¹ Waktu hari Sabat balalu, Maria Magdalena,Maria omak Yakobus, seta Salome, mamboli rompah-rompah sahinggo biso pogi dan maminyaki Yesus. ² Subuh tu, minggu partamo, waktu torbit matahari, datang orang tu ka kuburan. ³ Bacakaplah orang tu, "Siapo yang mangguling batu ni dari pintu masuk kuburan tu?" ⁴ Tapi, satolah manengok ka atas, di tengok orang tu batu bosar udah taguling. ⁵ Dan, satolah masuk ka kuburan, di tengok orang tu saorang pamuda yang mamakek jubah putih duduk di sabolah kanan, dan takojut orang tu. ⁶ Lalu, dio bacakap samo orang tu, "Jangan takojut, kamu ondak mancari Yesus orang Nazaret yang tolah di salibkan. Dio telah bangkit. Tak di sini Dio. Tengok tompat orang tu mambaringkan-Nyo. ⁷ Tapi, pogilah, bilangkan samo murid-murid-Nyo dan pado Petrus dan Dio sedang mandahului kamu ka Galilea. Di sano, jumpo kamu dio, macam yang di cakapkan Dio ka kamu." ⁸ Abis tu, kaluar orang tu dan balari dari kuburan tu karono gamotar dan heran, orang tu tak bacakap apo-apo ka siapo pun karono orang tu takut. Dan, samuo diparintohkan agar orang tu cakap kan samo Petrus dan kawn-kawnnyo, orang tu sampekkan dengan pendek. satolah tu, badirilah Yesus manyuruh orang tu dari timur sampek ka barat manyatokan barito kudus dan tak biso binasa tontang kasalamatan kokal. Amin. ⁹ waktu Yesus bangkit, pagi partamo di minggu tu, Dio mulonyo muncul ka Maria Magdalena yang darinyo Yesus telah mangusir tujuh roh jahat. ¹⁰ Lalu dio pogi dan mambagitau ka orang tu yang basamo Yesus, samantaro orang tu sedang baduka dan manangis. ¹¹ Waktu orang tu mandongar Yesus hidup dan udah di tengoknyo, tak pacayo orang tu. ¹² Samonjak kajadian tu, muncul lagi Yesus dalam bontuk laen kapado duo orang dari orang tu yang bajalan ka desa. ¹³ Lalu, orang tu balek dan mambagitau ka laennyo, tapi tak pacayo jugo orang tu. ¹⁴ Abis tu, Dio mucul sandiri ka sabolah murid-Nyo waktu orang tu masik duduk makan dan di togur-Nyo orang tu karono orang tu tak pacayo dan padogil. Sobab tak pacayo orang tu ka orang-orang yang manengok udah bangkit Dio. ¹⁵ bacakap Dio ka orang tu, "Pogilah ka saluru dunio dan bagi tau Injil ni ka samuo ciptoan. ¹⁶ Siapo sudah pacayo dan udah dibaptis akan disalamatkan, tapi siapo tak pacayo akan dihukum. ¹⁷ Tando-tando ni akan mangikuti orang tu yang pacayo: Dalam namo-Ku orang tu akan mangusir roh-roh jahat; orang tu bacakap pakek Bahasa baru; ¹⁸ Orang tu akan mamegang ular dengan tangannyo; jika orang tu minum racun yang mamatikan, calako lah orang tu; orang tu akan malotakkan tangan orang tu atas orang sakit abis tu orang-orang tu akan sombuh." ¹⁹ Abis Yesus mangatokan ka orang ni, tarangkat Dio ka surgo dan duduk di sabolah kanan Allah. ²⁰ Lalu, pogi orang tu dan bakutbah kamano-mano, samantaro Tuhan bakarojo samo orang tu dan manoguhkan firman-Nyo malalui tanda-tanda yang manyortainyo.