¹ Dan, katika sidak hampir sampe ka Yerusalem,dakke Betfage dan Betania, dibukki Zaitun, Yesus manyuru murid-Nyo, ² dan mangecce samo sidak,'' pailah ka desa dimokko kau, dan lakke sasudah kau mamasukinyo, kau nakkan mandapekkan saikku keledai mudo nan takabek, nan balum pana di naiki urang. lapekanlah kaledai tu dan baoklah. ³ Jika ado urang batanyo samo kau, Mangapo kau mangarejokannyo?" katokan, Tuhan mamarlukan keledai tu dan nandak lakke mangirim nyo pulo kasikko.'' ⁴ Lalu, sidak pai dan mandapekkan saikku kaledai mudo nan takabek di pintu, di bagian lua, dijalan, lalu sidak malapekannyo. ⁵ Babarapo urang nan tagak di sinun batanyo samo sidak,'' Apo nan kau karajokan samo malapekan kaledai tu?'' ⁶ Sidak manjawab sakiro nan ala Yesus katokan samo sidak, dan urang-urang tu mampadiakan sidak pai. ⁷ Lalu, sidak mambaok keledai tu samo Yesus, malatakkan jubah sidak di ate kaledai tu, dan Yesus duduk di ate nyo. ⁸ Dan, banyak urang mangambangkan jubah sidak dijalan, dan nan lainnyo manyerakkan ranting-ranting nan sidak kudung dari ladang. ⁹ Urang banyak nan bajalan di mukko dan nan mangikkuti basorak. ''Hosana! Diberkatilah Inyo nan datang dalam namo Tuhan. ¹⁰ Diberkatilah kadatangan karajaan Daud, nenek monyang kito! Hosana, ditampek nan mahatenggi!'' ¹¹ Kamudian, Yesus masuk ka Yerusalem dan pai ka bait Allah. Dan, salase maliek sagalo sasuatu di sakalilingnyo, Inyo pai ka Betania basamo kaduo bale muridnyo karano hari ala kalam. Yesus Mangutuk Batang Ara. ¹² Dan, barisuk nyotu, ketika sidak maninggakan Betania, Yesus maraso lapa. ¹³ Salase maliek sabua batang ara nan badaun dari kajauan, Inyo pai untuk maliek jika mungkin ado sasuatu nan bisa Inyo tamukan dari batang tu. pabilo Inyo sampe kabatang tu, Inyo indak manjumpoi apo-apo kacuali daun-daun-nyo sabab waktu tu balum musim bua ara. ¹⁴ Karano itu, Yesus mangecce samo batang tu, ''Jangan ado lai urang nan pana makkan bua dari kau untuk salamo-lamonyo. ''Dan, murid-murid-Nyo mandanga. ¹⁵ Kamudian, sidak sampe ka Yerusalem. Dan, Yesus masuk ka Bait Allah dan mulai mangusir urang-urang nan sadang manjua bali di Bait Allah. Inyo mambalikan meja-meja panukka kepeng dan bangku-bangku urang nan manjua pipik marpati, ¹⁶ dan Inyo indak lai mangijinkan urang mambaok barang-barang malewati Bait Allah. ¹⁷ Kamudian, Yesus mangajar sidak dan mangecce, '' Indaklah tatulis, 'Rumah-Ambo nandak disabut rumah dia untuk sadonyo bangsa'? Akan tatapi, kau ala mangubahnyo manjadi sarang pancilok.'' ¹⁸ Dan, imam-iman kapalo dan ahli-ahli Taurat mandanganyo dan sidak mancari caro baccammano manbunuh-Nyo. Sabab, sidak takkut samo-Inyo karano urang banyak tu kagum akan pangajaran-Nyo. ¹⁹ Dan, ketika hari mulai kalam, Yesus dan Murid-murid-Nyo maninggakan kota tu. ²⁰ Lalu, pagi-pagi katika sidak lewat, sidak maliek batang ara nan ala karing urek-ureknyo. ²¹ Petrus taingek dan mangecce samo Yesus, ''Rabi, Yesus liek! Batang ara nan Kau kutuk ala manjadi karing!" ²² Dan, Yesus manjawab sidak, "Punyoilah iman ka dalam Allah. ²³ Ambo mangatakon nan sabananyo samo kau, siapo sajo nan mangecce kapado gunug ko, Taangkeklah dan tacampaklah ka dalam lawik, ' dan indak ado karaguan di dalam hatinyo, tatapi piccayo bahwa apo nan inyo katokan akan tajadi, maka hal tu akan tajadi samoinyo. ²⁴ Sabab tu, Ambo mangecce samo kau, apo sajo nan kau doakan dan mintak, piccayolah bahwa kau ala manarimonyo, maka hal tu pasti diagikan samo kau. ²⁵ Dan, apobilo lau tagak dan badoa, ampunilah jika kau manyimpan sasuatu tahadok sasaurang, supayo Ayah kau nan ado di surgo juo nakkan mangampuni kasalahan-kasalahan kau. ²⁶ Namun, jika kau indak mangampuni, Ayah kau nan ado di surgo juo indak nakkan mangampuni kasalahan-kasalahan kau." ²⁷ Kamudian, sidak datang lai ka Yerusalem. samantaro Yesus bajalan ka Bait Allah, iman-iman kapalo, ahli-ahli Taurat, dan tuo-tuo Yahudidatang samo-Inyo. ²⁸ Dan, sidak mangecce sami-Inyo, "Jongon kuaso apo Kau mambuek hal-hal tu, atau siapo nan mangagikan-Kau kuaso untuk mangarajokannyo?" ²⁹ Yesus mangecce kapado sidak, " Ambo nandak batanyo sabua partanyaan kapado kau. Jawablah Ambo, baru ambo Nandak mangagi tau kau jongon kuaso apo kau mangarajokan hal-hal tu. ³⁰ Apokah Baptisan Yohanes barasal dari surgo atau dari mansuio? Jawablah ambo!" ³¹ Sidak badiskusi sabua samo lain jongon mangecce, " Jika kito manjawab, 'Dari surgo, 'Inyo nakkan mangecce, 'Lalu, mangapo kau indak piccayo kapado inyo?' ³² Akan tatapi, jika kito manjawab, 'dari manusio'?" para pamimpin tu takkut kapado urang banyak karano sidak sadonyo manganggap bahwa Yohanes sungguh-sungguh saurang nabi. ³³ Karano tu, sidak manjawab Yesus, ''kami indak tau.'' kamudian, Yesus mangecce ka sidak, "baitu juo Ambo, Ambo juo indak nakkan mangagi tau kau jongon kuaso apokah ambo mangarajokan hal-hal tu."