¹ Jiko ambo dapek mangetcek dalom bahaso manusio jongon para malaikat, tetapi indak mampunyoi kasih, ambo adolah gong nan babunyi jongon canang na gemerencing. ² Jiko ambo mampunyoi karunia barnubuek dan mangatahui sadonyo rahasio dan sadonyo pangatahuan, dan jiko ambo mamiliki sadonyo iman nandak mamindahkan gunung-gunung, tetapi indak mampunyoi kasih, ambo indaklah apo-apo. ³ Jiko ambo mangagikan sadonyo harto ambo nandak mangagi makkan kapado urang miskin, jongon menyerahkan tubuh ambo nandak dibakkar, tetapi indak mampunyoi kasih, saketek pun indak ado gunanyo bagi ambo. ⁴ Kasih inun jongon bamurah hati, kasih tu indak cemburu, indak mamegahkan diri, jongon indak sombong, ⁵ indak malakkukan nan indak mancari kapentingan diri saurang, indak mudah berang, indak mamparhitungkan kesalahan urang lain, ⁶ indak basukko cito ate kaindak benaran, melainkan basukko cito basamo kabenaran. ⁷ kasih tu tahan mananggung sagalo sesuatu, mampitcayo sagalo sasuatu, mangaharapkan sagalo sasuatu, jongon sabar mananggung sagalo sasuatu. ⁸ Kasih indak pernah barakhir. Namun, jiko ado nubuatan-nubuatan akkan di tiadokan; jiko ado bahaso-bahaso akkan dihantikan; dan jiko ado pangatahuan, akkan dilenyapkan. ⁹ Sabab, kito mangatahui sabagian sajo jongon kito barnubuat sabagian sajo. ¹⁰ Namun, katiko nan sempurna tibo, nan sabagian tu akkan dilenyapkan. ¹¹ Katiko ambo anak-anak, ambo mangetcek sarupo anak-anak ambo bapikki sarupo anak-anak, jongon manghitung sarupo anak-anak. Katiko ambo dewasa, ambo maninggakan hal na anak-anak tu. ¹² Karano kini kito maliek dalom cermin sacaro samar-samar, tapi kamudian mukko jongon mukko. Kini, ambo hanya manando sabagian, tapi kamudian ambo manando sapanuhnyo, sarupo ambo juo dikenali sapanuhnyo. ¹³ Jadi, kini katigo hal ikko nan tetap tingga, yaitu iman, pangaharapan, jongon kasih; tapi nan paling gadang dari katigo adolah kasih.