¹ Kamudian,babarapo urang turun dari Yudea jongon mangajar saudaro-saudaro saiman,"Kok kau indak disunat sasuai jongon adat istiadat Musa,kau indak dapek disalamatkan." ² Lalu,katiko tajadi parsalisihan jongon pardebatanna indak ketek antaro Paulus samo Barnabas jongon urang-urang tu,sidak mamustuskan bahwa Paulus jongon Barnabas,serta babarapo urang lainnyo dari sidak,harus naik ka Yerusalem untuk batamu jongon paro rasul samo paro panatuo takait jongon parsoalan ikko. ³ Mako,satalah diantekan ka dalam parjalanan oleh paro jemaat,sidak malewati Fenesia jongon Samaria sambi mancaritokan jongon jaleh tantang partobatan bangsa-bangsa lain,samo hal tu mambaok sukacito gadang bagi sadonyo saudaro saiman. ⁴ Katiko sidak sampe di Yerusalem,sidak disambut oleh paro jemaat,paro rasul,jongon paro panatua,lalu sidak mancaritokan sagalo sasuatu na ala allah pabuek malalui sidak. ⁵ Namun,babarapo urang dari golongan Farisi na ala piccayo badiri jongon mangeccek,"Penting untuk manyunat sidak jongon untuk mamarintahkan sidak agar mamatuhi Hukum Musa!" ⁶ Paro rasul jongon panatua bajumpo basamo untuk mambicarokan parsoalan ikko. ⁷ Satalah balangsung pardebatan na panjang di sinun,Petrus badiri jongon mangeccek kapado sidak,"saudaro-saudaro,kau tau bahwa pado zaman dulu Allag ala mambuek pilihan di antaro kau bahwa malalui mulut ambo,bangsa-bangsa lain akan mandanga barito Injil jongon manjadi Piccayo. ⁸ Jongon,Allah na manando hati manusio,ala basaksi kapado sidak jongon mangagikan Roh Kudus kapado sidak,samo sakiro na ala dipabuek-Nyo kapado kito, ⁹ Jongon Inyo indak mambedak-bedakan antaro kiyo jongon sidak,satalah Inyo manyucikan hati sidak amlalui iman. ¹⁰ Jadi kini,mangapo kau mancuboi Allah jongon malatakkan kuk na barek di lihi paro murid na,elok nenek moyang kito mopun kito,indak pana sanggup mananggungnyo? ¹¹ Namun,kito piccayo bahwa kito disalamatkan malalui anugerah Tuhan Yesus,samo sakiro sidak juo." ¹² Kamudiaan,saluruh kumpulan urang tu tadiam jongon sidak mandangakan Barnabas jongon Paulus,samantaro kadua rasul tu manjalaskan sagalo tando jongon mukjizat na ala Allah pabuek malalui sidak di antaro bangsa-bangsa lain. ¹³ satalah sidak baranti mangeccek,Yakobus manjawab,"saudaro-saudaro,dangakan ambo. ¹⁴ Simon ala manjalaskan maccam mano allah sajak awal ala mamparhatikan bangsa-bangsa lain,untuk mangambik dari antaro bangsa tu suatu umat bagi namo-Nyo. ¹⁵ Pangeccekan paro nabu manyatujui hal ikko,sakiro na tatulis, ¹⁶ 'Satalah ikko,Ambo akan kambali jongon akan mambangun kambali kemah daud na ala runtu. Ambo akan mambangun puing-puingnyo, jongon Ambo akan mamugarnyo, ¹⁷ supayo umat manusio na tasisa dapek mancari Tuhan,jongon sadonyo bangsa lain na diiimbo malalui namo-Ambo, na malakkukan sadonyo ikko,' firman Allah,na malakukan sadonyo ikko, Amos 9:11-12 ¹⁸ Ala dikatahui sajak permulaan Zaman.Yesaya 45:21 ¹⁹ Jadi,ambo bapandapek bahwa kito saharusnyo indak manyulitkan urang-urang dari bangsa lain na ala babalik kapado Allah. ²⁰ Namun,kito saharusnyo manulis kapado sidak agar sidak manjauhkan diri dari hal-hal na dicemari oleh berhala-berhala,jongon dari dosa-dosa seksual ,serta dari apo na ala dicakkik jongon dari darah. ²¹ Sabab,sajak ganarasi tardahulu,Musa ala mampunyoi,di satiok kota,urang-urang na mambaritokannyo karano dibaccokan di sinagoge-sinagoge satiok hari Sabat."Surek kapado Urang piccayo na Bukkan Yahudi ²² Lalu,dipandang elok paro rasul,jongon panatua,samo saluruh jemaat,mamilih urang-urang dari antaro sidak untuk diutus ka Antiokhia basamo Paulus jongon barnabas.Sidak mangutus Yudas na disabut Barsabas,serta Silas,para pamimpin di antaro saudaro-saudaro saiman, ²³ Jongon sidak manulis surek jongon tangan sidak,damikian: "dari rasul-rasul jongon panatua-panatua,saudaro-saudaro saiman kau,kapado sadonyo saudaro saiman bukkan Yahudi di Anthiokhia,jongon Siria,samo Kilikia,salam! ²⁴ Karano kami ala mandanga bahwa babarapo urang dari antaro kami,na kapado sidak kami indak mangagi parintah,ala mangganggu jongon pangeccekan sidak na manggoyahkan jiwa kau, ²⁵ hal ikko dipandang elok bagi kami,satalah manjadi sapakat,untuk mamilih urang-urang jongon mangutus sidak kapado kau basamo jongon saudaro-saudaro kami na terkasih,Barnabas jongon Paulus, ²⁶ na ala mampartaruhkan hidup sidak dami namo Tuhan kito,Kristus Yesus. ²⁷ Oleh karano tu,kami mangutus Yudas jongon Silas,na mangagi tau kan hal-hal na samo sacaro lisan. ²⁸ Sabab,alangkah eloknyo bagi Roh Kudus jongon bagi kami untuk malatakkan beban di ate kau na indak labih barek daripado na parlu ikko, ²⁹ bahwa kau manjauhkan diri apo ala diparsambahkan kapado barhala, jongon dari darah,samo dari apo na mati dicakkik, jongon dari dosa seksual. Kok kau manjaga diri kau sandiri dari hal-hal ikko,kau malakukan na elok.sampe jumpo." ³⁰ Satalah sidak bapamitan,sidak turun ka Antiokhia,jongon satalah mangumpukan jemaat,sidak manyerahkan surat tersebut. ³¹ Katiko urang-urang piccayo mambacconyo,sidak basukacito karano panghiburan tu. ³² Yudas jongon Silas.na sidak sandiri adolah nabi,managuhkan jongon manguekkan saudaro-saudaro saiman jongon banyak pangeccekan. ³³ Jongon,satalah sidaktingga disinun untuk tbabarapo waktu,urang-urang piccayo tu malapekan sidak pulang jongon damai kapado urang-urang na ala mangutus sidak. ³⁴ [Akan tatapi,dianggap elok bagi silas untuk tatap tingga di sinun.] ³⁵ Namun,Paulus jongon Barnabas tingga di Antiokhia,sambi mangajar jongonmambaritokan firman Tuhan basamo jongon banyak urang lain juo. Paulus jongon Barnabas Bapisah ³⁶ Satalah babarapo hari,Paulus mangeccek kapado Barnabas,"Mo kito kambali jongon maangunjungisaudaro-saudaro saiman di satiok kota,tampek kito mambaritokan firman Tuhan untuk maliek maccam mano kaadaan sidak." ³⁷ Barnabas nandak mangajak juo Yohanes na diimbo Markus. ³⁸ Akan tatapi,Paulus mananggapi bahwa inddak saharusnyo mangajak urang na ala maninggakan sidak di Pamfilia jongon indak pai basamo sidak untuk pakarejoan tu. ³⁹ Mako,tajadilah pasalisihan na tajam sahinggo sidak bapisah satu samo lain.Barnabas mambaok serta Markus jongon balayar ka wilayah Siprus, ⁴⁰ tatapi Paulus mamilih Silas jongon pai,satalah diserahkan oleh saudaro-saudaro saiman ka dalam anugerah Tuhan. ⁴¹ Jongon,inyo malewati Siria jongon Kilikia sambi maneguhkan paro jemaat.