¹ Sakarang, mangonoi kadatangan Tuhan kito, Yesus Kristus, dan saat disatukannyo kito basamo dengan Dio, kami mamintakmu, sudaro-sudaro, ² supayo kamu jangan copat bingung dalam pikiranmu atau galisah saat mandongar bahwa hari Tuhan sudah datang, baik dari roh ato pesan ato surat yang saolah-olah dari kami. ³ Jangan pabiarkan saorang pun manyosatkanmu dongan caro apo pun. Sobab, hari tu tak akan datang sabolum kamurtadan datang dan si manusio jahat dinyatokan, yaitu si anak kabinasaan, ⁴ yang malawan dan maninggikan dirinyo tahadap samuo yang di sobut Allah ato yang disombah orang; dan dio akan mangambek tompat duduk di Bait Allah dan manyosatkan dirinyo sabagai Allah. ⁵ Tak ingatkah kamu bahwa waktu awak masih basamomu, awak mangasihtaukan hal ni samomu? ⁶ Sakarang, kamu tahu apo yang manahan dio sahinggo baru pado saatnyo nanti, dio akan dinyatokan. ⁷ Sobab, misteri kadurhakoan sudah sodang bakarojo, hanyo dio yang sakarang manahannyo akan totap manahannyo sampek dio disingkirkan. ⁸ Kamudian, manusio jahat tu akan dinyatokan. Namun, Tuhan akan mambunuhnyo dengan napas mulut-Nyo dan malonyapkannyo dengan kadatangan-Nyo. ⁹ Kadatangan si manusio jahat tu akan salaras dengan pakarojoan Iblis, disortai dengan sagala macam kuaso, tando-tando ajaib, dan mukjizat-mukjizat palsu; ¹⁰ dan dengan samuo muslihat jahat bagi orang tu yang akan binaso karono orang tu manulak untuk mangashihi kabonaran sahinggo disalamatkan. ¹¹ Oleh karono tu, Allah mangirim kasosatan yang hebat atas orang tu supayo orang tu pacayo samo kabongakan, ¹² sahinggo orang tu samuo dapat dihakimi, yaitu orang tu yang tak pacayo samo kabonaran dan sonang dengan kajahatan. ¹³ Sudaro-sudaro yang dikasihi Tuhan, kami harus salalu basukur kapado Allah untuk kamu. Sobab, Allah tolah mamilih kamu sojak samula untuk disalamatkan malalui pangudusan oleh Roh dan iman dalam kabonaran. ¹⁴ Untuk itulah Allah mamanggil kamu malalui Injil yang kami baritokan supayo kamu mandapatkan kamulioan Tuhan kita, Yesus Kristus. ¹⁵ Jadi, Sudaro-sudaro, badirilah toguh dan peganglah ajaran-ajaran yang tolah diajarkan kapadomu, baik malalui kato-kato maupun malalui surat kami. ¹⁶ Sekarang, kiranyo Tuhan kito, Yesus Kristus, sandiri dan Allah Bapa kita, yang tolah mangasihi kito dan mabori kita panghiburan kokal dan pangharapan yang indah malalui anuhgorah, ¹⁷ manghibur dan manguatkan hatimu dalam satiap pakarojoan dan parkatoan yang baik.