¹ Matcam ikkolah hendaknyo urang mampahitungkan kami yaitu sebagai hamba Kristus jongon urang nan pitcayo Rahasia-rahasia Allah. ² Jongon demikian, urang nan pitcayo jongon hal nan bahargo haruslah mambuktikan bahwa sidak dape dipitcayo. ³ Namun, bagi ambo indaklah penting jiko ambo dihakimi oleh muna atau sasuatu pangadilan manusio. Bahkan Ambo saurang indak mangahakimi diri ambo. ⁴ Sabab, ambo indak manyadari apopun akkan diri ambo saurang. Namun, indak karano hal itu ambo dibenarkan, melainkan Tuhanlah nan manghakimi ambo. ⁵ Karano inun, jangan lah manghakimi sabalum waktunyo, yaitu sabalum Tuhan datang. Inyo nan manerangi hal nan tasambunyi dalom kegelapan jongon akkan mangatokan maksud hati, lalu, satiap urang akkan manarimo pujian Allah. ⁶ Dusanak-dusanak, ambo ala manerapkan hal ikko ate diri ambo saurang jongon Apolos demi munak supayo di dalom kami, munak dape belajar nanda indak malampaui apo nan tatulis sahinggo indak ado saince dari muna nan manjadi sombong saince tahadap nan lain. ⁷ Sabab, siapokah mambeda-bedakan munak? Apo nan muna punyoi, nan indak muna tarimo? Jongon, jiko memang muna manarimonyo, mangapo muna manyombongkan diri saolah-olah indak manarimonyo? ⁸ Muna ala dikanyangkan, muna ala manjadi kayo! Tanpa kami, munak ala manjadi raja! Ambo sungguh baharap munak benar-benar ala manjadi raja supayo kami dape juo dape mamarintohkan basamo kau. ⁹ Sabab, manurut ambo, Allah ala manempatkan kami, para rasul, ditampe nan terakhir, sarupo urang nan dijauhkan hukuman mati: karano kami dijadikan tontonan nanda dunio, ratcak nandak malaikat-malaikat maupun manusio. ¹⁰ Kami bodoh demi Kristus, tapi muna bijaksana dalam Kristus. Kami lelah, tapi munak kuek, muna tahormat tapi kami hina. ¹¹ Sampai kiniko, kami lapa dan haus, bapakkean compang-camping, dipukkuli, dan hidup mengembara. ¹² Kami bajerih payah, bakarajo jongon tangan kami saurang.katiko dicaci-maki, kami memberkati.Katiko kami disiksa, kami batatahan. ¹³ Katiko kami difitnah, kami manjawab jongon ramah bahkan sampai kini, kami manjadi sarupo sampah duniako, kotoran dari sagalo sesuatu. ¹⁴ Ambo manulis hal-hal ikko bukan nandak mampermalukan kamu, malainkan nandak manasehati munak sabagai anak-anak nan kukasihi. ¹⁵ Sebab, sakalipun munak mampunyai sapuluh ribu guru dalam kristus, munak indak mampunyai banyak bapa. karano dalam yesus kristus, ambolah nan manjadi bapamu malalui injil. ¹⁶ jadi ambo mandorong munak, jadilah urang nan manuruti teladan ambo! ¹⁷ itulah sebabnya, ambo telah mangutus kapado kau timotius, anakku nan kukasihi jongon nan satio didalam tuhan. inyo akkan mangigatkan munak mangenai jalan-jalan ambo dalam kristus, seperti nan ambo ajarkan dimana-mana, dalam satiap jemaat. ¹⁸ beberapo dari munak manjadi sombong, saolah-olah ambo indak akkan datang laid kapada kau. ¹⁹ Namun, ambo akkan sagera datang kapadmu, jiko tuhan mangkahendaki, jongon ambo akkan mangetahui bukan hanyo parkatoan urang- urang sombong itu, tatapi juo kuaso sidak. ²⁰ Sebab, karajaan Allah bukan dalam parkataan, malainkan dalam kuaso. ²¹ Apo nan munak inginkan? apokah ambo harus datang kapadamu dengan tongkat atau dengan kasih jongon roh kalemahlembutan?