¹ Paro pangumpul pajak dan urang pandosa mandakkek kapado Yesus untuk mandangakan-Nyo. ² Kamudian urang-urang Farisi dan ahli-ahli Taurat mulai manggarutu, "Urang ikko manarimo urang-urang badosa bahkan makkan basamo sidak." ³ Kamudian Yesus mangatokan parumpamaan ikko kapado sidak kato-Nyo, ⁴ "Siapokah di antaro kau nan jikomamilikki 100 ekkor domba, dan kahilangan saekkor, indak akkan maninggakan 99 ekkor lainnyo di padang balantaro? Bukkan innyo akkan pai mancaro nan tasasek itu sampe innyo manamukannyo? ⁵ Dan katiko innyo manemukannyo innyo akkan manggendon domba itu di ate bahunyo dan sangat basukko cito. ⁶ Satibonyo di rumah, innyo akkan pai manjumpoi kawan-kawan dan tetangga-tetangganyo sarto mangecek kapado sidak, 'Bahagiolah kapado ambo karano ambo ala manemukan domba nan hilang.' ⁷ Ambo mangecek kapado kau damikianlah akkan ado sukko cito labih gadang di surga ate 1 urang badosa nan batobat dari pado ate 99 urang benar nan indak mambutuhkan partobatan. PARUMPAMAAN KEPENG PERAK NAN HILANG ⁸ Atau parampuan mano nan mampunyoi sapuluh keping kepeng perak, jiko innyo kahilangan sabua keping di antaronyo, indak manyalokan palito dan manyapu rumahnyo, lalu mancari keping kepeng itu jongon hati-hati sampe manemukannyo? ⁹ Dan, apobilo innyo manemukannyo, innyo mangimbo kawan-kawan dan tetangga- tetangganyo dan mangecek kapado sidak, 'Bahagiloah basamo ambo karano ambo ala manemukan sekeping nan hilang itu.' ¹⁰ Ambo mangecek kapado kau, damikain juo ado sukko cito di antaro paro malaikat Allah karano sabua urang nan badosa nan batobat." PARUMPAMAAN DUO ANAK LAKKI-LAKKI Anak Bungsu Maninggakan Ayahnyo ¹¹ Kamudian Yesus mangecek, "Ado sasaurang nan mampunyoi duo anak lakki-lakki. ¹² Anak nan bungsu mangecek kapado ayahnyo, 'Ayah, agikan kapado ambo bagian harto nan manjadi milik ambo.' Mako, ayahnyo pun mambagi kakayoannyo kapado kaduo anaknyo. ¹³ Indak lamo kamudian anak bungsu itu mangumpulkan sadonyo miliknyo, lalu pai ka negeri nan jauh dan di sano innyo manghambur-hamburkan miliknyo itu jongon hidup ba foya-foya. ¹⁴ Katiko innyo ala manghabiskan sadonyo miliknyo, tajadilah bancano kalaparan nan hebat di negeri itu, dan innyo pun mulai bakakurangan. ¹⁵ Jadi, pailah innyo dan bakarejo pado saurang panduduk negeri itu, nan manyuruhnyo ka ladang untuk mangagi makkan babi-babinyo. Innyo ingin sakali mangisi parutnyo jongon buah karob nan di makkan babi-babi itu, tatapi indak ado saurang pun nan magagi kapadonyo. Anak Bungsu Pulang kapado Ayahnyo ¹⁷ Katiko anak bungsu itu sadar, innyo mangece, 'Batapi banyaknyo pakarejo-pakarejo ayah ambo nan mamilikki makkanan nan balimpah-limpah, tatapi ambo di sikko hampir mati kalaparan. ¹⁸ Ambo akkan bangun dan kambali kapado ayah ambo: Ayah, ambo ala badosa tahadap surga dan di hadapan kau. ¹⁹ Ambo indak pantas lai di sabut anak sabagai anak kau, jadikanlah ambo sabagai salah saurang pakarejo kau.' ²⁰ Mako, badirilah innyo dan pai kapado ayahnyyo. Akkan tatapi, katiko anak itu sangat jauh, ayahnyo maliek innyo jongo panuh bale kasihan, ayahnyo itu balari lalu mameluk dan manciumnyo. ²¹ Kamudian, anak itu mangecek kapado ayahnyo, 'Ayah, ambo ala badosa tahadap surga dan di hadapan kau. Ambo indak lai pantas di sabut anak kau.' ²² Namun, ayahnyo itu mangecek kapado palayan-palayannyo, 'Lakke! Bawolah jubah nan tabaik lalu pakkekanlah kapadonyo. Pakkekan juo cincin di jari tangannyo dan sandal di kakkinyo. ²³ Bawolah kamari anak sapi nan gemuk dan sembelihlah. Mari kito makkan dan bagambira, ²⁴ Karano anak ambo ikko ala mati, tatapi kini hidup kambali! Innyo ala hilang, tatapi kini ala di tamukan!' Mako sidak pun mulai bagambira."Anak Sulung Marah kapado Ayahnyo ²⁵ "Waktu itu, si anak sulung sadang barado di ladang, dan katiko innyo ala barado di dakkek rumahnyo, innyo mandanga suaro musik dan tari-tarian. ²⁶ Jadi, innyo mangimbo sala satu dari hamba-hamba itu batanyo tantang apo nan sadang tajadi. ²⁷ Jawab palayan itu kapadonyo, 'Adik kau ala datang, dan ayah kau mayembelih anak sapi nan gemuk, karano innyo kambali jongon salamat.' ²⁸ Namun,anak sulung itu marah dan indak mau masuk sahinggo ayahnyo kalua dan mambujuknyo. ²⁹ Akkan tatapi, innyo mangecek kapado ayahnyo, 'Batahun-tahun ambo ala bakarejo malayani kau dan indak panah mangabaikan parintah kau, tatapi kau bahkan indak panah mangagi ambo saekkor kambing mudo supayo ambo bisa bapesta jongon kawan-kawan ambo. ³⁰ Namun, katiko anak kau itu pulang sasudah manghabiskan harta kau jongon jongon pelacur-pelacur, ayah mayembelih anak sapi nan gemuk untuknyo.' ³¹ Mako, ayahnyo manjawab kapadony,'Anak ambo, kau salalu basam ambo, dan sadonyo kapunyoan ambo adolah milik kau. ³² Namun, hari ikko kito harus bapesta dan basukko cito sabab adik kau ikko ala mati,tatapi kini innyo hidup kambali; innyo ala hilang, tatapi kini ala di temukan.'''