¹ Pado suatu katiko,urang banyak bakarumun di sakaliling-Nyo untuk maandangan firman Allah.Waktu tu,Yesus tagak di tapi danau Genesaret, ² jongon maliek duo sampan na sadang sandar di tapi danau tu, tatapi paro nalayan ala kalua dari sampan-sampan tu jongon mancucci jala sidak. ³ Yesus naik ka salah satu sampan,punyo Simon,jongon manyuruh Simon untuk mandayung sampannyo saketek manjauh dari darek.Kamudian,Yesus duduk samo mangajar urang banyak dari ate sampan. ⁴ satalah salase bacakkap,Yesus mangeccek kapado simon,"Pailah ka tamepek a'i na dalam jongon lawekanlah jala kau untuk manangkok lauk." ⁵ Simon manjawab,"Guru,Kami bakarajo kare sapanjang malam,taatapi indak mandapekkan apo-apo!Akan tatapi,karano Kau na manyuruh,ambo akan lawekan jala ko." ⁶ Katiko sidak malakukannyo,sidak manangkok banyak bana lauk sahinggo jala sidak mule cabik. ⁷ Lalu,sidak mangagi isyarek kapado kawan-kawan sidak di sampan na lain untuk datang mambantu sidak.Kamudian,datanglah kawan-kawan sidak mangisi kaduo sampan tu jongon lauk sahinggo sampan sidak hampi tabanam. ⁸ Katiko Simon Petrus maliek hal ko,inyo basujud di mukko Yesus jongon mangccek,"pailah dari Ambo,Tuansabab ambo urang na badosa!" ⁹ Petrus mangecek damikian sabab inyo jongon sadonyo urang na basamonyo maraso tacangang karano banyaknyo lauk nasida tangkok. ¹⁰ Baitu juo jongon Yakobus samo Yohanes,anak-anak Zebedeus,na bakawan jongon Simon. Yesus mangeccek kapado Simon,"Jangan takkut.Mule kiniko,kau akan manjalo manusio." ¹¹ Satalah sidak manarik sampan-sampan sidak ka darek,sidak maninggakan sagalo sasuatu jongon mangikkut Yesus. ¹² Suatu hari,Yesus barado diabuah kota.Dikota tu,ado saurang na tubuhnyo panuh kusta,katiko urang tu maliek Yesus,inyo basujud hinggo mukkonyo manyantuh tanah jongon mamohon kapado-Nyo,"Tuan,kok Kau mau,Kau dapek mantahirkan ambo." ¹³ Lalu Yesus mangulurkan tangan-Nyo jongon manyantuh urang tu.Kato-Nyo,"Ambo mau,jadilah tahir."Sakatiko tu juo,panyakkik kusta urang tu hilang. ¹⁴ Namun,Yesus mamarintokan urang tu untuk indak mangagi tau siapopun jongon mangeccek,"pai tunjukkanlah diri kau kapado imam.Parsembahkan kurban ate kacegakan kau sakiro na ala diparintokan oleh Musa sabagai bukti bagi sidak." ¹⁵ Barito tantang Yesus makkin tasebar sahinggo banyak urang datang bakumpu untuk mandangakan Inyo jongon dicegakkan dari panyakkit sidak. ¹⁶ Namun,Yesus accok pai manyalinap katampek-tampek sunyi untuk badoa. ¹⁷ Pado suatu hari,katiko Yesus sadang mangajar.Urang-urang farisi jongon ahli-ahli Taurat na datang dari sadonyo kota di wilayah Galilea,Yudea,jongon kota Yerusalem juo duduk disinin.Kuaso Tuhan manyertatai Yesus sahinggo Inyo dapek mancegakkan Urang banyak. ¹⁸ Lalu,tampaklah babarapo urang manggotong saurang lumpuh di ate tampek tidunyo,sidak barusaho mambaoknyo masuk jongon malatakkan urang tu dimukko Yesus. ¹⁹ Akan tatapi,karano sidak indak manamukan jalan untuk mambaok urang tu masuk akibek karumunan urang,naiklah sidak ka ate atok jongon manurunkan urang lumpuh tu basamo jongon tampek tidunyo ka tanga-tanga dihadapan Yesus. ²⁰ Katiko maliek iman sidak,Yesus mangecce,"hai saudaro,dosa kau ala diampuni." ²¹ Ali-ahli Taurat jongon urang-urang Farisi mule batanyo-tanyo,"siapokah urang na manghujat Allah ikko?siapo na dapek mangampuni dosa-dosa kacuali Allah sajo?" ²² Katiko Yesus mangatahui pikkiran sidak,Inyo mangeccek,"Mangapo kau batanyo sakiro nyotu dalam hati kau? ²³ Mana na lebih murah,mangecekkan 'Dosa-dosa kau ala diampuni'ato jago jongon bajalanlah'? ²⁴ Akan tatapi,supayo kau mangatuhi bahwa Anak ,Manusio bakuaso di bumi untuk mangampuni dosa,"Yesus mangeccek kapado urang na lumpuh tu,"Ambo mangeccek kapado kau:Jagolah,angkek tampek tidu kau jongon pulanglah." ²⁵ Sakatiko tu juo,urang tu langsung badiri di mukko sadonyo urang jongon mangambik tampek nyo bagolek,lalu bajalan pulang sambil mamuji Allah. ²⁶ Sadonyo urang tu maraso takjub mamuji Allah.Jongon dipanuhi raso takkut na gadang tahadop kuaso allah,sidak mangeccek,"Hari ko kami maliek hal-hal na luar biasa!" ²⁷ Satalah nyotu,Yesus kalua jongon maliek saurang pangumpu pajak banjamo lewi na sadang duduk di tampek pamungutan pajak.Yesus mangeccek kapadonyo,"ikkutlah Ambo." ²⁸ Lewi pun tagak,maninggakan sadonyo,samo mangikuti Yesus. ²⁹ Kamudian,inyo mamgadokan pesta gadang untuk Yesus dirumohnyo.Banyak pangumpu pajak samo urang-urang lain na makkan basamo sidak. ³⁰ Akan tatapi,urang-urang Farisi jongon ahli-ahlu Taurat mule manggarutu kapado murid-murid Yesus,"Mangapo kau makkan jongon minum basamo para pangumpu pajak jongon urang-urang badosa?" ³¹ yesus manjawab jongon mangeccek kapao sidak,"Indak urang-urang sehat na mamarlukan tabib,tatapi urang-urang sakkik. ³² Ambo datang indak untuk mangimbo urang benar,tatapi untuk mangimbo urang-urang badoso supayo sidak batobat." ³³ Sidak mangeccek kapado Yesus,"Murid-murid yohanes pambabtis accok bapuaso jongon badoa.baitu juo murid-murid urang Farisi.Akan tatapi,murid-murid-Kau salalu makkan jongon minum. ³⁴ Yesus mangeccek kapado sidak,"Dapekkah kau manyuruh para pangiring marampule untuk bapuaso katiko marampule tu masih basamo-samo jongon sidak? ³⁵ Namun,hari-hari tu akan datang,katiko marampule tu diambik dari sidak,pado hari-hari tulah sidak akan bapuaso." ³⁶ Yesus juo manacaritokan parumpamaan ikko kapado sidak,"Indak ado saurang pun mancabik sapotong kain dari pakkaian na baru untuk manambal pakkaian na lamo.Karano jika damikian,urang tu narusak pakkaian na baru,jongon kain panambal darti pakkaian na baru tu indak akan coccok jongon pakkaian na lamo. ³⁷ Damikian juo indak ado saurang pun na manunggang anggur baru kadalam sakku kulit na lamo.Anggur na baru tu akan mancabik sakku kulit na lamo sahinggo anggur tu tunggang jongon sakku kulitnyo akan hancur. ³⁸ Anggur na baru harus disimpan di dalam sakku kulit na baru. ³⁹ Indak saurang pun na satala minum anggur lamo,mau maminum anggur baru sabab sidak mangeccek,"Anggur na lamo labih lamak."