¹ Paulus juo datang ka Derbe jongon Listra.Jongon,lieklah ado saurang murid di sinun,namonyo Timotius,anak dari saurang wanita Yahudi na ala piccayo,tatapi ayahnyo adolah urang Yunani. ² Inyo ditando elok oleh saudaro-saudaro saiman di Listra jongon Ikonium. ³ Paulus nandak Timotius pai basamo inyo,mako inyo mangajaknyo jongon manyunatnyo karano urang-urang Yahudi na tingga di daerah tu.Sabab,sidak sadonyo tau bahwa ayahnyo adolah urang Yunani. ⁴ Samantaro sidak bajalan malewati kota-kota,sidak manyampekan katantuan-katantuan bagi urang-urang piccayo agar ditaati,na ala diputuskan oleh paro rasul jongon panatuo na ado di Yerusalem. ⁵ Mako,paro jemaat ditaguhkan di dalam iman jongon jumlah sidak batambah satiok hari.Allah Mangimbo Paulus ka Makedonia ⁶ Lalu,sidak pai malewati wilayah Frigia jongon Galatia karano ala dihalangi oleh Roh Kudus untuk managtokan firman di Asia. ⁷ Katiko sidak ala sampe di Misia,sidak barusaho pai ka Bitinia,tatapi Roh Yesus indak mangizinkan sidak. ⁸ Mako,satalah malewati Misia,sidak turun ka Troas. ⁹ Suatu pangaliekan muncul kapado Paulud di waktu malam.Sasaurang dari Makedonia sadang badiri jongon mamohon kapadonyo,katanyo,"Datanglah ka Makedonia jongon tolonglah kami." ¹⁰ Satalah Paulus maliek pangaliekan tu,kami barusaho jongon lakke barangkek ka Makedonia,satalah manyimpulkan bahwa allah ala mangimbo kami untuk mambaritokan injil kapado sidak.Pertobatan Lidia ¹¹ Karano tu,satalah balayar dari Troas,kami langsung balayar ka samotrake,jongon di hari barikutnyo ka neapolis, ¹² Jongon dari sinun ka Filipi,kota utama di wilayah Makedonia jongon sabuah kota jajahan Roma.kami tingga di kota tu salamo babarapo hari. ¹³ Lalu,pado hari Sabat,kami pai ka lua pintu gerbang kota manuju ka tapi sungei,tampek di mano kami bapikki bahwa di sinun ado tampek badoa.Mako,kami duduk jongon mangeccek samo paro padusi na sadang bakumpu. ¹⁴ Saurang padusi banamo Lidia,dari kota Tiatira,sauranng panjua kain ungu na manyembah Allah.Tuhan mambukka hatinyo untuk mamparhatikan apo na Paulus katokan. ¹⁵ Jongon,satalah Lidia samo sadonyo urang na tingga dirumahnyo dibaptis,inyo mamohon kapado kami,katonyo,"Kok engkau manganggap ambo piccayo jongon taguh kapado Tuhan,datanglah ka rumah ambo jongon tinggalah di sinun."Jongon,inyo mandesak kami.Paulus jongon Silas di Panjaro ¹⁶ Samantaro,kami sadang pai ka tampek badoa,saurang budak padusi,na mampunyoi roh untuk maramal manamui kami.Inyo mambaok banyak kauntungan kapado paro majikannyo malalui ramalan-ramalannyo. ¹⁷ Padusi tu mangikuti paulus jongon kami sambi basurak,"Urang-urang ikko adolah hamba-hamba Allah Na Mahatinggi,na mambaritokan jalan kasalamatan kapado kau!" ¹⁸ Inyo tarus malakkukannyo salamo bahari-hari.Paulus,karano manjadi ramah bana,babalik jongon mangeccek kapado roh tu,"Ambo parintohkan kau dalam namo Kristus Yesus untuk kalua dari inyo!"Lalu,roh tu kalua,sakatiko tu juo. ¹⁹ Akan tatapi,katiko paro majikannyo maliek bahwa harapan sidak akan kauntungan ala lanyap,sidak manangkok Paulus jongon Silas,serta manyeret sidak ka tampek umum di mukko paro panguasa. ²⁰ JOngon,katiko sidak ,mambaok Paulus jongon Silas kapado hakim,-hakim kapalo,sidak mangeccek,"Urang-urang ikko adolah urang-urang Yahudi jongon sadang mangacau di kota kito. ²¹ Sidak mangajarkan adat istiadat na indak benar untuk kito tarimo ato lakkukan sabage urang Roma." ²² Urang banyak tu bangkik basamo-samo manyarang paulus jongon silas samo paro hakim kota marobek pakkaian paulus jongon Silas,serta mamarintokam sidak untuk mamukkuli kadunyo jongon tongkat. ²³ Satalah masih manganiaya Paulus jongon Silas jongon banyak pukkulan,sidak malantingkannyo ka dalam pinjaro jongon mamarintokan kapalo pinjaro untuk manjago Paulus samo Silas jongon ketat. ²⁴ Satalah manarimo parintah mamasukkan Paulus jongon Silas ka pinjaro bagian dalam jongon mamasung kakki sidak jongon balenggu. ²⁵ Kiro-kiro tanga malam,Paulus jongon Silas sadang badoa jongon manyanyikan lagu-lagu pujian bagi Allah,jongon paro tahanan lainnyo pun mandanga sidak. ²⁶ Lalu,tibo-tibo tajadi gempa bumi na gadang sahinggo fondasi pinjaro tu taguncang.Jongon,tibo-tibo sadonyo pintu tabukka samo balenggu satiok urang talape. ²⁷ Katiko kapalo pinjaro bangun jongon maliek pintu-pintu pinjaro ala tabukka,inyo mancabut pedangnyo jongon hampir mambunuh dirinyo sandiri karano inyo mangiro paro tahanan ala malarikan diri. ²⁸ Namun,paulus besurak jongon suaro kare,"Jangan mambahayakan diri kau sandiri karano kami sadonyo di sikko!" ²⁹ Kamudian,kapalo pinjaro tu maminta lsmpu jongon lakke balari masuk,lalu sambil gametaran,inyo sujud di mukko Paulus jongon Silas. ³⁰ Satalah tu,inyo mambaok sidak ka lua jongon mangeccek,"Tuan-tuan,apo na harus ambo lakkukan agar disalamatkan?" ³¹ Jongon,sidak manjawab,"piccayolah di dalam Tuhan Yesus jongon kau akan disalamatkan,kau jongon sadonyo urang na tingga dirumah kau." ³² Kamudia,Paulus jongon Silas mambaritokan firman Tuhan kapado kapalo pinjaro tu dan kapado sadonyo urang na ado di dalam rumahnyi. ³³ Satalah tu,inyo mambaok Paulus jongon Silas,malam tu juo,jongon mambasuh lukka-lukka sidak,lalu inyo jongon saluruh kaluarganyo lakke dibaptis. ³⁴ Kamudia,kapalo pinjaro mambaok Paulus jongon Silas ka rumah-nyio samo manghidangkan makkanan.Mako,inyo jongon sadonyo urang na tingga di rumahnyo ala piccayo kapado Allah. ³⁵ Akan tatapi,katiko siang hari tibo,paro hakim-hakim kota mangutus babrapo polisi,jongon mangeccek,"Bebaskan urang-urang tu!" ³⁶ Jongon,kapalo pinjaro mambaritahukan pesan tu kapado paulus,jongoin mangeccek,"Hakim-hakim kota ala manyuruh untuk mambebaskan kau.Karano tu,kalualah kini jongon pailah dalam kadamaian!" ³⁷ Namun,Paulus mangeccek kapado sidak,"Urang-urang tu ala mamukkuli kami di mukko umum,tanpa diadili,urang-urang na adolah warga negara Roma,jongon ala malantingkan kami ka dalam pinjaro.Lalu,apokah kini sidak mangaluakan kami sacaro diam-diam?Tidak!padiakan sidak sandiri datang jongon mangaluakan kami." ³⁸ Paro Polisi tu mambaritahukan pangeccekan-pangeccekan tu kapado hakim-hakim kota.Sidak takut katiko sidak mandanga bahwa Paulus jongon Silas adolah warga negara Roma. ³⁹ Mako,sidak datang jongon maminta maaf kapado Paulus jongon Silas.Satalah sidak mangaluakan Paulus jongon Silas,sidak maminta supayo kaduonyo maninggakan kota tu. ⁴⁰ Lalu,sidak kalua dari pinjaro jongon masuk ka rumah Lidia,samo katiko sidak maliek saudaro-saudaro saiman,Paulus jongon Silas managuhkan hati sidak,lalu pai.