¹ Daghi penatuo kepado Gayus teghkasih, yang kukasihi dalom kebonoghan. ² Saudaghaku yang kukasihi, odan beghdoa semoga kamu baik-baik sajo dalom segalo hal, semoga tubuhmu sehat samo sepoghti jiwomu sehat. ³ Sobab, odan sangat beghsukocito ketiko saudagha saudagha datang dan beghsaksi tontang kebonoghanmu, bagaimano kamu hodup dalom kebonoghan. ⁴ Odan tak punyo sukocito yang lobih bosagh selain daghipado mendongogh bawa anak-anakku beghjalan dalom kebonoghan. ⁵ Saudaghaku yang kekasih, kamu beghtidok dongan setio dalom samuo usahomu meskipun megheka oghang asing. ⁶ Megheka tolah beghsaksi tontang kasihmu di hadopan jemaah. kamu akan melakukon yang baik dalom menolong megheka melanjutkan peghjalanon dongan cagho yang beghkonan kepado Allah. ⁷ Sobab megheka tolah poghgi demi namo itu, tanpo menoghimo apopun daghi oghang-oghang yang tak poghcoyo. ⁸ Kaghenaitu kito haghus membantu oghang-oghang sapoghti megheka sehinggo kito jadi toman pelayanan bagi kebonoghan. ⁹ Odan tolah menulis sughat kepado jemaah, totapi Diotrefes, yang suko menonjolkon dighi di antagho megheka, tidok mau menoghimo kami. ¹⁰ Sobab itu jiko odan tibo, odan akan mempeghingatkon dio atas tindakonyo, yang memfinah kami dongan cakap kotogh! Tak hanyo itu sajo, io jugo tak mau meneghimo saudagha yang datang bahkon melaghang megheka yang mau meneghimo saudagha-saudagha itu soghta megucilkon megheka daghi jemaah. ¹¹ Saudaghaku yang kukasihi, janganlah menighu yang jahat, melainkan yang baik. oghang yang beghbuat baik beghasal daghi Allah, totapi oghang yang beghbuat jahat, bolum melihat Allah. ¹² Samuo oghang tolah beghsaksi yang baik tontang Demetrius, bahkan kebonoghan beghsaksi demikion: kami jugo beghsaksi dan kamu tua bahwa kesaksian kami bonogh. ¹³ Ado banyok hal yang hondak kutulikon kapadomu, totapi odan tak mau menuliskonyo kepadomu dongan pena dan tinta. ¹⁴ Odan beghhaghap untok menjumpoimu sagogha dan kito akan beghbicagho tatap muko. ¹⁵ Damai sejahtegha bagimu, toman kito di sini mengighim salam bagimu, sampoikan jugo salam kami kepado setiop saudagha di sano.