¹ Satalah Yesus manyelesekan sadonyop parkatoan-Nyo di mukko urang banyak,Inyo masuk ka Kapernaum. ² Di sinun,ado saurang perwira Romawi na mamiliki budak na dihargainyo.Budak tu sadang sakkik parah jongon hampir mati. ³ Katiko perwira tu mandanga tantang Yesus,inyo mangutus babarapo tuo-tuo Yahudi manjumpoi Yesus jongon mamintak Inyo datang untuk mancegakkan palayan-nyo tu." ⁴ Saat urang-urang tu datang kapado Yesus,sidak sungguh-sungguh mamohon kapodo-Nyo.Kato sidak,"Urang ko layak mandapek partolongan-Kau, ⁵ Sabab inyo mangasihi bangso kito jongon inyolah na mambangun sinagoge bagi kito." ⁶ Barangkeklah Yesus basamo sidak.Katiko inyo ala dakkek karumah perwira tu,perwira tu babarapo kawannyo untuk mangeccek kapado yesus,"Tuhan,jangan Kau manyusahkan diir untuk kau sabab ambo indak layak manarimo-Kau di rumah ambo. ⁷ Itulah sabab-nyo,ambo sandiri maraso indak layak untuk datang kapado-Kau.Akan tatapi,katokanlah sapatah kato saja,mako palayanan ambo pasti akan sambuh. ⁸ Sabab,ambo juo saurang bawahan na mambawahi prajurit-prajurit.Kok ambo katokan kapado saurang prajurit,'Pailah!,'inyo pun pai.Kok ambo katokan kapado prajurit na lain,'Datanglah!',inyo pun datamg.Jongon,kok ambo katokan kapado budak ambo,'Lakukanlah ikko!',budak ambo pun akan malakukannyo." ⁹ Katiko Yesus mandanga hal tu,Inyo maraso heran akan perwira Romawi tu.Sambil bapaling kapado urang banyak ma mangikuti-nyo,Inyo mangeccek,"Ambo mangeccek kapado kau,bahkan diantaro urang Israel pun Ambo balum pana manamukan iman sagadang ikko." ¹⁰ Saat rombongan na diutus kapado Yesus kambali ka rumah perwira tu,sidak mandapati budaknyo ala cegak. ¹¹ Barisuknyo,Yesus pai ka sabuah kota banamo Nain basamo para murid-Nyo jongon rombongan urang banyak na mangikuti Inyo. ¹² Katiko Inyo mampadakke pintu gerbang kota,ado mayat saurang lakki-lakki na diusung kalua.Urang na mati tu adolah anak tunggal dari ibunyo na ala janda.Jongon,ado banyak urang daru kota tu na basamo-samo padusi tu. ¹³ Katiko Tuhan maliek padusi tu,Tuhan babelaskasihan kapadonyo jongon mangeccek"Jangan manangi." ¹⁴ Kamudian,Inyo mandakke jongon manyantuh tandu jezah tu.Urang-urang na mangusung tandu tu pun baranti.Lalu,Yesus mangeccek,"Hai anak mudo,Ambo mangeccek kapado kau,Jagolah!" ¹⁵ Kamudian,urang na tadinyo mati tu duduk jongon mule mangeccek.Jongon,Yesus mamulangkannyo kapado ibunyo. ¹⁶ Sadonyo urang na maliek hal tu dipanuhi raso takkut lalu mule mamuji Allah jongon mangeccek,"Saurang nabi gadang ala muncul di tanga-tanga kito!"jongon"Allah ala malawat umat-Nyo." ¹⁷ Jongon,barito tantang Inyo tasebar kasaluruh Yudea jongon ka sadonyo tampek lain disakitarnyo. ¹⁸ Murid-murid Yohanes mangagitaukan kapado Yohanes tantang sadonyo hal tu. ¹⁹ Lalu,Yohanes mangimbo duo urang muridnyo jongon mangutus sidak kapado TUhan untuk batanyo,"Kaukah na akan datang tu?haruskah kami manantikan na lain?" ²⁰ Katiko sidak datang kapado Yesus,sidak pun mangeccek,"Yohanes pambaptis manyuruh kami untuk datang kapado-Kau jongon batanyo,'Kaukah na akan datang tu?Ato,haruskah kami manantikan na lain?" ²¹ Pado saat tu,yesus sadang mancegakkan banyak urang dari bamaccam panyakkik,wabah,jongon roh-roh jahek.Inyo juo mangaruniakan pangaliekan kapado banyak urang buto. ²² Jawab Yesus kapado duo urang tu,"pai jongon caritokanlah kapado Yohanes tantang apo na ala kau liek jongon danga urang buti dapek maliek,urang lumpuh dapek bajalan,urang na sakkik kusta ditahirkan,urang na pakka dapek mandanga,urang mati dibangkikkan,jongon kapado urang-urang miskin dibaritokan kabar elok. ²³ Karano tu,babahagialah inyo na indak tasandung oleh-Ambo." ²⁴ Satalah utusan-utusan Yohanes pai,Yesus mangeccek kapado urang banyak tantang yohanes,"Untuk maliek apokah kau pai ka padang balantari?maliek bukuh na diambus angin? ²⁵ Namun,apo na kau pai liek?Urang na bapakkaian rancak?Lieklah,urang na mamakke pakkaian rancak jongon hidup dalam kamewahan adonyo di istana-istana rajo. ²⁶ Jadi,apo na kau pai liek?saurang nabi?Ya,Ambo mangeccek kapado kau,bahkan labih daripado saurang nabi. ²⁷ Inyolah urangnyo,na tantangnyo ado tatulis: 'Dangalah!Ambo manyuruh utusan-Ambo mandahului Kau. Inyolah na akan mampasiapkan jalan di mukko-Kau.'Maleskhi 3:1 ²⁸ Ambo mangeccek kapado kau,di antaro sadonyo urang na pana dilahekan oleh padusi,indak ado saurang pun na labih gadang daripado Yohanes.Akan tatapi,na paling ketek dalam karajaan Allah,labih gadang daripada inyo." ²⁹ Katiko urang banyak jongon para pangumpu pajak mandanga hal ko,sidak sadonyo mangakkui kaadilan Allah karano sidak ala dibaptis jongon baptisan Yohanes. ³⁰ Akan tatapi,urang-urang Farisi jongon ahli-ahli Taurat manulak rencana Allah tahadop diri sidak karano sidak balum dibaptis oleh Yohanes. ³¹ "Jongon apokah Ambo mangumpukan urang-urang na hidup pado generasi ikko?sakiro apokah sidak tu? ³² Sidak adolah sakiro anak-anak na duduk-duduk dipasar,na baseru satu samo lain,'Kami maniup saruling untuk kau,tatapi kau indak manari.kami manyanyikan lagu parkabungan,tatapi kau indak manangi.' ³³ Sabab,katiko Yohanes Pambaptis datang dan indak makan roti ato minum anggur,kau mangeccek,'Inyo karasukan setan'. ³⁴ Akan tatapi,katiko Anak Manusio datang makkan jongon minum,kau mangeccek,'Lieklah!Inyo saurang na rakus jongon paminum!Inyo juo sahabat para pangumpu pajak jongon urang-urang badosa!' ³⁵ Akan tatapi,hikmat dibanarkan oleh anak-anaknyo." ³⁶ Pado suatu kali,ado sasaurang dari golongan Farisi na mangundang Yesus untuk makan basamo-Nyo.Yesus pai ka rumah urtang Farisi tu jongon duduk makkan. ³⁷ Di kota tu,ado saurang padusi badosa.Katiko inyo mangatuhi bahwa Yesus sadang makkan di rumah urang Farisi tu,inyo pun mambali sabuah botol pualam na barisi minyak wangi. ³⁸ Lalu,inyo badiri di balakkang Yesus,dakke kakki-Nyo,sambi manangi jongon mule mambasuh kakki Yesus jongon a'i matonyo samo mangusapnyo jongon rambutnyo.Satalah tu,inyo mancium kakki Yesus mangurapinyo jongon minyak wangi. ³⁹ Katiko urang Farisi na mangundang Yesus maliek hal ikko,inyo mangeccek dalam hati,"Kok urang dalam hati,Inyo tantu tau siapo jongon padusi maccam apo na manyantuh-Nyo tu sabab padusi ikko adolah saurang pandosa." ⁴⁰ Yesus mananggapi jongon mangeccek,"Simon,ado na nandak Ambo katokan kapado kau."Jawab Simon,"Katokanlah,Guru." ⁴¹ Yesus mangeccek,"Ado duo urang na barutang kapado saurang palape kepeng,na saurang barutang 500 dinar jongon na lainnyo barutang 50 dinar. ⁴² Katiko kaduonyo indak sanggup mambai,si palape kepeng tu manghapuskan utang sidak daduo.Kiniko,siapokah diantaro kadua urang tu na akan labih mangasihi sipalape kepeng tu?" ⁴³ Jawab Simon,"Manurut ambo,Urang na paling banyak dibebaskan utangnyo."Yesus mangeccek kapadonyo,"Kau manilei nyo jongon banar." ⁴⁴ Sambi bapaling kapado padusi tu,Yesus mangeccek kapado Simon,"Apokah kau maliek padusi ikko?katiko Ambo datang ka rumah kau,kau indak mangagukan a'i untuk mambasuh kakki-Ambo,tatapi inyo mambasuh kakki-Ambo jongon a'i matonyo jongon mangalap-nyo jongon rambutnyo. ⁴⁵ Kau indak mangagikan-Ambo ciuman,tatapi inyo indak henti-hentinyo mancium kakki-Ambo sajak Ambo masuk. ⁴⁶ Kau indak mangurapi kapalo-Kau jongon minyak,tatapi inyo maminyaki kakki-Ambo jongon minyak wangi. ⁴⁷ Karano tu,Ambo katokan kapado kau,dosanyo na banyak tu ala diampuni sabab inyo manunjukkan kasih na gadang.Akan tatapi,urang na saketek diampuni,saketek pulo mangasihi." ⁴⁸ Lalu Yesus mangccek kapado padusi tu,"Dosa kau ala diampuni," ⁴⁹ Urang-urang na duduk makkan basamo Yesus mulei batanyo-tanyo dalam hati sidak,"Siapokah urang ikko sahinggo Inyo dapek mangampuni dosa?" ⁵⁰ Yesus mangeccek kapado padusi tu,"Imam kau ala manyalamatkan kau,pailah jongon damai."