¹ Sobab itu, jadilah penghut-penughut Allah sebagaimano budok-budok yang teghkasih. ² Hiduplah dalom kasih, samo sepoghti Kristus mongasihi kito dan memboghikan dighi-Nyo untuk kito sobagai peghsombagan dan kughban yang haghum bagi Allah. ³ Akan titapi, jangan ado peghcabulan atau segalo macam kecemaghon atau keseghakahon, bahkan disobut pun jangan kaghena hal itu tidok layak ado di antagho oghang-oghang kudus. ⁴ Jangan ado peghkataan kotogh, peghkataan bodoh, atau lolucon-lolucon kasagh yang tidok pantas. Sebaliknyo, katokanlah syukur. ⁵ Sobab, kau tahu dongan pasti bahwo oghang cabul, oghang tidok suci, atau oghang seghakah yang menyombah beghala. ⁶ Jangan ado oghang yang monipu kau dongan kato-kato kosong kaghena hal-hal itulah yang mendatongkan mughka Allah atas budok-budok dughako. ⁷ Jadi, jangan beghtoman dongan megheka. ⁸ Dahulu kau adolah kegolapan, totapi sekaghang kau adolah toghang dalam Tuhan. Hiduplah sobagai budok-budok daghi toghang. ⁹ Kaghena buoh daghi toghang adolah semuo kebaikan, dan kebenaghan, ¹⁰ Dan mencobo mencaghi tahu apo yang menyonangkan Tuhan. ¹¹ Jangan ikot molakukan peghbuatan seghakoh yang tidok menghasilka buoh, sebaiknyo jaohkan lah peghbuatan-peghbuatan itu. ¹² Sobab, menyobut hal-hal yang megheka peghbuat secagho sonyap-sonyap pun sangat momainkan. ¹³ Akan totapi, semuo yang dijaohkan oleh toghang menjadi kelihatan. ¹⁴ Kaghena semuo yang menjadi nyato adolah toghang. Itu sobabnyo, dikatokan, "Bangun, hai kau tidugh, Bangkitlah daghi antagha oghang mati, dan Kristus akan beghsinagh atasmu." ¹⁵ Jadi, peghatikan dongan saksamo bagaimano kau hidop, jangan sepeghti oghang bodo, jadilah bijak. ¹⁶ Peghgunokanlah maso yang ado dongan sebaik-baiknyo kaghena ghahi-ghahi adolah jahat. ¹⁷ Kaghena itu, janganlah menjadi bodoh, totapi mengoghtilah apo itu kehondak Tuhan. ¹⁸ Jangan mabuk oleh anggugh kaghena hal itu tidok layak, sebaliknyo ponuhlah dongan Roh. ¹⁹ Beghbicagholah satu samo lain dalom mazmur, kidung pujian, dan nanyian rohani, beghsoghaklah dan buatlah pujian kepado Tuhan dongan segonap hati odan. ²⁰ Katokanlah syukut dongan senantiaso atas segalo sesuatu kepado Allah Bapak dalom nama Tuhan kito, Kristus Yesus. Nasehat Untuk Suami Dan Istri ²¹ Tundok seoghang dan takot akan Kristus. ²² Istghi-itighi, tundoklah kepado suami kau, sepeghti kepado Tuhan. ²³ Sobab, suami adolah kepalo daghi istghi, sepeghti Kristus adolah kepalo daghi jemaat badan-Nyo dan Dio sendighilah juru selamat-Nyo. ²⁴ Akan totapi, sebagaimano jemaat tunduk kepado Kristus, domikian jugo istghi hagus tundok kepado suami dalam segalo hal. ²⁵ Suami-suami kasilah istghi kau sepeghti Kristus mengasihi jemaat-Nyo dan membeghikan dighi-Nyo bagi jemaat, ²⁶ Unttuk mengtahigh megheka dongan monyucikannyo lewat pembasuhan aigh dongan firman. ²⁷ Dongan domikian, Kristus dapot mempeghsombahkan jemaat kepado dighi-Nyo dalam kemuliaan, tanpo koto, atau tanpo menggeghutu atau semacamnyo sehinggo jemaat monjadi kudus dan tidok cacat. ²⁸ Domikian jugo, suami istghi haghus mongasihi istghinyo sepeghti tubuhnyo sendighi. Iyo mengasihi istghinyo sendighi. ²⁹ Sobab, tidok ado oghang poghnah membonci tubuhnyo sendighi, totapi iyo memelihagho dan meghawatnyo. Bogitu jugo Kristus molakukan bagi jemaat ³⁰ Kaghena kito adolah anggota-anggota tubuh-Nyo. ³¹ Itulah sobabnyo, seoghang lolaki moninggalkan ayoh dan omaknyo dan beghsatu dongan istghinyo hinggo keduo monjadi satu tubuh. ³² Ghahasio ini boso, dan odan mengatokan dalam hubungan antagho Kristus dan jemmah-Nyo. ³³ Namun, biaghlah masing-masing kau mengasihi istghi kau sepeghti dighi kau sendighi, dan istghi haghus menghoghmati suaminyo.