¹ Sampelah sidak di subarang danau, didaerah urang-urang Gadara. ² Katika, Yesus turun dari sampan,jongon lakke sasaurang dari kuburan nan di masuki roh najis manamui Yesus. ³ Inyo tingga di dalam kuburan-kuburan. Indak ado urang nan sanggup mangabeknyo lai, bahkan jongon rante. ⁴ sabab,inyo ala sering di kabek jongon balenggu kakki dan rante, tatapi inyo mamutuskan rantenyo dan mamatahkan balenggunyo. Indak ado saurang pun nan cukkup kuek untuk mandudukkannyo. ⁵ Satiok siang dan malam, inyo mamakkik di kuburan di bukkik-bukkik dan malukkoi badannyo sorang jongon batu. ⁶ Katiko urang tu maliek Yesus dari nan jauh,inyo balari dan basujud du mukko Yesus. ⁷ lalu, sambil mamakik jongon suaro kare inyo mangeccek, '' Apo urusan antaro ambo jongon Kau, Yesus, Anak Allah nan maha tenggi ? Ambo mohon kapado-Kau demi Allah, jangan manyiksah ambo ! '' ⁸ Sabab, Yesus ala mangeccek kapadonyo, '' Kalualah dari urang hai roh najis ! '' ⁹ Lalu, Yesus batanyo kapado urang tu, '' Siapo namo kau ? '' dan, inyo manjawab '' Namo ambo Legion karano kami banyak.'' ¹⁰ Inyo bakali-kali mamohon kapado Yesus supayo indak mangusir sidak dari daerah tu. ¹¹ Disinun ado kawanan gadang babi sadang makkan di dakkek bukkik. ¹² Lalu, roh-roh jahek tu mamohon kapado Yesus jongon mangeccek, '' Suruhlah kami kapado babi-babi tu sahinggo kami masuk kadalamnyo.'' ¹³ Yesus mangabulkannyo.Karano nyotu, roh-roh najis tu pai dan mamasuki babi-babi. Kawanan nan bajumlah kiro-kiro duo ribu tu balari ka tapi jurang sampe ka danau, lalu tabanam didalam danau. ¹⁴ Kamudian, panjago-panjago babi tumalarikan diri dan mambaritokannyo kakota dan ka kampung.Dan. urang-urang kalua untuk maliek apo nan ala tajadi. ¹⁵ Lalu, urang-urang tu datang kapado Yesus dan maliek Inyo nan tadi kamasukan roh jahek, nan ala mampunyoi Legion, sadang duduk, dan ala bapakkean, dan inyo ala kambali waras. Dan sidak pun manjadi takkut. ¹⁶ Lalu, sidak nan manyaksikan kajadian tu, mancuritokan kapado urang-urang maccam mano hal tu tajadi kapado urang nan kamasukan roh jahek dan tantang babi-babi tu. ¹⁷ Karano nyotu,urang-urang mulai mamintak Yesus untuk maninggakan daerah sidak. ¹⁸ Kamudian, pado waktu Yesus sadang naik ka sampan, urang nan tadinyo kamasukan roh jahek tu mamohon supayo inyo bisa basamo jongon Yesus. ¹⁹ Namun, Yesus indak mangijinkannyo, malainkan mamgeccek kapadonyo, '' pulanglah kapado dusanak-dusanak kau. Curitokan kapado sidak sadonyo hal nan ala Tuhan lakukan kapado kau dan bahwa Tuhan babale kasihan kapado kau. '' ²⁰ Lalu, urang tu pai dan mulai mambaritokan kapado urang-urang di Dekapolis tantang sadonyo hal nan ala Yesus lakukan kapadonyo. Dan, sadonyo urang manjadi heran. ²¹ Katika Yesus manyubarang lai jongon sampan ka subarang urang banyak bakumpul di dakkek-Nyo, dan Inyo barado di tapi danau. ²² Lalu, saurang pamimpin di Sinagoge nan banamo Yairus datang dan ala maliek Yesus, inyo basujud di kakki-Nyo. ²³ Dan inyo mamohon jongon sungguh kapado Yesus katonyo, '' Anak padusi ambo nan masih ketek hampir mati. Datang dan latakkan tangan-Kau atenyo supayo inyo dapek dicegakkan dan hidup,'' ²⁴ Lalu Yesus pai basamo Yairus. Ado baitu banyak urang nan mangikkuti Yesus dan mangarumuni Inyo. ²⁵ Dan, ado saurang padusi nan pandarahan salamo duo bale tahun. ²⁶ Inyo ala bakali-kali mandarito oleh banyak dukkun, dan ala mangaluakan sadonyo nan di milikinyo, akan tatapi indak ado gunonyo dan kaadaannyo malah batambah buruk. ²⁷ Sasudah mandanga tantang Yesus, padusi tu pun mandatangi Yesus dari balakkang di tangah-tangah karumunan urang dan mamaccik jubah-Nyo. ²⁸ Padusi tu mangeccek, '' Kok ambo dapek mamaccik jubah-Nyo sajo, ambo akkan cegak.'' ²⁹ katika tu juo pandarahannyo baranti dan inyo marasokan bahwa badannyo ala cegak dari panyakkiknyo. ³⁰ Yesus langsung mangatahui dari badannyo saurang bahwa ado kuaso nan ala kalua dari-Nyo. Inyo babalik di antaro karumunan tu dan mangeccek : '' Siapo nan manyantuh jubah Ambo? ³¹ Lalu murid-murid Yesus mangeccek kapado-Nyo, '' kau maliek karumunan urang mandasak-dasak kau dan kau mangeccek, '' Siapo nan mamaccik kau ? ³² Lalu, Yesus mamandangi sakaliling untuk maliek siapo nan ala malakukannyo. ³³ Namun, sasudah mangatahui apo nan ala tajadi pado badannyo, padusi tu manjadi katakkutan dan manggigi. Inyo datang dan basujud di mukko Yesus samo mangagitahu Yesus sadonyo kabanarannyo. ³⁴ Kamudian, Yesus mangeccek kapado padusi tu, '' Anak Ambo, iman kau ala manyelamatkan kau. Pai lah dalam damai sejahtera dan cegaklah dari panyakkik kau.'' ³⁵ Samantaro Yesus masih mangeccek, datanglah babarapo urang dari rumah pamimpin Sinagoge nan mangeccek, '' Anak kau ala maningga. Mangapo masih mangganggu Guru?'' ³⁶ Akkan tatapi, Yesus indak mau mandangakan apo nan ala di keccekkan, Inyo mangeccek kapado pamimpin Sinagoge tu, '' Jangan takkut, piccanyo sajo. '' ³⁷ Lalu, Yesus indang mangijinkan saurangpun mangikkuti-Nyo, kacuali Petrus, dan Yakobus, dan Yohanes, dusanak Yakobus. ³⁸ Lalu, sidak sampe dirumah kapalo Sinagoge tu, dan Inyo maliek kaributan, dan urang-urang manangi juo maratap jongon suaro kare. ³⁹ Kamudian, katika Yesus masuk, Inyo mangeccek kapado sidak, '' Mangapo kau ribut dan manangi ? Anak tu indak mati, tatapi sadang tatidu. '' ⁴⁰ Tatapi sidak manggalakkan Yesus. Namun, Inyo manyuruh sidak sadonyo kalua dan Inyo mangajak ayah dan umak anak tu, samo urang-urang nan basamo Inyo, lalu masuk ka ruangan tampek anak ketek tu barado. ⁴¹ Kamudian, di paccik-Nyo tangan anak ketek tu dan Inyo mangeccek kadinyo, '' Talita kum ! '' ( Artinyo, gadis ketek, Ambo mangeccek samo kau, jagolah!'') ⁴² Anak padusi tu lakke tagak dan mulai bajalan-jalan, karano inyo baumur duo bale tahun, dan lakke sadonyo urang maraso sangat heran. ⁴³ Lalu, Yesus mangagi parintah nan kare kapado urang tua anak tu bia jangan ado saurang pun nan mangatahui hal ikko, dan mangeccekkan kapado sidak bia anak tu di agi makkan.