Pasal 1

1 Daghi Paulus, ghasul Yesus Kristus oleh kehondak Allah. Kepado oghang-oghang kudus di Efesus, oghang-oghang beghiman dalam Yesus Kristus. 2 Kasih kaghunio dan damai sojahtegha bagi kau daghi Allah, Ayah kito, dan Tuhan Yesus Kristus. 3 Teghpujilah Allah dan Ayah daghi Tuhan kito Kristus Yesus, yang tolah membeghkati kito dalom Kristus dongan sotiap beghkat ghohani di tompat sughgawi. 4 Sobab, Io memilih kito dalom Kristus sobolum peghmulaan dunio supayo kito monjadi kudus dan tidok beghcela di hadopan-Nyo. Dalam kasih, 5 Io menotapkan kito daghi semulo untok diangkat monjadi budak-budak-Nyo molalui Kristus Yesus sosuai dongan kosukaan kohendak-Nyo. 6 Io molakukan itu untok komuliaan anugegho-Nyo yang tolah dikaghuniokan-Nyo dongan cumo-cumo kepado kito dalom budak-Nyo yang teghkasih. 7 Dalam Dio, kito mondapat ponobus molalui dagha-Nyo, yaito pongampunan daghi polanggaghan-polanggaghan kito sosuai kokayaan anugegho-Nyo, 8 yang Allah limpohkan kepado kito dalom segalo hikmat dan pongeghtian. 10 yang akan dilakokan ketiko waktu keponuhannyo tibo untok mompeghsatukan segalo sosuatu dalom Kristus, yang ado di sughgo dan yang ado di bumi. 11 Dalom Kristus, kito jugo tolah monjadi bagian daghi waghisan yang tolah ditotapkan-Nyo daghi semulo sosuai dongan ghencano-Nyo, yang mengeghjokan segalo sosuatu dalom keputusan kehendak-Nyo 12 supayo kito yang peghtamo-tamo menaghuh haghapan pado Kristus akan monjadi puji-pujian untok komuliaan-Nyo. 13 Dalom Dio, kau jugo, tolah mandongoh fighman kebonaghan, yaitu Injil keselamatan kau, dan peghcayo kepado-Nyo, dimatoghaikan dongan Roh Kudus yang dijanjikan. 14 Roh Kudus adalah jaminan waghisan kito, sampe ponobusan toghjadi bagi megheka yang monjadi milik kopunyaan Allah sendighi -- bagi pujian komuliaan-Nyo. 15 Oleh sobab itu, sojak odan mendongo tontang iman kau dalam Tuhan Yesus dan kasih kau kepado semuo oghang kudus, 16 odan tidok henti-hentinyo mongucap syukugh untok kau dalom mongingat kau dalom doa-doaku. 17 Odan beghdoa supayo Allah daghi Tuhan kito, Kristus Yesus, Ayoh daghi komulian, memboghimu roh hikmat dan penyataan dalom pongetahuan akan Dio. 18 Odan beghdoa supayo mato hatimu ditoghangi sohingga kau biso mongeghti penghaghapan yang teghkandung dalom penggilan-Nyo, kokayaan yang teghkandung dalom waghisan-Nyo yang mulio bagi oghang-oghang kudus, 19 dan kokuatan bosogh yang tidok teghukuh bagi kito yang peghcayo, sebagaimano ditunjokkan dalom kemahabosoghan kokuatan-Nyo. 20 sunggoh bosogh kokuatan-Nyo Io tunjukkan ketiko Io mombangkitkan Kristus daghi antagho oghang mati dan memboghi tompat di sebolah kanan-Nyo yaitu soghgawi 21 yang jaoh lobih tinggi daghi semuo atughan, kokuasaan, kokuatan, pomeghintahan, dan lobih tinggi daghi semuo nama yang peghnah ado, tidok hanyo pado saat ini, totapi jugo pado maso dopan. 22 Io monaklukan sogala sosuatu dibawah kaki-Nyo dan memboghi dighi-Nyo monjadi kepalo atas sogalo sosuatu bagi jemaah, 23 yaitu tubuh-Nyo, di mano keponuhan-Nyo momonuhi dan sogalonyo.