¹ Domi kadatangan-Nyo dan domi karajaan-Nyo, dengan motan-motan, aku baposan ka kamu di dopan Allah dan Yesus Kristus yang akan mangadili orang yang hidup maupun orang yang mati; ² "Kabarkanlah firman, siap sadiolah cocok atau tak cocok waktunyo; togurlah, nasehatilah, lalu bujuklah orang tu dengan ponuh sabar dan pangajaran. ³ Sobab, uda tibo waktunyo katiko orang-orang tak mau lagi manarimo ajaran yang elok. Sabaliknyo, biar sodap didongar, orang tu mangumpulkan guru-guru bagi dirinyo sandiri yang sasuai kasukoan orang tu. ⁴ Orang tu mamalingkan pandongarannyo dari kabonaran dan babalik ka carito dongeng. ⁵ Sodangkan kamu, hati-hatilah dalam sagalo hal, batahanlah dalam kasusahan, korjokanlah torus mangabarkan Injil, dan salosekanlah palayananmu. ⁶ Sobab, awak sudah di tumpahkan macam mangkuk parsombahan. ⁷ Awak sudah bagumul dalam pagumulan yang baik; awak sudah manyalosekan partandingan; awak totap mamalihara iman. ⁸ Sakarang, mahkota kabonaran sudah disadiokan bagiku. Pada hari itu, Tuhan, Hakim yang Adil, akan manghadiohkannyo samoku, dan bukan hanyo samoku, tapi jugo samo samuo orang yang marindukan kadatangan-Nyo ⁹ Barusaholah sacopatnyo datang ka awak ¹⁰ karono Demas sudah maninggalkan awak, sobab dio lobih mancintoi dunio ni lalu pogi ka Tesalonika, Krekes sudah pogi ka Galatia dan Titus ka Dalmatia. ¹¹ Hanya Lukas yang basamoku, jomputlah Markus, lalu bawakan dio ka awak karono dio bagitu baguno untuk palayanan. ¹² Awak sudah mangirim Tikhikus ka Efesus. ¹³ Bilo kamu datang, bawakan jubah yang ku tinggalkan ka si Karpus di Troas, bagitu jugo buku-bukuku, tarutamo samuo perkamen itu. ¹⁴ Aleksander, tukang bosi tu, sudah bagitu marugikan awak. Tuhan akan mambalas sasuai parbuatannyo. ¹⁵ Kamu pun hati-hati jugolah ka dio karono dio bagitu mambonci ajaran kito. ¹⁶ Pada pambelaan ku yang partamo, tak ado saorang pun yang mambela awak karono samuo sudah maninggalkan awak. Samogalah samuo tu tak di balaskan ka orang tu. ¹⁷ Tapi, Tuhan badiri basamoku dan manguatkan awak sahinggo Injil itu biso dikabarkan saponuhnyo malalui awak, sahinggo samuo orang yang bukan Yahudi bisa mandongarnyo. Dengan bagitu, awak di lopaskan dari mulut singo. ¹⁸ Tuhan akan manyalamatkan awak dari satiap parbuatan jahat dan akan mambawaku ka karajaan surgawi-Nyo dengan salamat. Bagi Diolah kamulioan sampe salamo-lamonyo. ¹⁹ Sampekan salamku ka si Priskila dan ka si Akwila, dan ka samuo panghuni rumah si Onesiforus. ²⁰ Erastus totap tinggal di Korintus, dan Trofimus awak tinggalkan sakit di Miletus. ²¹ Barusaholah datang ka sini sabolum musim dingin, Ebulus, Pudes, Linus, Klaudia, dan samuo saudaro saiman kirim salam ka kau. ²² Tuhan manyortai rohmu. Anugorah-Nyo manyortai kamu.