Klemens kawan sakarajo ambo nalain, namo-namonyo tatulis dalam buku kahidupan. ⁴ Basukocitolah dalam Tuhan. Sakali lai ambo keccekkan basukocitolah! ⁵ Padialah sadonyo urang tau kalembutan hati kau. Tuhan ale dakke. ⁶ Janganlah kawatir tantang apopun juo. Namun, katokan kainginan kau kapado Allah dalam doa jongon parmohonan ucapan syukur ⁷ Damai sejatera Allah na malampaui sadonyo pengertian akan mameliharo hati jongon pikkiran kau dalam Yesus Kristus. ⁸ Akhirnyo dusanak-dusanak sadonyo na benar, sadonyo na mulia, na adil, na suci, na indah, sadonyo na tapuji, pikkirkanlah sadonyo itu. ⁹ Apo na ala kau pelajari, tarimo, danga, jongon na kau calik dari ambo, lakukanlah sadonyo itu, Maka Allah sumber damai Sejatera akan manyertoi kau. ¹⁰ Ambo sangat basukkocito dalam Tuhan karano kini, akhirnyo kau mangagikan perhatian kadi ambo. Memang, sabalumnyo kau indak mangagi perhatian kapado ambo, tatapi kau indak punyo kasempatan. ¹¹ Ambo mangeccekkan hal ikko bukan karano ambo sadang kakurangan, sabab ambo ala belajar mancukkupkan diri baapo pun keadaannyo. ¹² Ambo ala tau apo artinyo kakurangan, ambo juo tau apo artinyo kalimpahan. Dalam sadonyo dan satiok kaadaan, ambo ala belajar rahasio hidup bakecukupan, apo na kanyang atau lapa, apokah hidup banyak kepeng atau indak punyo kepeng. ¹³ Ambo dapek malakukan sadonyo malalui Inyo na mangunjuk kakuatan kapado ambo. ¹⁴ Namun, kau ala babuek elok mau babagi beban jongon ambo. ¹⁵ kau sorang tau jamaah filipi, awal petamo pelayanan injil, setelah ambo maninggakan wilayah Makedonia, indak ado jamaah na mau babagi beban jongon ambo dalam hal mangagi jongon manarimo, kecuali kau. ¹⁶ Bahkan, katiko di kota Tesalonika, kau mangirim bantuan untuk kabutuhan ambo labih dari sakali. ¹⁷ Namun, indak bantuan itu na ambo cari, melainkan ambo mancari buah na akan mampagadang kauntungan kau ¹⁸ Ambo ala manarimo pembayaran panuh, bahkan labih. Ambo mampunyoi sadonyo na ambo butuhkan karano pambarian na kau kirim kapado ambo malalui Epafroditus. Pamberian kau tu manjadi persembahan na harum, kurban na bakenan, jongon manyenangkan Allah. ¹⁹ Allah ambo akan mamenuhi sadonyo kaperluan kau manurut kakayoan-Nyo na mulia dalam Yesus Kristus. ²⁰ Kamuliaan bagi Allah dan Ayah kito untuk salamo-lamonyo. Amin. ²¹ Sampekan salam kami kapado satiok Urang Kudus* dalam Yesus Kristus. Salam untuk kau dari dusanak-dusanak saiman na ado basamo ambo di sikko. ²² Sadonyo urang kudus mangirim salam untuk kau, khususnyo sidak na bakarajo melayani di istana Kaisar. ²³ Anugrah dari Tuhan Yesus Kristus manyertoi roh kau. Amin