¹ Di situ, ado babarapo urang nan mangagi tau Yesus tantang urang-urang Galilea nan darah-nyo di campurkan jongon kurban parsembahan sidak. ² Jawab Yesus kapado sidak, "Apokah kau mangiro urang-urang Galilea ikko labih ba dosa dari pado urang-urang Galiea lainnyo karano sidak mandarito maccam itu? ³ Ambo mangatokan kapaddo kau, indak. Indak akkan tatapi, jio kau indak batobat, kau sadonyo juo akkan mati. ⁴ Atau mangenai kadalapan bale urang nan mati, katiko manara di dakkek kolam Siloam jatuh dan manimpo sidak, apokah kau mangiro sidak adolah pandosa nan labih buruk dari pado sadonyo urang nan tingga di Yerusalem? ⁵ Ambo mangecek kapado kau, indak. Akkann tatapi, jiko kau indak batobat, kau sadonyo akkan mati!" POHON NAN INDAK BABUAH ⁶ Yesus juo mancaritokan parumpamaan ikko: "Ado sasaurang nan mampunyoi sabatang pohon ara nan di tanam di kabun anggurnyo. Akkan tatapi, saat innyo datang untuk mancari buah pado pohon itu, innyo indak manemukannyo. ⁷ Jadi, innyo mangecek kapado tukang pohonnyo, 'Ala tigo tahun ambo datang mancari buah pado pohon ara ikko, tatapi ambo balum panah manemukan sabua pun. Tabang sajo pohon itu! Mangapo harus manyio-nyiokan tanah untuk pohon itu?' ⁸ Akkan tatapi, tukkang kabun itu manjawab, 'Tuan agikanlah pohon itu satu kasempatan lai di tahun ikko untuk babuah. Biakanlah ambo manggali tanah di sakitarnyo dan mangaginyo pupuk, ⁹ Mungkin pohon itu akkan manghasilkan buah tahun depan. Jiko indak babuah juo, Tuan bisa manebangnyo.''' YESUS MANYEMBUHKAN PADO HARI SABAT ¹⁰ Suatu kali, Yesus mangajar di sabuah sinagoge pado hari Sabat. ¹¹ Di sano ado saurang parampuan nan karasukan roh sahinggo mambueknyo sakkik salamo dalapa bale tahun. Punggung parampuan itu bungkuk sahinggo indak dapek badiri tagak. ¹² Katiko Yesus malieknyo Innyo mamanggil parampuan itu dan mangecek, "Hai parampuan, kau ala di bebaskan dari panyakkit kau." ¹³ Kamudian, Yesus manumpangkan tangan-Nyo pado parampuan itu dan sakatiko itu juo, innyo dapek badiri tagak dan mamuji Allah. ¹⁴ Akkan tatapi, pamimpin ainagoge itu manjadi geram karano Yesus manyambuhkan pado hari Sabat. Innyo mangecek kapado urang banyak, "Ado anam hari untuk bakarejo. Karano itu, datanglah pado hari-hari, itu bukkan pado hari Sabat." ¹⁵ Namun, Tuhan manjawab urang itu, "Kau urang-urang munafik! Bukkankah kau sadonyo malapekan sapi atau keledai milik kau nan taikkek di kandang dan manuntunnyo kalua untuk minum pado hari Sabat? ¹⁶ Karano itu, indak kah parampuan ikko, saurang katurunan Abraham nan ala di ikkek salamo dalapan bale tahun oleh Setan, juo harus di lapekan dari balenggunyo itu pado hari Sabat?" ¹⁷ Katiko Yesus mangecek damikian, sadonyo lawan-Nyo di parmalukannyo, damn urang banyak basukko cito ate sagalo pabuean ajaib nan ala dilakkukan-Nyo. PARUMPAMAAN BIJI SESAWI DAN RAGI ¹⁸ Kamudian, Yesus mangecek, "Maccam apokah karajaan Allah itu? Jongon apokah Ambo dapek mangumpamakannyo? ¹⁹ Karajaan Allah itu maccam biji sesawi nan diambik urang dan di tanam di kabunnyo; biji itu tumbuh manjadi pohon, dan burung-burung di udara basarang pado ranting-rantingnyo." ²⁰ Dan lai Innyo mangecek, "Jongon apokah ambo mangumpamakan Karajaan Allah? Karajaan Allah itu maccam ragi nan di ambik saurang parampuan dan di campurkannyo dalom 3 sukat tapung sampe saluruh adonan itu mangembang." HANYO SAKETEK NAN DISALAMEKKAN ²² Yesus manyusuri kota-kota dan desa-desa, innyo mangajar dan tarus bajalan manuju Yerusalem. ²³ Lalu, sasaurang batanyo kapadonyo-Nyo, "Tuhan, apokah hanyo saketek urang nan disalamekkan?" Yesus mangecek kapado sidak sadonyo, ²⁴ "Bajuanglah untuk dapek masuk malalui pintu nan sampik; sabab Ambo mangecek kapado kau, banyak urang akkan barusaho masuk ka sano, tatapi sidak indak akkan bisa. ²⁵ Jiko tuan rumah badiri dan manutuppintu rumahnyo,sadangkan kau badiri di lua dan mangetuk pintu sambil mangecek, 'Tuan, tolong bukkoah bagi kami.' Innyo akkan manjawab, 'Ambo indak tau dari mani kau barasal.' ²⁶ Lalu, kau akkan manjawab, 'Kami aka makkan dan minum basamo Kau. Kau ala mangajar di jalan-jalan kota kami.' ²⁷ Namun, Innyo manjawab, 'Ambo indak manando kau dan indak tau dari mano kau barasal. Pailah dari hadapan ambo, kalian sadonyo palakku kajahean!' ²⁸ Kau akkan manangi dan manggertakkan gigi katiko maliek Abraham, Ishak, dan Yakub, basarto sadonyo nabi barado dalom Karajaan Allah samantaro kau di lantingkan ka lua. ²⁹ Kamudian, urang-urang akkan datang dari timur dan barat, dan juo dari utara dan selatan. Sidak akkan duduk dan makkan di dalom Karajaan Allah. ³⁰ Sasungguhnyo, urang-urang nan tarakhir akkan manjadi nan partamo dan urang-urang nan partamo akkan manjadi nan tarakhir." ³¹ Pado saat itu, babarapo urang Farisi datang kapado Yesus dan mangecek, "Pailah, tinggakan tampek ikko karano Herodes mau mambunuh-Kau." ³² Yesus manjawab sidak, "Pailah dan katokan kapado rubah itu, 'Hari ikko dan besok, Ambo akkan mangusir roh-roh jahek dan manyambuhkan urang, dan pado hari katigo, Ambo akkan manyalasekan pakarejoan-Ambo.' ³³ Akkan tatapi, Ambo harus malanjutkan parjalanan hari ikko, besok, dan lusa karano indak mungkin saurang nabi mati di luar Yerusalem. ³⁴ Yerusalem, Yerusalem! Kau mambunuh paro nabi dan merajam urang nan di utus kapado kau! Barulang kali Ambo rindu mangumpulkan anak-anak kau, samo maccam indak ayam nan mangumpulkan anak-anaknyo di bawah sayapnyo. Akkan tatapi, kau indak mau. ³⁵ Kini rumah kau akkan di kosongkan dan manjadi sepi. Ambo mangecek kapado kau, kau indak akkan maliek Ambo lai sampe pado waktunyo kau akkan mangatokan, 'Diberkatilah Innyo nan datang dalom namo Tuhan!'''