¹ Samantaro itu, katiko adi ribuan urang bakumpul dan sidak saling manginjak , Yesus mulai babicaro kapado paro murid labih daulu, "Bahati-hatilah tahadap ragi urang-urang Farisi, yaitu kamunafikan. ² Sabab, sadonyo nan tatutup akkan di bukko dan sadonyo nan tasambunyi akkan dinyatokan. ³ Karano itu, apo nan kau katokan di dalom gelap akkan tadanga di dalom tarang dan nan kau bisikan di dalom kamar akkan di agikan di ate atap-atap rumah. TAKKUT AKKAN ALLAH ⁴ Ambo mangatokan kapado kau, hai sahabat-sahabat-Ambo, janganlah takkut kapado sidak nan dapek mambunuh tubuh, tatapi sasudah itu indak dapek babuek labih jauh lai. ⁵ Namun, Ambo akkan mangingekkan kau tatantang siapo nan harus kay takkuti; takkut lah kapado Innyo, nan sasudah mambunuh, dan bakuaso malantingkan kau ka dalom neraka. Ya, Innyolaj nan harus kau takkuti. ⁶ Bukkanlah 5 ekkor burung pipit di jual hanyo sahargo 2 keping sajo? Namun, indak saekkor pun dari burung-burung itu na dilupokan di hadapan Allah. ⁷ Bahkan, jumlah rambut di kapalo kau punn tahitung. Jangan takkut, kau jauh labih barhargo dari pado banyak burung pipit." PARINGEKAN MANYANGKAL YESUS ⁸ "Ambo mangecek kapado kau, satiok urang nan mangakkui Ambo di hadapan urang lain, juo akkan diakkui oleh Anak Manusio di hadapan malaikat-malaikat Allah. ⁹ Akkan tatapi, satiok urang nan manyangkal Ambo di mukko urang lain juo akkan di sangkal do hadapan malaikat-malaikat Allah. ¹⁰ Dan, siapo pun nan mangatokan sasuatu nan malawan Anak Manusio dapek di ampuni, tatapi siapo nan mamghujat Roh Kudus indak akkan di ampuni. ¹¹ Katiko sidak mambawo kau ka sinagoge dab di hadapan paro pamimpin dan panguaso, jangan khawatir tantang maccam mano kau mambela diri kau atau apo nan harus kau katokan ¹² sabab saat itu juo Roh Kudus akkan mangajari kau tantang apo nan harus kau katokan." PARUMPAMAAN TANTANG SAURANG KAYO ¹³ Saurang dari antaro urang banyak itu mangecek kapado Yesus, "Guru, surulah saudaro ambo babagi warisan jongon ambo." ¹⁴ Akkan tatapi, Yesus mangecek kapadonyo, "Saudaro, siapo nan magangkek Ambo manjadi hakim atau pangantaro ate kau?" ¹⁵ Kamudiab, Yesus mangecek kapado sidak, "Bajago-jagolah dan waspadolaj ate sagalo bantuk kakerasan karano hidup sasaurang indak bagantung pado banyaknyo harto nan innyo milikki." ¹⁶ Lalu, Yesus mancaritokan sabuah parumpamaan kapado sidak, "Ado tanah milik saurang nan kayo nan manghasilkan banyak sakkali hasil panen. ¹⁷ Jadi, urang itu bapikkir dalom hatinyo, 'Apo nan harus ambo lakkukan karano ambo indak mampunyo tampek lai untuk manyimpan hasil panen ambo?' ¹⁸ Dan, innyo mangecek, 'Ikkolah nan akkan ambo lakkukan. Ambo akkan mambongkar lumbung-lumbung ambo dan mambangun labih gadang. Di situ, ambo akkan manyimpan sadonyo gandum dan barang-barang ambo. ¹⁹ Lalu, ambo mangecek kapado jiwa ambo, 'Hai jiwa ambo, kau mampunyo barang nan tasimpan untuk batahun-tahun; baristiraheklah, makkan, minum, dan basenang-senanglah!' ²⁰ Namun, Allah mangecek kapado urang itu, 'Hai urnag bodoh! Malam ikko juo, jiwa kau akkan diambil dari kau. Lalu, siapokah nan akkan mamilikki barang-barang nan kau simpan itu?' ²¹ Damikianlah nan akkan tajadi pado urang nan manyimpan harto bagi dirinyo sandiri, tatapi indak lah kayo di hadapan Allah." ALLAH KHAWATIR ²² Yesus mangecek kapado murid-murid-Nyo, "Sabab itu, Ambo mangecek kapado kau, janganlah khawatir tantang hidup kau, tantang apo nan akkan kau makkan. Atau, khawatir tantang tubuh kau, tantang apo nan akkan kau pakke. ²³ Sabab, hidup labih pentinh dari pado makkanan dan tubuh labih penting dari pado pakkean ²⁴ Lieklah burung-burung gagak. sidak indak manabur atau manuai, sidak indak juo mampunyoi gudang atau lembung, tatapi Allah mangagi sidak makkan. Kau jauh labih barhargo dari pado burung-burung itu. ²⁵ Siapokah di antaro kau nan karano khawatir dapek manambah sahasta jado pado umur hidupnyo? ²⁶ Jiko kau indak dapek malakkukan hal-hal nan ketek ikko, mangapo kau mangkhawatirkan hal-hal nan lain? ²⁷ Parhatikan lah bunga bakung, maccamano sidak tumbuh. Bunga-bunga itu indak bakarejo kare atau mamintal, tatapi Ambo mangatokan kapado kau, bahkan Salomo dalom kamuliaannyo pin indak bapakkean saindah sala satu dari bunga-bunga itu. ²⁸ Jiko Allah mandandanni rumput di ladang, nan hari ikko tumbuh dan besok di buang ka dalom api, indak lah Innyo akkan mandadani kau labih dari pado rumput itu? Hai, kau nan kaurang piccayo! ²⁹ Jadi, janganlah kau mancari apo nan akan kau makkan atau apo nan kau minum, dan janganlah mancemaskannyo. ³⁰ Sabab, bangso-bangso di dunia mancari itu sadonyo, tatapi Ayah kau tau bahwa kau mamerlukannyo. ³¹ Sabaliknyo, carilah daulu karajaan Allah mako sadonyo ikko juo ditambahkan kapado kau." KUMPULKANLAH HARTO DI SURGA ³² "Jangan takkut, hai kawanan ketek, karano Ayah kau bakenan mangagikan kapado ka Karajaan itu. ³³ Juallah sagalo nan kau milikki dan agilah sedekah. Bueklah bagikau kantong kepeng nan indak dapek rusak, yaitu harto di surga nan indak dapek hilang, nan indak dapek di ambik pancuri ataupun di rusak oleh ngengat ³⁴ Sabab, di tampek harto kau barado, di situ juo hati kau barado." HAMBA NAN SATIO MALAKKIKAN TUGASNYO ³⁵ "Hendaklah pinggang kau tatap tarikkek dan palito-palito kau tatap manyalo. ³⁶ Jadilah maccam urang-urang nan manunggu tuannyo pulang dari pesta parnikahan supayo sidak bisa sagaro mambukko pintu baginyo, katiko tuan itu pulang dan mangetuk pintu. ³⁷ Diagikanlah hamba-hamba, nan di dapei tuannyo basiap sadio. katiko innyo datang. Ambo managtokan kapado kau, sasungguhnyo, innyo akkan mangikkek pinggangnyo untuk malayani dan mamparsilahkan palayan-palayannyo untuk duduk makkan. Innyo akkan datang dan malayani sidak. ³⁸ Jiko tuan itu datang saat tangah malam atau dini hari dan mandapei sidak sadang balakku damikian, di berkatilah sidak! ³⁹ Namun taulah, jiko saurang pamilik rumah tau jam barapo pancuri mandatangi rumahnyo, innyo pasti indak akkan mambiakan rumahnyo di bobol. ⁴⁰ Oleh karano itu, kau juo harus basiap sadia karano Anak Manusio akkan datang pado saat nan indak kau sangko-sangko." ⁴¹ Kamudian, Petrus batanyo kapado-Nyo, "Tuhan, apokah Kau mancaritokan parumpamaan ikko hanyo kapado kami atau kapado sadonyo urang juo?" ⁴² Jawab Tuhan, "Siapokah kapalo palayan nan satio dan bijak sana nan di piccayoi tuannyo untuk mangawasi paro hamba nan lain, untuk mangagi sidak makkan pado waktu nan tepat? ⁴³ Diberkatilah hamba itu, nan katiko tuanyo darang, mandapei innyo sadang malakkukan tugasnyo. ⁴⁴ Ambo mangecek kapado kau, sasungguhnyo, tuan itu mamilihnyo untuk mangawasi sadonyo kapunyaannyo. ⁴⁵ Akkan tatapi, jiko hambanyo itu mangecek dalom hatinyo, 'Tuan ambo indak akkan sagaro datang,' dan mulai mamukkuli hamba lakki-lakki dan hamba parampuan lainnyo, kamudian makkan dan minum sampe mabuk, ⁴⁶ katiko tuannyo datang pado waktu nan indak di sangko-sangko dan indak tau oleh hamba itu, sang tuan akkan mambunuh hamba itu dan manempatkannyo basamo urang-urang nan indak satia. ⁴⁷ Saurang hamba nan tau kainginan tuannyo, tatapi indak basiap sadia atau malakkuan sasuai kainginan tuannyo akkan mandapek banyak pukkulan. ⁴⁸ Namun, hamba nan indak tau apo nan diinginkan tuannyo dan malakkukan hal-hal nan pantas mandapekkan pukkulan, innyo akkan mandapekkan pukkulan nan labih saketek. Satiok urang nan di agi banyak, di tuntut banyak. Dan, sidak nan di piccayokan labih banyak akkan di tuntut labih banyak lai. YESUS MAMBUEK PAMISAHAN ⁴⁹ Ambo datang untuk malantingkan api ka dunia, dan Ambo baharap api itu ala manyalo! ⁵⁰ Akkan tatapi, ado baptisan nan harus Ambo jalani, dan Ambo maraso sangat tatekkan sampe hal itu di genapi. ⁵¹ Apokaj kau manyagko bahwa Ambo datang untuk mambawo pardamaian di ate bumi? Indak, Ambo mangatokan kapado kau, malainkan papecahan! ⁵² Mulai kini, limo urang dalom sabua kaluargo akkan di pisahkan. Tigo urang akkan malawan duo urang dan duo urang akkan malawan tigo urang. ⁵³ Sidak akakndipisahkan; Ayah akkan malawan anak lakki-lakkinyo dan anak lakki-lakki akkan walawan ayahnyo. Ibu akkan malawan anak parampuannyo, dan anak parampuan akkan malawan ibunyo. Ibu mertua akkan malawan manantu parampuannyo, dan manantu parampuan akkan malawan ibu mertuanyo. MENAFSIRKAN ZAMAN ⁵⁴ Lalu, Yesus mangecek kapado, "Katiko kau maliek awan bakumpul di sebelah barat, kau sagaro magecek, 'Hujan akkan turun,' dan hujan benar-benar turun. ⁵⁵ Katiko kau marasokan angin batiup dari selatan, kau mangecek, ' Hari ikko akkan panas terik,' dan hal itu akkan baner-benar tajadi. ⁵⁶ Kau urang munafik! Kau bisa manafsirkan rupo langit dan bumi, tatapi indak bisa manafsirkan zaman ikko?" ⁵⁷ "Mangapo kau sandiri indak bisa mamutuskan apo nan benar? ⁵⁸ Katiko kau pai basamo musuh kau untuk manghadap pamarintah, usahakanlah untuk manyalasekan masalah kau jongon nyo dalom parjalanan supayo indak manyeret kau kapado hakim dan hakim akkan manyerahkan kau kapado pengawal, dan pangawal itu akkan malantingkan kau ka dalom panjaro. ⁵⁹ Ambo mangecek kapado kau, kau indak akkan kalua dari situ sabalum kau mambayar utang kau sampe peser nan tarakhir."