¹ kok ado dorongan semangat dari Kristus, penghiburan kasih, persekutuan Roh, kasih sayang, jongon raso hibo, ² Karano ala sahati sapikkiran kito, sampurnakanlah ambo. Kasih na samo, dipasatukan samo Roh jongon mampunyoi sabuah tujuan. ³ Jangan mambuek apa sajo na tinggi hati ato kasombongan na sio-sio; tatapi samo karandahan hati, anggap sajo urang lain labih panting dari pado diri munak sandiri. ⁴ Janganlah kau mamandang kapado kapentingan kau saurang, tatapi kapetingan urang lain juo. ⁵ Padialah pikkiran ko ado di antara kau sebagaimano na di punyoi Yesus Kristus, ⁶ Padia pun inyo mampunyoi rupo Allah, inyo indak manganggap kasetaraan-Nyo jongon Allah na harus dipertahankan. ⁷ Sabaliknyo, inyo mambuek diri-Nyo indak mampuyoi apo-apo samo manghambakan diri jadi budak padia manjadi sarupo jongon rupo manusio. ⁸ Dalam kaadan-Nyo jadi manusio, inyo marendahkan diri-Nyo samo taat sampe mati, bahkan mati di kayu salib. ⁹ Ikkolah alasannyo, Allah sangat maninggikan inyo smo manganugrahkan kapado-Nyo namo diate sagala namo ¹⁰ Supayo dalam namo Yesus , satiok manyembah -- elok na ado dilangit, na ado di bumi, jongon na ado dibawah bumi -- ¹¹ satiok lidah mangakku Kristus Yesus adalah Tuhan, bagi kamuliaan Allah, sang Ayah! ¹² karano nyotu, dusanak-dusanak ambo na terkasih, sabaimana kau taruis taat -- bukan hanyo katiko ambo ado basamo kau, tatapi kini ko ambo indak basamo kau -- karajokan kaselamatan kau jongon takut samo gentar. ¹³ Sebab, Allahlah na karajo di dalam kau elok untuk mangingini maupun apo na manyanangkan-Nyo. ¹⁴ Lakukanlah sadonyo tanpa manggarutu ato mambantah ¹⁵ Supayo kau indak bacaccek jongon indak basalah, sabagai anak-anak Allah na indak bacela ditanga-tanga generasi na bengkok samo na sasek ko. Sahingga kau basinar sabagai tarang dunio diantaro sidak. ¹⁶ Bapaccik areklah kapado firman kahidupan, supayo pado hari Kristus ambo mampunyoi alasan untuk bamegah bahwa ambo indak balari samo bakarajo kare jongon sio-sio. ¹⁷ Sakalipun ambo dicurahkan sakiro cawan pasembahan di ate kurban samo pelayanan iman kau, ambo sanang samo basukkocito jongon munak sadonyo. ¹⁸ Baitupun pulo munak, jongon alasan na sarupo, ambo basanang basukkocito basamo-samo jongon munak sadonyo. ¹⁹ Dalam Tuhan Yesus, ambo baharok dapek lakke mangutus timotius kapado kau supayo waktu mandanga kabar tantang kau ambo tahibur. ²⁰ Karano, ambo indak punyo urang lain hanyo inyo na tulus mampadulikan kasejateraan kau. ²¹ Karano na lain sibuk samo kapentingannyo surang, indak kapentingan Yesus Kristus. ²² sakiro na ala kau tau Timotius ala mambuktikan dirinyo bahargo, inyo malayani basami ambo demi kamajuan pambaritaan injil sakiro saurang anak kapado ayahnyo. ²³ Karano nyotu, ambo baharok dapek mangutus inyo satala ambo tau apo na nandak tajadi. ²⁴ Ambo pun piccayo kapado tuhan bahwa ambo sandiri lakke datang kapado kau ²⁵ Ambo pun bapikki, parlu juo mangutus Epafroditus kapado kau. Inyolah dusanak ambo, kawan sapelayaran ambo, samo kawan saperjuangan ambo. na mambaok pasan kapado kau samo malayani kabutuhan ambo. ²⁶ Inyo sangat marindukan munak sadonyo hatinyo susah karano munak mandanga inyo sakkik. ²⁷ Memang, dulu inyo sakkik sampe nandak mati, tapi Allah manunjukkan raso hibo kapadonyo -- bukan hanyo kapadonyo malainkan kapado ambo -- supayo dukkocito indak batumpuk-tumpuk. ²⁸ Karano nyotu, ambo samakkin nandak mangutusnyo kambali kapado kau supayo kau dapek basukkocito malieknyo lai. Bakuranglah kakawatiran ambo. ²⁹ Sambuklah Epafroditus dalam Tuhan jongon panuh sukkocito jongon hormatilah urang-urang sakiro inyo ³⁰ Karano inyo hampi mati demi pakarajoan Kristus; inyo mampatarukan nyawanyo untuk manggantikan bantuan na indak dapek di agikan kapado ambo