¹ Akhighnyo, Saudagho-saudagho, beghdoalah untuk kami, supayo Firman Tuhan biso menyobagh dongan copat dan dimuliokan, sepeghti yang teghjadi diantagho kito. ² Dan supayo kami dilopaskan daghi oghang-oghang yang kojam dan jahat kaghena tidok semuo oghang punyo iman. ³ Namun, Tuhan itu setio, iyo akan monguatkan dan molindungi kau daghi yang jahat. ⁴ Kami punyo koyakinan dalom Tuhan mengonai kau bahwo kau sodang molakukan dan akan toghus molakukan-Nyo apo yang kami peghintahkan. ⁵ Kighonyo Tuhan mengaghokan hati kau kepado kasih Allah dan kepado kebughahan Kristus. ⁶ Saudagho-saudagho,kami peghintoka kepado kau, dan namo Tuhan kito, Yesus Kristus, supayo kau menjaohkan dighi daghi saudagho-saudagho yang hidup beghleha-leha dan tidok sosuai dongan ajaghan yang kau teghimo daghi kami. ⁷ Kau sendighi tahu bagaimano kau haghus menoladani kami kaghena tidok beghleha-leha ketiko kami beghsamo kau. ⁸ Kami jugo tidok makan makanan oghang lain tanpo melunasinyo. kami beghusagho dan bekojo koghas siang dan malam supayo kami tidok monjadi boban bagi siapo pun diantagho kau. ⁹ Bukan kaghena kami tidok punyo hak untuk itu, molainkan untuk memboghikan dighi kami sendighi sobagai contoh bagi kau untuk kau ikuti. ¹⁰ Ketiko kami masih beghsamo kau pun, kami memboghi kau peghintoh ini: "Jiko oghang tidok mau beghkojo, janganlah iyo makan," ¹¹ Sobab kami mendongo ado bebeghapo di antagho kau yang hidup beghleha-leha, tidok mau beghkojo, totapi sibuk dongan hal hal yang tidok beghguno. ¹² Oghang sepeghti itu kami peghintokan dan kami monasehati dalom namo Tuhan Yesus Kristus untuk bekojo dongan tonang dan makan ghotinyo sendighi. ¹³ Sodangkan kau, saudagho-saudagho odan janganlah lolah boghbuat baik. ¹⁴ Jiko ado oghang yang tidok monaati apo yang kami katokan dalom sughat ini, konalah oghang itu dan jangan beghtoman dongannyo supayo iyo menjadi malu. ¹⁵ Jangan poghlakukan dio sobagai musuh totapi toguh sobagai seoghang saudagho. ¹⁶ Tuhan damai sejahtegha kighonya membeghi kau kodamaian sotiap maso dan dalom segalo keadaan, Tuhan menyoghtai kau semuo. ¹⁷ Odan, Paulus, menulis salam dongan tangan odan sendighi sobagai tando keaslian sughat odan. Bogitulah odan menulisnyo. ¹⁸ Kaish kaghunia daghi Tuhan kito, Yesus Kristus, menyoghtai kau semuo.