¹ Lalu, Yesus masok ke sinagoge, di sano ado seoghang yang tanganya lumpuh sebelah. ² Megheka mencoghmati Yesus dan melihat apokah boleh menyombuhkan oghang pado haghi sabat supoyo megheka biso menuduh Dio ³ mako, Yesus beghkato kepado oghang yang lumpoh itu, "Togaklah di tongah." ⁴ lalu, Yesus beghkato kepado megheka, " bisokah beghbuat baik atau beghbuat jahat pado haghi Sabat? Menyelamatkan nyawo atau membunuh?" Tapi megheka diam sajo. ⁵ Lalu, Yesus mendongak sekitaghnyo maghah sangat. Dio sodih sobab kekoghasan hati megheka. Mako Yesus beghkato kepado oghang yang tanganyo lumpuh sebelah itu, "Ulughkan tanganmu. " mako, oghang itu mengulughkan tanganyo, mako tanganyo sombu. ⁶ Sobab itu, oghang-oghang Faghisi lalu poghi, dan sopakat dongan oghang Heghodian untok melawan-Nyobagaimano membunuh-Nyo. ⁷ Totapi, Yesus poghi jauh samo mughid-mughit-Nyo ke dano, dan banyak oghang daghi wilayah Galilea mengikut Dio, dan daghi Yudea, ⁸ Daghi Yeghusalem, Idumea, daeghah saboghang sungai Yoghdan, dan jugo daghi sekito Tighus dan sidon, banyok oghang ketiko mendongo samuo yang Yesus kojokan , datang kepado-Nyo. Kaghena oghang banyok itu, Yesus beghkato kepado mughid-mughid-Nyo supoyo menyediokan sebuah sampan bagi-Nyo sehinggo megheka tak mendosak Dio. ¹⁰ Kaghena Yesus tolah menyombuhkan banyok oghang, mako semuo oghang yang sakit toghus baghdosak-dosak supoyo biso menyentuh-Nyo. ¹¹ Dan, ketiko ghoh-ghoh najis menengok Yesus, megheka sujud manyombah-Nyo dan baghtaghiak, " Engkaulah adolah Anak Allah!" ¹² Totapi Yesus melaghang togas untok mengatokan siapo Dio. ¹³ Lalu, Yesus naik ke bukit dan mengundang oghang-oghang yang io ondak untuk jumpo beghsamonyo, dan megheka datong padonyo. ¹⁴ Io memileh duo bolas oghang, supayo biso bersamo dengan-Nyo dan Io biso mengighim megheka supayo ceghamah, ¹⁵ Dan membeghi Kuaso untuk mengusigh setan -setan. ¹⁶ Yesus memileh keduo bolas oghang itu; Simon (Yesus membeghi namo Petrus), ¹⁷ Yakobus, budak Zebedeus dan Yohanes saudagha Yakobus ( Padonyo Yesus membeghi namo Boanerges artinyo " Budak-budak guruh"), ¹⁸ Andreas, Bartolomeus, Matius, Tomas, Yakobus budak Alfeus, Tadeus, Simon Oghang Zelot, ¹⁹ Dan Yudas Iskariot yang menghianati Dio. ²⁰ Komudian, Yesus masuk ke ghumah, dan ke ghamaian kombali berkumpul di sano hinggo Yesus dan mughid-mughid-Nyo tidok biso makan ghoti. ²¹ Ketiko keluagha-Nyo mendongo, megheka datong membawa Yesus kembali kaghena megheka beghkato bahwa io sudah gilo. ²² Dan, ahli-ahli taughat tughun daghi Yerusalem mengatokan, "Io keghasukan Beelzebul!" dan io mengusigh setan dengan kuaso pemimpin setan." ²³ Lalu, Yesus momanggil megheka datong kepadanyo dan beghkato dengan mengunokan umpamo, "Bagaimano biso iblis mengusigh iblis? ²⁴ Jiko satu keghajaan teghceghai- beghai melawan dirinyo sendighi, keghajaan tidok biso beghtahan. ²⁵ Dan, jiko satu ghumah teghceghai-beghai melawan dighinyo sendighi, ghumah itu tidok akan biso beghtahan . ²⁶ Jiko iblis bangkit molawan dighinyo sendighi dan teghceghai beghai, io tidok biso beghtahan, totapi solosolosailah ghiwayotnyo. ²⁷ Tidak ado seoghang pun biso masok keghumah oghang yang kuat dan menghampas haghto bendanyo, kecuali teghlobih io memikat oghang kuat itu mako baghulah io menghampas ghumahyno." ²⁸ Odan mengatokan sebetulnyo kopadamu, somuo doso anok-anok manusia biso di maafkan dan sagalo kosalahan yang megheka katokan. ²⁹ Akan totapi, siapo yang menghino Ghoh Kudustidoka akan peghnah di maafkon, melainkan beghsalah kaghena dosa kokal". ³⁰ Sobab, ahli-ahli Taughat itu beghkato : Io keghasukan ghoh najis. ³² ghamai oghang sodang duduk mengolilingi Yesus dan megheka beghkato kepado-Nyo," Lihat omak Kau dan sodagha Kauado di luagh sodang moncagh Engkau," ³³ Dan, Yesus menjawab megheka dan beghkato, " Siapokah omak Odan dan saudagho- saudagho-Ku? ³⁴ Kemudion, Io momandang oghang-oghang yang duduk mengolilingi-Nyo dan beghkato," Lihatlah, ini omak dan sadagho-saudagho-Ko. ³⁵ Sobab, siapo sajo yang melakukan kehondak Allah adolah saudagha-Ku lelaki dan saudagha-Ku peghempuan dan omak-Ku