¹ Daghi Paulus, yang menjadi ghasul bukan kaghena manusia, atau melalui manusia, melainkan melalui Kristus Yesus dan Allah Bapa yang membangkitkan Dio dagh antagha oghang mati. ² Jugo daghi semuo sadagha seiman yang beghsamo-samo dengan odan, untuk jemaah, jemaah di Galatia. ³ Anugheghah dan damai sejahtegha bagi kamu daghi Allah Bapo kito dan Tuhan Yesus Kristus. ⁴ Yang tolah memboghikan dighi-Nyo bagi doso-doso kito untok menyolamatkan kito daghi Zaman yang jahat sekaghang ini sasuoi dongan kehondak Allah dan Bapo kito. ⁵ Bagi Diolah Kemuliaon untok selamo-lamonyo. Amin. ⁶ Odan heghan, betapo copatnyo kamu meninggalkan Dio, yang memanggilmu melalui anugeghah Kristus, dan beghbalik kepado injil yang lain. ⁷ Padohal, tak ado injil yang lain. Namun ado bebeghapo oghang yang tolah mengaco kamu dan memutarbalikkan Injil Krisus. ⁸ Bahkan, jiko kami atou seoghag malaikat daghi Sorga mengobaghkon kepadomu injil yang beghtetangan dongan apo yang sudoh kami kobaghkon kepadomu, Teghkutuklah dio! ⁹ Sepoghti yang sudah kami cakapkon sebolumnyo dan sekaghang odan togaskon lagi, jiko ado oghang yang mengobaghkon kepadomu injil yang beghtentangan dongan yang sudoh kamu teghima, biaghlah io teghkutuk. ¹⁰ Apokah odan sekaghang sodang mencaghi ijin manusio atou ijin Allah? atou, apokah odan hondak mancubo menyonangkon manusio? Seandainyo odan masih mancubo manyonangkon manusio, odan bukanlah hamba Kristus. ¹¹ Saudagha-saudagha, odan inginkau tau bahwa Injil yang odan beghitakon bukan injil buaton manusio. ¹² odan tidok menoghimanyo daghi manusio, dan mempelajaghinyo daghi manusio totapi odan meneghimanyo melalui Peghnyataan daghi Kristus Yesus. ¹³ Sobab kau, tolah mendngo tontang cagha hidupku yang lamo daghi agama Yahudi, odan menindas jemaah Allah dongan kojam dan beghusaho menghancughkaonyo. ¹⁴ Odan saghius dalam hal agamo Yahudi, jauh lobih seghius di bandingkon semuo oghang di antaro bangsoku. odan mengutamokan adat istiadat nenek moyangku. ¹⁵ Namun, ketiko Allah, yang tolah menontukan sojak dalam kandungan omakku, dan memilih oda melalui anugeghah-Nyo, beghkonan. ¹⁶ Menyatokan Anak-Nyo dalam odan supoyo odan biso mengaboghkan Dio kepado oghang bukon Yahudi, odan tak minto ijin kepado seoghang pun. ¹⁷ Odan jugo tidok poghgi ke kota Yerusalem hondak beghjumpo dongan megheka yang tolah jadi ghasul sebolum odan. totapi odan segegha poghgi ke Arab lalu balik lagi ke Damaskus. ¹⁸ Tigo tahun kemudion, odan poghgi ke kota Yerusalem hondak beghkenalan dongan Kepas dan tinggo samo dio selamo lima bolas haghi. ¹⁹ Totapi odan, tak melihat satupun daghi ghasul-ghasul itu, kecuali Yakobus, saudagha Tuhan. ²⁰ Odan monyakinkan kamu, bahwa apo yang odan tulis kepadomu bukon dusta. ²¹ Setolah itu, odan poghgi ke daeghah Siria dan Kilikia. ²² Odan bolun di konal botul oleh jemaah-jemaah Kristus yang ado di daeghah Yudea. ²³ Megheka hanya mendongo, dio yang dulu menyikso kito, sekaghangio mengabaghkon Iman yang dulu hondak di hancughkanyo. " ²⁴ Megheka memuliakon Allah kaghena odan.