¹ Lalu, katika Yesus maninggakan Bait Allah, sala saurang murid-Nyo mangeccek kapado Inyo," Guru, lie batapo indanyo batu-batu dan batapo indanyo bagunan-bangunan ikko. ² Dan Yesus manjawabnyo," Apokah kau malie bangunan-bangunan ikko? indak ado sabuah pun nan nakan tingga di ate batu lainnyo nan indak nakkan dirabakan." ³ Dan, samantaro Yesus sadang dudu diate Bukki Zaitun nan manghado Bait Allah, Petrus, dan Yakobus dan Yohanes dan Andreas batanyo kapado Tesus saurang. ⁴ "Baritau kami, pabilo hal-hal itu nakkan tajadi, dan apo nan nakkan manjadi tando apobilo sadonyo itu nakkan lakke barakhir?" ⁵ Lalu, Yesus mulai mangecce kapado sidak," Bahati-hatilah supayo indak ado urang nan manyasekkan kau, ⁶ Banya urang nakkan datang dalam namo Ambo mangecce, 'Ambolah Inyo,' Dan sidak nakkan manyasekkan banyak urang. ⁷ Katika kaumandanga tantang paparangan dan barito-barito tantang parang, jangan takkui. Hal-hal ikko harus tjadi, tatapi akhir dari sadoyo balom tajadi. ⁸ Sabab,bangsa nakkan bangkimalawan bangsa dan karajaan malawan karajaan. Nakkan tajadi gampobumi di babagai tampe, nakkan ado kalaparan. Ikkolah parmulaan dari raso sakki malahekan. ⁹ Namun, jagolah diri kau, sabab, sidak nakkan mangagikan kau kapado pangadilan, dan kau nakan dihampoki disinagoge-sinagoge pado sidak. ¹⁰ Dan, Injil harus labi daulu dibaritokan kapado sadonyo bangsa. ¹¹ Dan, katika sidak mambao kau dan mangagikan kau, janganlah khawatir daulu jongon apo nan harus kau katokan, tatapi katokanlah apo pun nan dikaruniakan kapado kau saat itu karano inda kau nan mangecce, malainkan Roh Kudus. ¹² Dan, saurang sanak nakkan mangagikan sanaknyo pado kamatian dan ayah kapado anaknya. anak-anak nakkan bangki malawan urang tuanyo dan mambunu sidak. ¹³ Dan, kau nakkan dibanci oleh sadonyo urang karano namo Ambo. Akan tatapi, urang nan tarus batahan sampe akhir disalamatkan. ¹⁴ Namun, katika kau malie panjahe keji, tagak di tampe nan indak saharusnyo, sida nan ado diYudea harus lari ka pagunungan. ¹⁵ Urang nan barado diato rumah jangan turun atau masuk kadalam rumah untuk mangaluarkan apo pun dari dalam rumahnyo. ¹⁶ DAn, urang nan barado di ladang, jangan babalik untuk mangambi jubahnyo. ¹⁷ Celakalah sidak nan sadang bunting dan sidak na sadang mamemekkan anak-anaknyo pado hari-hari itu. ¹⁸ Badoalah agar hal-hal ikko indak tajadi pado musim dingin, ¹⁹ Sabab, pado hari-hari itu nakkan tajadi waktu pandaritaan gadang nan balum pana tajadi sajak partamo panciptaan, nan Tuhan ciptakan sampe kiniko dan indak nakkan pana tajadi lai. ²⁰ Dan, jika Tuhan indak mampasingke hari-hari tu, indak nakkan ado saurang pun nan disalamatkan. Akan tatapi, demi nan dipilih, nan ala Inyo pilih, Inyo mampasingke hari-hari tu. ²¹ Kamudian, jika ado urang nan mangecce kapado kau, ' lie, Kristus ado disikko! " atau " lie, Inyo ado disinun!, jangan mampiccayoinyo. ²² Sabab, mesias-mesias palsu dan nabi-nabi palsu nakkan bangki dan manunjukakan tando-tando dan kaajaiban-kaajaiban untuk manyasekkan, jika mungkin, bahkan urang-urang pilihan. ²³ Waspadalah! Ambo ala mambaritaukan sadonyo ikko kapado kau sabalumnyo. ²⁴ Namun, pado hari-hari tu sasuda tajadi maso pandaritoan gadang, matohari nakkan manjadi kalam, dan bulan indak nakkan basinar. ²⁵ Bintang-bintang nakkan bajatuhan dari langi dan kuaso-kuaso dilangi nakkan diguncangkan. ²⁶ Kamudian, sidak nakkan malie Anak Manusio datang salam awan-awan jongon kuaso dan kamuliaan nan gadang. ²⁷ Lalu, Inyo nakkan mangutus malaikat-malaikat dan mangumpukan nan dipilih dari kaampe arah mato angin, dari ujung-ujung bumi sampe ka ujung-ujung langi. ²⁸ "Balajarlah dari parumpamoan pohon ara, katika dahan-dahannyo ala malunak dan daun-daunnyo kalua, mako kau tau bahwa musim pane ala dakke. ²⁹ Baitu juo jongon kau, apobilo kau malie hal-hal ikko tajadi, katahuilah bahwa Inyo ala dakke, diambang pintu. ³⁰ Ambo mangatokan nan sabananyo kapado kau, generasi ikko indak nakkan balalu sampe sadonyo ikko tajadi. ³¹ Langi dan bumi nakkan balalu, tatapi Firman Ambo indak nakkan pana balalu. ³² Akan tatapi, tantang hari atau jam itu, indak ado saurang pun nan tau, indak juo malaikat-malaikat di surgo, bahkan indak juo Anak, hanyo Ayah. ³³ Waspadalah, bajaga-jagalah. sabab, kau indak atau pabilo waktunyo nandak datang. ³⁴ Hal ikko sakiro urang nan sadangmalakukan parjalanan, katika inyo maninggakan rumah dan mambari kuaso kapado palayan-palayanyo, jongon pakarejoannyo masing-masing, dan juo mamarintahkan panjago pintu untuk tatap bajago-bajago. ³⁵ karano itu, bajago-jagolah karano kau indak tau pabilo tuan ruma nakkan datang, patang hari, atau tanga malam, atau waktu ayam bakokok, atau pagi-pagi buto. ³⁶ Jangan sampe Inyo tibo-tibo datang dan mandapeki kau sadang tidu. ³⁷ Apo nan Ambo katokan kapado kau ikko, Ambo katakan Sadonyo urang: " bajaga-bajagalah!"