¹ Hai Saudagho-saudagho, jiko ado oghang yang kedopatan molakukan suatu pelanggaghan, kamu yang ghohani haghus mengombalikan oghang sapoghti itu dongan roh kelombutan. Beghjaga-jagalah supayo kamu sendighi jangan ikut teghgoda. ² Saling menolonglah dalam menanggung boban supayo kamu menaati hukun kristus. ³ Jiko ado oghang yang menganggap dighinyo ponting, padohal tidok demikion, io monipu dighinyo sendighi. ⁴ Maghilah sotiap oghang menguji peghbuatannyo sendighi. Satolah itu, io biso bangga manengok keadaannyo sendighi dan bukan kaghena membandingkannyo dongan oghang lain. ⁵ Sobab, sotiap oghang harus menanggung bobannyo sendighi. ⁶ Siapo yang mendapot pengajaghan daghi fighman Allah haghuslah io membogikan semuo hal yang elok itu dongan oghang yang mengojonyo. ⁷ Jangan teghtipu. Allah tidok biso dipeghmainkan kaghena oghang akan menuai apo yang io tabogh. ⁸ Oghang yang menabogh daghi nafsu kedagingan daghi akan menuai kebusukan daghi kedagingan. Akan totapi, oghang yang menabogh daghi Roh akan menuai hidup yang kokal daghi Roh. ⁹ Jangan kito lelah beghbuat elok. Jiko musimnyo tibo, kito akan meneghimo asalkan kito tidok menyeghah. ¹⁰ Keghena itu, jiko kito mendapot kesompatan, maghilah kito beghbuat elok kepado semuo oghang, khususnyo kepado keluaghgo dalam iman. ¹¹ Tengoklah betapo bosonyo hughuf-hughuf yang kutulis untuk kau dongan tangan odan sendighi. ¹² Megheka yang ingin memameghkan ke elokan daghi hal-hal yang lahighiah akan memakso kau untuk disunat. Megheka melakukan hal itu supayo tidok dianiaya demi salib Kristus. ¹³ Megheka yang disunat pun tidok menaati Hukum Taurat, totapi megheka ingin kau disunat supayo megheka dapot memogahkan dighi atas sunatmu. ¹⁴ Semoga odan tidok poghnah memegahkan daghi kocuali dalam salib Tuhan kito, Yesus Kristus . Melalui salib-Nyo, dunio sudah disalibkan untuk odan, dan odan untuk dunio. ¹⁵ Disunat atau tidok disunat apalah aghtinyo. Yang ponting adalah monjadi ciptaan baghu. ¹⁶ Bagi semuo oghang yang menjalankan atughan ini, biaghlah damai sejahtegha dan ghahmat tughun atas megheka dan atas Israel milik Allah. ¹⁷ Akhighnyo, jangan ado oghang yang mempeghsulit odan kaghena odan membawo tanda-tanda Yesus dalam tubuh odan. ¹⁸ Saudagho-saudagho, kighanyo anugeghah Tuhan Yesus Kristus ado beghsamo dongan rohmu. Amin.