¹ Kamudian, Yesus mangimbo kaduo bale murid-Nyo lalu mangagi sidak kuaso dan otoritas ate roh-roh jahek, dan juo untuk manyambuhkan panyakkit. ² Innyo mangutus sidak untuk mambaritokan tantang karajaan Allah dan mamulihkan. ³ Kato-Nyo kapado sidak, "Jangan mambawo apo pun dalom parjalanan kau, jangan mambawo tongkat, tas roti, kepeng, atau bahkan duo helai baju. ⁴ Ka rumah mano pun nan kau masuki, tinggalah di sano sampe kau pai dari tampek itu. ⁵ Bagi sidak nan indak mau manarimo kau, tinggakanlah kota itu dan kebaskanlah debunyo dari kakki kau sabagai paringekan tahadap sidak." ⁶ Kamudian barangkeklah paro rasul dan bakaliling ka desa-desa sambil mambaritokan injil dan manyambuhkan urang-urang nan sakkik di mano-mano. KABINGUNGAN HERODES TANTANG YESUS ⁷ Herodes, sang raja wilayah, mandanga tantang sadonyo hal nan sadang tajadi dan innyo sangat bingung sabab babarapo urang mangatokan bahwa Yohanes Pambabtis ala bangkit dari antaro urang mati, ⁸ sadangkan nan lain babicaro bahwa Elia ala muncul kambali, dan ado pulo nan mangecek bahwa sala saurang dari nabi nan hidup pado zaman daulu ala bangkit. ⁹ Herodes mangecek, "Ambo ala mangkudung kapalo Yohanes. Jadi, siapokah Urang nan tantang-Nyo ambo danga kabar nan sademikian ikko?" Mako, Herodes sangat ingin bajumpo Yesus. MAKKANAN UNTUK LIMO RIBU URANG ¹⁰ Katiko paro rasul kambali, sidak mancaritokan kapado Yesus tantang sagalo sasuatu nan ala sidak lakkukan dan Innyo mangajak sidak untuk manyendiri ka sabuah kota banamo Betsaida. ¹¹ Akkan tatapi, urang banyak tau hal itu dan sidak pun mangikkuti-Nyo. Mako, sambil manyambut sidak, Yesus babicaro kapado sidak tantang Karajaan Allah dan juo sidak akkan mambutuhkan kasambuhan. ¹² Katiko hari mulai malam, kaduo bale murid Yesus datang kapado-Nyo dan mangecek, "Surulah urang-urang itu pai ka kampun-kampun dan padesaan di sakkitar sikko untuk mancari tampek manginap dan makkanan karnao di sikko kito barado di tampek tapencil." ¹³ Akkan tatapi, Yesus mangecek kapado sidak, "Kailah nan mangagi sidak makkan." Jawab murid-murid-Nyo, "Kami hanyo mampunyoi limo roti dan duo ikan, kacuali jiko kami pai mambali makkanan untuk sadonyo urang ikko." ¹⁴ Di sinun ado kiro-kiro limo ribu urang lakki-lakki. Yesus mangecek kapado murid-murid-Nyo, "Surulah sidak duduk sacaro bakalompok, kitro-kio limo puluh urang per kalompok." ¹⁵ Mako, sidak pun malakkukan sasuai jongon nan Yesus parintahkan dan manyuruh sadonyo urang itu duduk. ¹⁶ Lalu, Yesus mangambik limo roti dan duo ikkan itu, menengadah ka langit, mamberkatinyo, mamaccah-maccahkannyo, dan mamberkatinyo kapadi paro murid supayo sidak manghidangkannyo kapado urang banyak. ¹⁷ Dan, sidak sadonyo makkan sampe kanyang. Kamudian, sisa-sisa potongan roti nan ala dikumpukan ado duo bale karanjang panuh. PETRUS MANGAKKUI YESUS ADOLAH KRISTUS ¹⁸ Suatu kali, katiko Yesus sadang badoa saurang murid-Nyo ado basamo jongon-Nyo. Lalu, Innyo batanyo kapado sidak, "Siapokah Ambo ikko manurut urang banyak?" ¹⁹ Jawab Yohanes Pambaptis, nan lain mangatokan Elia, dan nan lain lain mangatokan Kau adolah salah satu dari nabi-nabi pado zaman daulu nan bangkit kambali." ²⁰ Kamudian, Yesus mangecek kapado sidak, "Namun, manurut kau siapokah Ambo?" Jawab Petrus, "Kau adolah Kristus dari Allah." ²¹ Akkan tatapi, Yesus mamparingekkan sidak jongon kare dan mamarintahkan sidak untuk indak mangagitau siapo pun tantang ikko. YESUS MANGAGITAUKAN KAMATIAN-NYO ²² Kamudian Yesus mangecek, "Anak Manusio harus mandarito banyak hal dan di tolak oleh tuo-tuo, imam-imam kapalo, dan ahli Taurat, lalu di bunuh dan akkan dibangkkitkan pado hari nan katigo." ²³ Yesus mangecek kapado sidak sadonyo, "Jiko sasaurang ingin mangikkut Ambo, innyo harus manyangkal dirinyo sandiri, dan mamikul salibnyo satiok hari, dan mangikkuti Ambo. ²⁴ Sabab, siapo pun nan barusaho manyalamatkan nyawanyo, akkan kahilangan nyawanyo. Akkan tatapi, barang siapo kahilangan nyawanyo karano Ambo, innyo akkan manyalamatkannyo. ²⁵ Apokah untungnyo jiko sasaurang mandapekkan saluruh dunia, tatapi mati atau kahilangan nyawanyo sandiri? ²⁶ Kapado urang nan maraso malu karano Ambo dan pangecekan-Ambo , Anak Manusio pun akkan malu manggakkui urang itu katiko Innyo datang dalom kamuliaan-Nyo dan kamuliaan Ayah-Nyo, basarto paro malaikat kudus. ²⁷ Ambo mangatokan nan sasungguhnyo kapado kau, ado babarapo urang di antaro kau nan badiri di sikko nan indak akkan mati sabalum maliek karajaan Allah." YESUS BASAMO MUSA DAN ELIA ²⁸ Kiro-kiro, 8 hari sasudah Yesus manyampekan pangajaran-Nyo itu, Innyo mangajak Petrus, Yohanes, dan Yakobus naik ka gunung untuk badoa. ²⁹ Katiko Yesus sadang badoa, rupo wajah-Nyo barubah dan pakkean-Nyo manjadi bakilauan. ³⁰ Kamudian, nampaklah duo urang sadang babicaro jongon-Nyo. Kaduo urang itu adolah Musa dan Elia, ³¹ nan manampakkan diri dalom kamuliaan dan babicaro tantang kamatian Yesus nan akkan sagaro digenapi di Yerusalem. ³² Pado waktu itu, Petrus dan kawan-kawanyo sadang dikuasoi oleh raso ngantuk nan barek, tatapi katiko sidak banar-banar tasadar, sidak maliek kamuliiaan Yesus dan duo urang nan badiri basamo-samo jongon Innyo. ³³ Katiko Musa dan Elia akkan maninggakan Yesus, Petrus mangecek, "Guru, baiklah kito tatap disikko. KAmi akkan mandirikan tigo kemah, sabua untuk-Kau, sabua untuk Musa, dan sabua lai Elia." Akka tatapi, Petrus indak sadar apo nan dikatokannyo itu. ³⁴ Katiko Petrus sadang mangatokan hal itu, datang lah awan menaungi sidak sahiggo Petrus, Yohanes, dan Yakobus manjadi takkut katiko sidak masuk ka dalom awan itu. ³⁵ Kamudian , tadangalah suaro dari awan itu, "Ikkolah Anak-Ambo, Innyolah nan Ambo pilih, dangakanlah Innyo." ³⁶ Sasudah suaro itu barhanti , Yesus hanyo di dapei saurang diri. Sidak marahasiokannyo dan indak mangagi tau saurang pun pado hari-hari itu tantang apo nan ala sidak liek. SAURANG ANAK LAKKI-LAKKI DI BEBASKAN DARI ROH JAHEK ³⁷ Kaesokan harinyo, katiko sidka turun dari gunung, sarombombongan gadang urang banyak datang kapado Yesus. ³⁸ Sasaurang dari banyak itu basaru, "Guru, ambo mohon kapado-Kau, lieklah anak ambo sabab innyo adolah anak ambo satu-satunyo. ³⁹ Lieklah , ado roh nan manguasainyo, dan tibo-tibo innyo barusak-surak. Roh itu mangguncang-guncangkannyo sahinggo mulutnyo babusa, roh itu tarus manyakkitinyo dan indak mau manginggakan nyo. ⁴⁰ Ambo ala mamohon kapado murid-murid-Kau untul manguirnyo tatapi sidak indak dapek malakkukannyo." ⁴¹ Jawab Yesus, "Hai kau generasi nan indak piccayo dan sesat! Barapo lamo lai Ambo harus tingga basamo kau dan basabar tahadap kau? Bawolah anak kau itu kamari." ⁴² Katiko anak itu sadang mandakkek kapado Yesus, roh jahek itu mambantingkannyo ka tanah dan manguncang-guncangkannyo. Akkan tatapi, Yesus mambantak roh najis itu, manyembuhkan anak lakki-lakki itu, lalu mangambalikannyo kapado ayah nyo. YESUS MAMBICAROKAN KAMATI-NYO ⁴³ Sadonyo urang maraso takjub ate kuaso Allah, tatapi katiko sidak taheran-heran tahadap sadonyo hal nan dilakkukan Yesus, Innyo mangecek kapado murid-murid-Nyo, ⁴⁴ "Dangakanlah pangecekan ikko baik-baik: Anak Manusio akkan di sarahkan katangan manusio." ⁴⁵ Akkan tatapi, paro murid indak mangarti maksud pangecekan itu, dan hal itu tasambunyi bagi sidak indak dapek mamahaminyo. Namun, sidak takkut batanyo kapado Yesus manganoi arti pangecekan itu SIAPOKAH NAN TARAUMA? ⁴⁶ Suatu katiko, sabuah partengkaran tajadi di antaro muriid-murid Yesus manganoi siapo nan tarutamo diantaro sidak. ⁴⁷ Akkan tatapi, Yesus tau pikkiran hati sidak, lalu Innyo mangambik saurang anak ketek dan mangajaknyo badiri si samping-Nyo. ⁴⁸ Lalu, Innyo mangecek kapado murid-murid, "Satiok urang nan manarimo anak ketek ikko di dalom mano-Ambo, innyo manarimo Ambo. Dan, siapo pun nan manarimo Ambo. innyo manarimo Innyo nan mangutus Ambo. Sabab, nan paling hina di antaro kau, innyolah nan tarutamo." PIHAK NAN SAMO ⁴⁹ Yohanes manjawab-Nyo dan mangecek, "Guru, kami maliek sasaurang mangusir roh jahek dalom namo-Kau dan kami barusaho manghentikannyo karano innyo indak tamasuk kalompok kito." ⁵⁰ Akkan tatapi, Yesus mangecek kapadonyo, "Jangan manghentikannyo karano siapo pun nan indak malawan kau, inyo mamihak kau." YESUS DITOLAK DI SAMARIA ⁵¹ Katiko waktunyo samakkin dakkek lai bagi Yesus untuk ditinggakan, Innyo maneguhkan hati untuk pai ka Yerusalem. ⁵² Innyo manyuruh babarapo utusan untuk mandaului-Nyo. Lalu, utuan-utusan itu pun barangkek dan masuk ka sabuh desa di daerah Samaria untuk manyiapkan sagalo sasuatu bagi Innyo. ⁵³ Akkan tatapi, urang-urang di tampek itu indak manarimo Yesus karano Innyo sadang manuju ka kota Yerusalem. ⁵⁴ Katiko murid-murid Yesus, yaitu Yakobus dan Yohanes, maliek hal ikko, sidak mangecek, "Tuhan, apokah Kau inginkan kami untuk mmarintahkan api turun dari langit dan manghanguskan sidak?" ⁵⁵ Akkan tatapi, Yesus manoleh ka balakkang dan manegur sidak. ⁵⁶ Lalu, Yesus dan murid-murid-Nya pai ka desa nan lain. TANTANGAN BAGI PANGIKKUT YESUS ⁵⁷ Katiko sidak sadang dalom parjalanan, ado saurang mangecek kapado Yesus, "Ambo akkan mangikkut Kau ka mano pun Kau pai." ⁵⁸ Yesus pun mangecek kapado nyo, "Rubah mampunyoi lubang untuk tingga dan burung di udara mampunyoi sarangnyo. Akkan tatapi, Anak manusi indak mampunyoi tampek untuk baristirahat." ⁵⁹ Yesus mangecek kapado saurang nan lain, "Ikkutlah Ambo!" Akkan tatapi, urang itu mangecek, "Tuhan, izinkan ambo pai dan manguburkan ayah ambo talabih daulu." ⁶⁰ Akkan tatapi, Yesus mangecek kapadonyo, "Bialah urang mati manguburkan urang mati sidak, tatapi kau harus pai mambaritokan tantang karajaan Allah." ⁶¹ Dan, ado saurang lai mangecek, "Ambo akkan mangikkuti Kau, Tuhan, tatapi izinkan ambo bapamitan daulu jongon kaluargo ambo." ⁶² Yesus mangecek kapadonyo, "Indak ado saurang pun nan ala malatakkan tangannyo pado bajak, tatapi masih manoleh kabalakkang, nan pantas bagi Kerajaan Allah."