¹ Suatu saat,katiko Paulus jongon Silas ala malewatu Amfipolis jongon Apolonia,sidak sampe di Tesalonika,di mano ado sabuah sinagoge urang Yahudi. ² Lalu,sasuei kabiasaan Paulus,inyo masuk ka antaro sidak,jongon salamo tigo hari Sabat mangeccek jongon sidak dari Kitab Suci, ³ sambi manjalaskan jongon mambuktikan bahwa Kristus harus mandarito jongon bangkik dari antaro urang mati,jongon mangeccek,"Yesus ikko,na sadang ambo baritokan kapado kau,adolah Kristus." ⁴ Lalu,sabagian dari sidak diyakinkan jongon bagabung jongoin Paulus dan Silas,basamo jongon sajumlah gadang urang Yunani na takkut akan Allah samo indak saketek padusi-padusi tarhormat. ⁵ Namun,urang-urang Yahudi manjadi iri hati jongon mangajak babarapo urang mangajak babarapo urang jahek na bakaluyuran di tampek umum,sidak mangumpukan banyak urang jongon mambuek kakacauan di kota,lalu manyerbu rumah Yason sambi mancari Paulus serta Silas untuk mambaok sidak ka lua kapado urang banyak. ⁶ Katiko sidak indak manamukan manyeret Yason jongon babarapo saudaro saiman ka mukko paro pejabat kota,jongon baseru,"Urang-urang ikko,na ala mangacaukan dunia,ala datang juop ka sikko. ⁷ Jongon,Yason manyambut sidak,samo sidak sadonyo batindak na malawan hukum Kaisar jongon mangatokan bahwa ado raja lain,yaitu Yesus." ⁸ Urang banyak jongon paro pejabat kota manjadi resah katiko mandanga hal tu. ⁹ Jongon,satalah sidak manarimo jaminan dari Yason jongon na lainnyo,urang-urang tu mambebaskannyo.Paulus jongon Silas ka Kota Berea ¹⁰ Saudaro-saudaro saiman lakke manhyuruh Paulus jongon Silas,malam tu juo,ka Berea,jongon katiko sidak sampe,sidak pai ka sinagoge urang Yahudi. ¹¹ Urang-urang Yahudi di sinun labih elok hatinyo daripado urang-urang na di Tesalonika karano sidak manarimo firman jongon panuh semangat,sambi manyalidiki Kitab Suci satiok hari untuk mangatahui kok hal-hal tu memang benar. ¹² Oleh karano tu,banyak dari sidak manjadi piccayo,termasuk wanita jongon lakki-lakki Yunani terhormat na jumlahnyo indak saketek. ¹³ Akan tatapi,katiko urang-urang Yahudi di Tesalonika mangatahui bahwa firman Allah juo dibaritokan oleh Paulus di Berea,sidak pun juo datang ka Berea untuk manggoyahkan jongon maresahkan banyak urang. ¹⁴ Lalu,jongon lakke,saudaro-saudaro saiman manyuruh Paulus pai sampe ka pantai,tatapi Silas jongon Timotius tetap tingga di situ. ¹⁵ Urang-urang na mangawani Paulus mambaoknyo sampe ka Atena,jongon satalah manarimo sabuah pesan dari Paulus untuk Silas jongon Timotius agar datang kapadonyo sacepatnyo,sidak pun barangkek. Paulus di Kota Atena ¹⁶ Samantaro Paulus manunggu sidak di Atena,roh nyo maraso disusahkan di dalam dirinyo karano inyo maliek kota tu panuh jongon patung-patung bahalo. ¹⁷ Oleh karano tu,inyo batukka pikkiran di sinagoge jongon urang-urang Yahudi samo urang-urang dari bangsa lain na takkut akan Allah,serta di tampek umum,satiok hari,jongon urang-urang na kabatulan ado di situ. ¹⁸ Babarapo ahli pikki dari kalompok Epikuros jongon Stoa Juo bacakkap-cakkap jongon inyo.babarapo mangeccek,"Apo na nandak dikatokan si pambual ikko?"Na lain mangeccek."Sakironyo,inyoikko adolah saurang pambarito dewa-dewa asing,"Karano inyo mambaritokan Yesus jongon kabangkitan. ¹⁹ Lalu,sidak mangajaknyo jongon mambaoknyo ka Areopagus,sambi mangeccek,"Bolehkah kami mangatahui ajaran baru apo na engkau baritokan ikko? ²⁰ Sabab,engkau sadang mambaok babarapo hal na mangherankan di talingo kami.kami nandak mangatahui apo maksud hal-hal tu." ²¹ (saat tu,sadonyo urang Atena jongon urang-urang asing na tingga di sinun tabiaso manghabiskan waktu sidak jongon indak malakkukan ato mandangakan sasuatu na baru.) ²² Mako,Paulus badiri di tanga-tanga Areopagus jongon manngeccek,"Hai urang-urang Atena,ambo mangamati bahwa dalam sagalo hal kau religius bana. ²³ Sabab,katiko ambo sadang bakaliling jongon mamparhatikan benda-benda na kau sambah,ambo juo manjumpi sabuah altar jonhon tulisasan ikko,'KAPADO ALLAH NA INDAK DITANDO.'Karano tu,apo na kau sambah tanpo manganalnyo,itulah na ambo baritokan kapado kau. ²⁴ Allah na manciptokan dunio jongon sagalo sasuatu na ado didalamnyo,karano Inyo adolah Tuhan ate langik jongon bumi,indak tingga di dalam kuil-kuil na dibuek jonhon tangan manusio, ²⁵ indak juo Inyo dilayani oleh tangan-tangan manusio,seakan-akan Inyo mambutuhkan sasuatu karano Inyo sandiri na mangagi kapado siapo sajo kahidupan,jongon napas,samo sagalo sasuatunyo. ²⁶ Jongon,Inyo mancipatakan dari satu urang,sadonyo bangsa umat manusio untuk tingga di saluruh muka bumi ikko,satalah manatapkan musim-musim jongon batas-batas tampek hidup sidak, ²⁷ supayo sidak mancari Allah,jongon kok memang mungkin sidak dapek manyantuh-Nyo jongon manamukan-Nyo padiapun Inyo indak jauh dari kito masing-masing. ²⁸ Sabab,didalam Inyo,kito hidup,bagarak,jongon ado.Ayub 12:10 Sakiro juo pujangga-pujangga kau sandiri na mangeccek, 'Karano kito ikko juo adolah katurunan-Nyo.' ²⁹ Jadi,karano kito adolah katurunan Allah,kito saharusnyo indak bapikki bahwa kaadaan Ilahi tu sakiro ame,ato perak,ato batu,sabuah wujud na diciptakan dari katarampilas jongon pamikkiran manusio. ³⁰ Oleh karano tu,satalah mangabaikan masa-masa kabodohan,kini Allah mambaritokan sadonyo urang di mano-mano kok batobat, ³¹ karano INyo ala manantukan suatu hari katiko inyo akan manghakimi dunia dalam kaadilan malalui sa urang na ala ditantukan-Nyo,satalah Inyo mangagikan bukti kapado sadonyo urang jongon mambangkikkan Urang tu dari antaro urang mati." ³² Jongon,katiko sidak mandanga tantang kabangkitan dari antaro urang mati,babarapo urang mulei mangejek,tatapi na lain mangeccek,"Kami nandak mandangakan kau lai tantang hal ikko," ³³ Mako,Paulus pai dari tangah-tangah sidak. ³⁴ Akan tatapi,babarapo urang bagabung jongon inyo samo manjadi piccayo,di antaronyo juo ado Dionisius,anggota Areopagus,dan saurang wanita banamo Damaris,serta babarapo urang lain na basamo sidak.