¹ Tuan-tuan, pabueklah budak-budak kau jongon benar dan adil karano kau tau kau juo mampunyoi Tuan di surga. (Hal-Hal Na Harus Di Pabuek) ² Batekunlah badoa, bajago-jago jongon ucapan syukur. ³ Badoalah untuk kami juo supayo Allah mambukkokan pintu, bagi firman sahinggo kami bisa manyampekan rahasio Kristus, na karanonyo ambo dipanjaro. ⁴ Badoalah agar ambo dapek manyampekan jongon jale maccam mano ambo saharusnyo bakeccek-keccek. ⁵ Basikap bijaksano tahadap urang-urang di lua. Jongon manggunokan kasempatan sa elok-eloknyo. ⁶ Padialah keccek kau tu salalu panuh kasih, di bumbuhi, jongon garam, supayo kau tau maccam mano manjawab ka sadonyo urang. (Salam Dari Paulus Jongon Urang-Urang Na Basamo inyo) ⁷ Tikhikus akan mancaritokan sagalo kabar tentang ambo. Inyo adalah saudara saiman kito na takasih pelayan na satio jongon sakarejo dalam Tuhan. ⁸ Ambo mangutusnyo ka dikau jongon tujuan supayo kau tau keadaan kami dan supayo inyo dapek manguekkan hati kau. ⁹ Inyo datang basamo Onesimus, saudara saiman kito na satio jongon takasih , saurang dari kau, sidak mambaritau kau sagalo sesuatu na tajadi di sikko. ¹⁰ Kawan ambo sapanjaro, Aristarkhus, mangirim salam untuk kau bagitu juo markus, kaponakan Barnabas, na tantang inyo kau talah manarimo patunjuk; sambulah inyo saat inyo datang ka dikau. ¹¹ Salam dari Yesus juo, na di imbo Yustus. Di antaro kawan sapelayanan ambo untuk karajaan Allah, hanya sidak na berasal dari kalangan urang basunat, dan sidak manjadi mananangkan bagi ambo. ¹² Epafras, dusanak saiman kau, pambantu Kristus Yesus. Na juo mangirimkan salam untuk kau. Inyo salalu bagumul dalam doa kau supayo kau dapek badiri taguh jongon picayo panuh dalam sagalo kahandak Allah. ¹³ Ambo dapek mangagikan kasaksian bagaimano inyo banyak mandarito bagi kau dan bagi sidak na ado di Laodikia jongon di Hierapolis ¹⁴ Lukas, Dokter na terkasih, jongon Demas mangirim salam ka dikau. ¹⁵ Sampekan salam ambo kapado dusanak-dusanak saiman di Laodikia. Dan kapado Nimfa dan jamaah nan ado dirumahnyo. ¹⁶ Satelah surek ko dibaccokan kapado kau, baccokan juo lah kapado jamaat Laodikia. ¹⁷ Katokanlah kapado Arkhipus, "parhatikanlah supayo kau manyelesaikan tugas pelayanan na kau tarimo dari TUhan." ¹⁸ Ambo, paulus, manyurek salam ko jongon tangan ambo sandiri. ingeklah pergumulan ambo. Anungrah Allah manyertoi kau.